البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ولد القطيف
14-12-2022 - 10:37 pm
السلام عليكم شباب
كيف الحال
اليوم بكون برنامجنا الذهاب الى جنة دلمون المفقودة .. ( القرية المائية )
قرروا الشباب يوم الاحد 2482008 الانطلاق على (جنة دلمون المفقودة) وكان عددنا 7
وابتدأ برنامجنا من اساعة 8 الصبح .. كان فيه فطور جامد شوي دسم .. لان الكل يدري راح نبذل مجهود غير طبيعي
خلصنا تقريبا ع ساعة 9.40 دقيقة
وانطلقنا في الطريق وكانت الامور ميسرة والحمد الله
وعلى الجسر في زحمة كالعادة
المهم وصلنا البحرين ومن تدخل تجيك لوايح للقرية المائية
وتبعنا الوايح لين اخذتنا الى منطقة قاحلة
دخلنا بران .. ودخلنا مناطق خاليا من السكان
لحتى مرينا على جامعة البحرين ..حتى كنا بنطل عليها حتى كنا بنفلت ملف واحد من الشباب "عاطل عن العمل"
وفي الطريق لمحنا برج مبنا الفروملا 1
شوي ونوصل .. لو تروحو ماتصدقو هذا طريقها .. تمنيت صورت لكم كل شيء ولكن ماخطر في بالي هذا الشيء
بصراحة صدق من سماها مفقودة ... (وين ماغوى بليس ولده)
طريق متعرج يمين يسار
وهذي صورة توضيحية للمكان من جوجل ايرث
ونبدأ ننزل ليكم كم صورة
هذي اول ماوصلنا ل جنة دلمون المفقودة
وهنا
صورة توضح البلد الي حنا فيه
اصبرو كم سنة بتصير بلد سياحي من الطراز الاول
وهنا لوحة شروط وارشادات
وهي الصورة للمدخنين من الحين للي يدخنوا .. لاتشيلو باكيتاتكم في رحلتكم ههه
طبعا هذا الكلام كلة من بره
ولما جينا ندخل .. الدخول ب 130 ريال بكون ثلاتعش دينار مثل مايقولون اهل البحرين
ايوه وهنا الصور من الداخل هذي البوابة
يزودوك بشيء مثل الساعة فيه بصمة اكترونية تحطة في ايدك .. لفتح بوابة الدخول
وهذي شكلها لوحة
مثل ماهو موضح بصورة هذي الربطها داخل القرية محل بطاقة الماستر كارد و العملة الورقية
تشحنها قد ماتبغى
وهذي شكلة على الطبيعة
وهنا حجم صندوق الي تحط فيه اغراضك
وهذي صورة من الداخل
ومن هنا بدات المغامرة
وهنا لامس جلدنا الماي
تدخل في محل عبارة عن مجرى مائي .. وفي مقاعد كأنك جالس على كنب بس في الماء
وتمشي من هنا
وهذي صورة خريطة مرسومة توضح لك المكان
طبعا مابين فيها شيء ولكن الاماكن كثيرة فيهه منطقة كبيرها (الموج الاصطناعي) والزلحة الصقوط الحر
وفيها زلاحة جماعية ومنطقة للاطفال وممر مائي يجري حول القرية وغيره
بصراحة كانت وناسة ماتنوصف جلسنا من الساعة 11 تقريبا الى 6 المغرب ..بعدين تعشينا ب (سيف) ورجعنا السعودية وانتهت رحلتنا
انصح اي شخص يبغى يتونس انه يروح >> لو حقة ابوك ماسويت لها دعاية كذا
طبعا اي سؤال او استفسار انا جاهز
هذا تقريري المختصر عن رحلتنا .. تمنيت صورت ليكم كل حدث وكل مشهد هناك بس تعرف بالجوال وكل شيء هناك ماي وللاسف ماكان في ترتيب مسبق .. فالعذرونا على التقصير


رحلتي الى البحرين
التعليقات (8)
الغالـــية
الغالـــية
هلا بك أخوي ...
شكرا لك على هالتقرير المنعش والحلو ....
الحمدلله انكم قضيتوا وقت ممتع وانبسطتوا ...
واسمح لي قمت بتعديل بسيط للموضوع ... مسحت الصورتين المتكررين ... صورة لوحة الارشادات ... وساعة اليد ..
حياكم الله في البحرين ... في أي وقت ...

محمد الحمادي
محمد الحمادي
تقرير جميل وانشالله نشوفوكم مرة ثانية في جنة دلمون المفقودة
ولي خبر زين لمحبي جنة دلمون المفقودة
راح يصير مثلها في مجمع الستي سنتر الجديد اسمها واهو وهي ممكن دخولها صيف وشتا

الماسة السوداء
الماسة السوداء
يعطيك العافيه اخوي على التقرير السريع

ابو روى S4
ابو روى S4
و عليكم السلام
هلا بأهل القطيف
ما شاء الله عليكم ... اجل إلى الساعة 6 المغرب
إن شاء الله لي رووحه قريبه

ريناد1407
ريناد1407
يامرحبا بأهل القطيف
تقرير جميل وياليت كثرت الصور
وعندي كم سؤال
من حيث دوامهم من إلى؟
وطول الأسبوع تفتح وإلا لها ايام محدده؟
ويحتاج نآخد معانا ثياب احتياطية وإلا هي مجرد ألعاب مائية ماتلعوز الثياب؟
وبس

نوف2008
نوف2008
ماشالله عليك
رحله ممتعه ياليتنا شباب

sliman2001
sliman2001
اهل البحرين علمونا كيف اوقات العمل بالعيد
وبكم الدخول
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بسرعه ناوي اروح لها

malek87
malek87
أنا اخوك من السعودية وكنت متواجد بنفس هذا اليوم بالقريه
دخلتها الساعه 12 ونص الظهر وطلعت 4 العصر


خصم يصل إلى 25%