اخي العزيز نتشرف بزيارتك لقطر وانتظر المعلومات كاملة عن السياحة في قطر خلال الايام القادمة ان شاء الله على الرابط التالي
http://www.arab4travel.com/vb/showthread.php?t=21962

بإختصار لاتوجد سياحه في قطر

الاخ مكسيما
ليش زعلان السياحة موجودة في قطر (حالها حال دول الخليج الاخرى) وبتحصلها على الرابط المذكور اعلاه خلال الايام القادمة .
طول بالك والله يعطيك العافية

أبداً مو زعلان
أنا لي أقرباء في قطر
وأشوف أنها مو سياحيه
وجهة نظر
وتحياتي لأهل الوكره

خ
دام أنك مطيح في الوكرة .. وين بتشوف السياحه خ
حلو
إذا رحت مرة اخرى الوكرة اكيد أهلك الي اهناك يدلون ( منطقة العديد ) مش بعيده من الوكرة
روح لها .. وروح شوف بحرها
بس لاتخاف من الطعوس ..
شئ آخر ..
أنت آخر مرة متى رحت الدوحة أخ مكسيما؟؟؟؟؟؟؟
ترى الدوحة حق 4 أيام بس .. مش أكثر
والي يطول فيها راح يتملل .. ودول الخليج كلها نفس الكلام ..
تحياتي لك اخوي وإذا جيت الدوحة أخوي مكسيما .. أتصل فيني .. خلني أفرك على الدوحة عدل .. علشان تشوف السياحة .. والنهضة السياحية
قطر الآن لاتقارن بدبي .. لأن دبي متقدمة على قطر بمراحل
لكن أنتظر حتى ( 2015 ) ..
وشوف التفوق القطري على دبي .. وعلى كل دول الجوار ...

أعرف سيلين
و معصرة اسطنبول
وجريدة الشرق و الرايه
وجهاز ستيشن
هذا كل اللي أعرفه في قطر
أذكر مره قطر فازت على الكويت بكأس الخليج وانا موجود في قطر ورحت المسيره على سيارتي المكسيما الذهبيه ومعاي ولد خالتي وصوروني التلفزيون والجرايد وكانوا يقولون لي والله روحك رياضيه
وحتى الشباب يصفقون لي

خ
شكلك من زمان ماجيت الدوحة
وسيلين مب لين أهناك ..
العديد أحلى
وجريدة الراية غيروا مكانهم .. عن مكانهم القديم
وجهاز ستيشن شنو ذي ؟؟ هل تقصد بلي ستيشن ؟؟ خ
تحياتي لك يالغالي

الاخ الكريم بو محمد:
مع ان لك ردين في الموضوع الا انك ما جاوبت على السؤال ..

هلا بالغالي
آسف جداً ..
اماكن سياحية
كورنيش الدوحة - حديقة الحيوان - حديقة البدع (مقابلة للكورنيش) - متحف قطر الوطني - والكثير الكثير ..
فنادق
على حسب ميزانيتك .. كم ميزانيتك لليله الواحدة ؟؟ تقريباً .. ؟؟
اسواق
السيتي سنتر - المول - اللاندمارك - المركز - الصالون الازرق - الاسواق الشعبية مثل سوق واقف - وسوق الجبر - وسوق العسيري - وسوق الاحمد وغيرها ..
هذا الي عندي لحد الآن ..