الميني كاب اكيد ارخص من التكسي الاسود ، لان التكسي الاسود يشتغل على العداد ، و من هيثرو لي نص لندن 54 دقيقة تقريباً و لا تنسين الزحمة . مثلاً انه و العايلة لما وصلنا لندن خذينا تكسي اسود و طلع علينا ب 49 باوندز لان من حظنا ما كافي زحمة و له جان بيصخنا بذاك المبلغ ، بس في الرجعة خذينا ميني كاب و طلع علينا 53 باوندز لان عندنا شنط وايد ، لان شركات الميني كاب يحسبون التكلفة بحسب عدد الرؤوس و الشنط . بس بكل الاحوال الميني كاب بيطلع ارخص .

أخوي / قوس النصر , شكرا على الرد و التجاوب السريع
أولا : أنا رجل مثل حضرتك
ثانيا و هو الأهم : كيف يكون الميني كاب أرخص من التاكسي الأسود و في نفس الوقت تقول أن التكسي خذ عليكم 49 جنيه ففط , و الميني كاب أخذ عليكم 53 جنيه . . . ؟

تحياتي لك
ورحلة موفقة
ممكن عن طريق السكن الفندق اللي اخترته يحجزون لك سيارة ويرسلونها باسمك المطار
تكلفتها من المطار الى السكن 45 باوند هذا المتعارف علية ...
يعني افضل من انكم تشلون الشنط وتطلعون بها الى اماكن التكاسي

الحين احبكت تاكسي اسود ولا وردي >>> (( توحووب الوردي ))
ميني كب أرخص نوعا ما .. نوعا ما ها !!!
إن افرقت افرقت ب 20 30 باوند ها ها ... بس !!
"
من جد .. يعتمد عليكم .. إذا والله مرتاحين بالرحلة أو مواصلين .. شناط واجد أو شوي .. عددكم كثير أو شويين .. تبون تتمشوون .. ولا ور على الأوتيل ولا تكلمون احد !!
ميني كب أرخص ومن الأفضل تكلمون وانتو ما بعد سافرتو .. وتخبرونهم برقم الرحله وعلى اي طيران وكذا !!

مسامحة يا خوي على التخربط حقك علي امسحها بويهي .
ثاني شي بخصوص التكاسي ، مثل ما قلت لك التكسي الاسود طلع علينا ب 49 باوند لان وقت الي وصلنا كان هدوء و مافي زحمة بالشوارع . اما الميني كاب طلع ب 53 لان مثل ما قلت لك كان عندنا شنط وايد و عدد الشنط يدشون في الحسبة . الزين في الميني كاب انك بتعرف السعر مسبقاً و في اكثر من شركة الواحد يقدر يشوف الي يناسبه من الاسعار ، بس التكسي الاسود يشتغل على العداد و كل ما طال المشوار و زادت الزحمة زاد المبلغ . و الاخت النوف وضحت الموضوع اكثر .

السلام عليكم
تقبل الله طاعتكم
الميني كاب ارخص من المطار لين وسط لندن ب 20 باوند الغالي ..
ولكن إذا انت بروحك أو معك واحد بس فأنصحكم بقطار هيثرو اكسبرس أسرع + ارخص
واي خدمه احنا تحت امرك الغالي