صورة لمركز فؤاد سنتر ليلاً من غرفة الفندق :

واو
روعه روعه روعه
أخوي الغالي تلفريك اول شي الحمدلله على سلامتك ونورت الديره بزيارتك وشوفتك لها, وكان ودي انك عطيتني خبر بعد عشان اعلمك عن بعض الآماكن الي يمكن تستمتع فيها فعلآ , ولكن الحمدلله انك قضيت ايام جميله , وفعلآ صور تاخذ العقل رهيبه , ماشاءالله عليك تصلح مصور صحفي لآن فعلآ عندك ذوق في طريقة التصوير واختيار الزاويه وغيرها, وفعلآ الخبر والدمام في العيد كانت جدأ مزدحمه بزوارها وحبايبها ونتمنى لكل من يحب الشرقية مايحرمنا من زيارته لها , والشرقية تحب كل من يحبها وترحب في الجميع مهما كانو فهي ملتقى الخليجيين
بس ماقلتلي اخوي تلفريك انت جاي من أي منطقة؟ وكم مره قمت بزياره للخبر والدمام؟
وان شاء الله تزورها قريبأ وتحصلها تطورت أحلى واجمل منها الحين وحركة التطور فيها مستمره مادام ان فيه ناس مثلكم منورينها
تقبل خالص شكري وتحياتي لك يالغالي
سلطان الشرقية

شكلك كنت ساكن في المريديان ؟؟؟
وشلون ما تعجبك الخبر ؟؟

تسلم على تقريرك المصور ،،،،

الغالي سلطان الشرقية
أشكرك على كلامك الطيب وهذا من طيب أصلك .....الخبر والدمام ماهي غريبة علي .أنا من الرياض . وفعلاً المنطقة الشرقية تغيرت كثير .
وما لفح ظهورنا إلا رمل الهاف مون أيام الطفر . كانت رحلات شبابية حلوة وفيها من الذكريات والضحك والهبال الشيء الكثير .
شكراً لك وأرجو أن تستمر بنفس روح النشاط والحماس فأنت سفيرنا السياحي لشاطئنا الشرقي .
باقي صور الدمام ونصف القمر.

أخي الرهيب
صادق والله وشلون ماتعجبك الخبر ؟
شكراً لمرورك الكريم وتسلم .
تذكرون ياشباب لاعب الزعيم ريفلينو البرازيلي الله على الكورة سألوه ماهي أحسن مدينة في المملكة؟
أجاب الخبر