السلام عليكم ورحمة الله وبركاته
عيدكم مبارك تقبل الله منا ومنكم صالح الاعمال
ان شالله انبسطتو بيوم العيد وبعد الله عنكم كل مكروه
ترا ماعرف اسوي مقدمات واول مره اسوي تقريري بخش دوغري
الكاميرا المستخدمه سوني 8 بيكسل ( قلوب من هنا للرياض ) بس مدري ليش
اذا صغرت الصور بالفوتو يقل وضوح الصوره ؟؟؟
في البدايه احنا عيدنا بس صبح نروح مواصلين وناكل ذبيحه وجريش على الصبح ( وجه يصيح )
ثمن نرجع للبيت ننام نومه محترمه المهم دايمن مغرب يوم العيد يصير كئيب
سبحان الله يمكن عشان الشيطان تطلع وينفك قيدهم ( ممكن )
المهم في هالليله قررنا اننا نسافر لمملكه البحرين طبعا بدون حجز سكن ولا شي وازيدكم من الشعر بيت
الاستماره حقت السياره منتهيه
توكلنا على الله وانطلقنا الساعه الثالثه فجر من مدينة الرياض والطريق مره ونيس
وزحمه وشباب وعوايل المحطات فل واحنا بالطريق خايفين من سالفة السكن والاستماره
وطول الطريق ندعي انه يسمح امرنا والبزران يامنون
وهذي صورة الطريق ولا حظو وصلنا الجسر الساعه 6 الصبح وززحمه ونجلس ساعه
والحمدالله مشونا ونقعد نحمد الله ونشكره ثمن دخلنا البحرين مره تغيرت عن السنه
الي فاتت شوفو العماير والابراج الي بالصوره

بعدها بدات مسيرتنا بالبحث عن سكن رحنا ميركوري اكير فل واليت قراند برضو فل والشيرتون
ماعجبنا غرفه كئيبه وريترز كارتون ( وجع غالي الليله ب2600 )
وقررنا على الاوتيل وهذي صورته من برا
والحمدالله ثبتنا على فندق الخليج

وهذا عنوان موقعهم بالنت
http://www.gulfhotelbahrain.com
ورقمهم للحجز 17713000
وقررنا على غرف رجال الاعمال ( احم ) وذاذا هو موضوع فقط بتكلم عن قسم نادي البرستيج لان فندق الخليج كبير مره وتوني مابعد استكشفته
والحين اخليكم مع صور الاوتيل ( ذي صور المدخل والرسبيشن وجز من اللوبي ) طبعا صورتها اقسام
اخاف القط صور احد ويسون سالفه

وهذي صور اخواتي منطلقين عقب ماتعبو من السياره ( ماشالله تبارك الله )

وهذي صورة الثريات والاسياب الي تودي لغرف نادي البرستيج وصور للمصعد

حجزنا غرفتين في درجة رجال الاعمال
سعر الليله 1700 رريال 170 دينار للغرفه الواحده تشمل الفطور والمشروبات ومقبلات من الساعه 6 الصبح
الى 12 المساء في البيلانم
وهذي صورة غرفتهم

وهذا المطل المسبح حقهم غابه روعه ياليتني بزر

وهذا الحمام وانتو بكرامه (صورته اجزاء لانه مريات وخايفه تظهر خشتي الجميله من المرايه )

https://travel.maktoob.com/photo/data/500/35767.jpg[/img
وهذي صورة الثلاجه عيبها انها صغيره فتحتها بقوه وطاحت البيره وطاشت بيحسبونها علينا
خساره لو مافيها كحول كان شربتها والحين صورة لبعد مافضيت الثلاجه من المخزي
وفيه بعد صور الشكولاه عقب ماتفعصت بالسياره

خلصنا من الغرفه الحين جا دور البلاتنم حق البرستيج بالدور 13 الي فيه اكل ونت وجلسات ومشروبات
ومقبلات وكمبيوترات للي ماجاب معه لاب توب وكل هالشي مجاني من 6 الصبح لحد 12 الليل
احلى مافيخ انه هادي وكله اجانب ولا نفر خليجي

صورة بالليل وهذي صورة لاب توب وانا اعدل صوري

هذي اسماء المطاعم الي فيه
زحله ( مطعم لبناني )
رويال تايلندي مرره حلو على شكل كوخ يطل على المسبح
لابرجولا مطعم ايطالي
الواحه
جاينا قاردن صيني
تخت جميشد مطعم ايراني وفيه مطربه ايرانيه ش ملحها تغني
ساتو ياباني
فيوشنز
دورت المياه مره اعجبتني فيها تلفزيون شاشه بلازما ومنتجات الحمام من شامبو وجل وشاور كلها ماركة BVLGARI مره روعه وريحته جنان