في انتظار رد أحد الأعضاء
من لديه معلومات يزودنا فيها ياجماعه
شاكرين لكم مقدما

بوسطن مدينه تاريخيه فيها جامعات عريقه علي مستوي العالم مثل هارفارد و ام اي تي ....
تفضل هالموقع راح يفيدك ان شاء الله http://www.bostonusa.com/
لكن في شهر اكتوبر يبتدي الجو يبرد فيها باقي الاماكن ماعندي فكره وبوسطن اكثر من 3 ايام مايصلح تجلس فيها وفيها كتيب عباره عن تذاكر سياحيه لاشهر الاماكن راح يوفر عليك الزيارات والاسعار كمان
شيكاغو تفضل هالموقع http://www.choosechicago.com
واشنطن دي سي تفضل هالموقع http://www.washington.org/

@ابوفيصل@
ألف ألف ألف شكر لك يالغالي
عسى ربي يحفظك ويسعدك على مشاركتك الأكثر من رائعة ..

1. امجد .. اول مره اشوف هالموضوع.. ولكن يبي له وقت ..

امجد .. اول مره اشوف هالموضوع.. ولكن يبي له وقت ..

بالنسبة لشيكاجو افضل شارع عندهم في الدوان تاون اسمه ميتشجن وعليه مجموعه من الفنادق .. ميزته انه في الداون تاون قريب من المجمعات التجاريه و البارك و قريب من البحيرة .. وعلى فكره شيكاجو من احلى المدن الامريكية بالنسبة لي طبعا خصوصا بوقت الصيف اما بالشتاء الله يعينك على البرد ..
اما واشنطن الداون تاون شوي رسمي بزياده ولكن في شارع اسمه M st خصوصا القريب من منطقة جورج تاون فيه مجموعه من المحلات و الفنادق و مطاعم .. و قريب بعد من النهر على ما اعتقد .. واذا كان معك سياره تقدر تروح مجمعات تجاريه مثل تايسون "عباره عن مجمعين جنب بعض واحد ماركات غاليه و الثانية عاديه وفيه زحمه" انا خلال رحلتي الى واشنطن زرت منطقة الاكسنادريا "ما ادري تنكتب كذا ولا كيف" فيها شارع حلو خصوصا عند المنطقة القديمة و ممشى على النهر حلو. و في مجمع اوت ليت في منطقة بوتوميك يعتبر عادي شوي .. وفي الداون تاون حق واشنطن مجموعه كبيره من المتاحف و المباني الحكومية الحلوه منها البيت الابيض و الكونجريس.. في ملاهي سكس افلاجس قريبه من واشنطن ولكن شيك على الاوقات لان بالشتاء ما تفتح يوميا .. واذا كنت من محبين الطبيعه تقدر تخيم في احد مناطق الكامبنج .. انا ودي اني كتبت عنها ولكن صدقني الوقت عندي ضيق .. و بالنفس الوقت عجاز .. والشباب ما يقصرون معك ..
بوسطن مدينة صغيره ولكن رايقه اعجبتني كثير خصوصا طابعها الاوروبي بالنسبة لي .. يكفيها يومين او 3 بالكثير .. ولو خلصت المدينه تقدر تطلع تتمشى برا المدينة انا رحت شمال الى وايت ماوتن
هذا عنوانهم . http://www.visitwhitemountains.com/
انا كتبت لك اشياء سريعه ولكن لو تحب اي تفاصيل اكثر انا مستعد ..

ودي اعرف جو شيكاغو صراحه كيف راح يكوون في نص اكتوبر وكيف اللبس نلبس بالطوات والا يكفي ملابس ثقيله شوي؟؟
وايش الأسواق الحلوه فيها والاماكن اللي تستاهل الزياره؟يعني بمعنى آخر لازم اللي يروح شكاغو يشوفها ولايفوتها
ومشكور اخوي مقدما

fms
يسلم راس من سماك (( نجم )) .. معلومات قيمة جدا جدا عسى ربي يعطيك ألف عافية .. أنا حاليا بنيويورك .. وبصراحاة الديرة مو لذيك الدرجة .. مبنى الأمم المتحدة مغلق عن الزوار للمؤتمر الدولي وما راح يفتحونه الا بعد 10 أكتوبر .. أحسن ما في الديرة أن الواحد يحس بالأمان لأن فيها شقراوي غالي يسواهم كلهم ..
أكرر معلوماتك أكثر من قيمة وعسى ربي ما يحرمك أجر كل من يستفيد منها ..

ماشاء الله.. اشوف نيويورك منوره ..
بالنسبة للام المتحده اليوم في احتفال القنصليه السعودية باليوم الوطني .. وكان في دعوات لبعض الظلاب السعوديين و الي اتصل عليهم وطلب دعوة ..
اما بالنسبة للنيويوك كسياحه ما تنفع تطول فيها .. ولكن الي اكيد بينسط فيها الي يحب الاسواق و المطاعم في مطاعم واجد واكثرها تنفع للكابيل .. و الي معه زوجته ....
مدام انك في نيويورك خلنا نشوفك ..

fms
منورة الديرة ب : (( نجمها )) ..
وقت الفراغ هنا طويل ..وربي كنت أتمنى احضر الاحتفال لو كنت داري عنه .. وشوفتك شرف لنا طال عمرك ..

امجد لو تحب الهامبرجر .. في مطعمين حلوين في منهاتن ..
الاول وهو المفضل عندي تلقاها في ماديسون سكوير بارك .. على شارع 23 بين برادوي و ماديسون افنيو .. اسم المطعم شيك شاك .. الهامبرجر لذيذ اسم الهامبرجر "شاك برجر" مرات الطابور يوصل الى ساعه انتظار ولكن الحين الجو برد ما في زحمه ..
عنوان المطعم على الانترنت :
http://www.shakeshacknyc.com/
وفي مطعم ثاني داخل فندق مرديان .. بتدخل الفندق بتشوفه فخم ولكن بتستغرب من المطعم وتراهم ما يقبلون الا كاش فقط ..
اسم المطعم Burger Joint
عنوان الفندق
Le Parker Meridien
9W. 56th St., New York, NY 10019
ولو تحب الرابس في مطعم فقط في نيويورك وله اكثر من فرع .. اسمه دالس باربكيو لهم فرع في التايمز سكوير على شارع 42 جنب السينما طبعا انتبه اختار البيف ..
موقع المطعم على الانترنت
http://www.bbqnyc.com/
وفي مطعم ايراني يمدحونه العيال .. لو تبي نروح نتعشى فيه نجربه مع بعض بكره بعد المحاضره في شارع 77 ولكن ما اعرف تفاصيل الموقع ..