بينانغ المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مسافره مختبه
23-11-2022 - 01:02 am

مسيكم بالخير يالعمال العماليه..
وصبحكم بالخير يالعمال العماليه..
كثير مننا يختار ((العباره)) للتنقل بين لنكاوي وبينانغ..والعكس
ويفضلها على الطيران..
من باب التغيير .. ومن باب الاستكشاف..
او حتى لنواحي اقتصاديه..
عموما.. الطريقة المتبعه غالبا بالحجز هي انه اذا وصل المسافر مننا ياما لنكاوي.. او بينانغ يسوي حجز من هناك قبلها بيومين..او مايقارب هالمده..
او لوسيعين الصدر مره.. او بأقوال اخرى (ميتينن الشنق على قولة اميمتي)
ممكن يروح بنفس اليوم (وطبعا مخاطره كبيره جدا ووارد انه يكون كلش (فل) ويتورط..
عاد لا طريق بر ولا شي.. بحكم ان لنكاوي جزيره..
يلا عاد حلها انت وش بتسوي؟
اما اذا كنتوا مثل محاكيتكم..
عندكم وسواس تخطيط وتنظيم..
ولا يمكن اسافر الا كل خطوه مخططه لها.. ومرتبه امورها..
والا تجيني سكته وافزفز قبل الرحله بايام تجيني احلام ان الرحله فل.. واني متورطه..
وانهم كنسلوا حجزي بالفندق و و و ...
علشان كذا احب احجز كلش اونلاين قبل لااروح باسابيع..
قاتل الله الوسواس اينما كان
علشان كذا اعتقد الموضوع المصور هذا بيكون ان شاء الله ذو فائده (محجوزه ذو ترا)
ويارب تستفيدون منه ان شاء الله..
وهو مجرب ومافيه اي مشاكل باذن الله تعالى..
الخطوه الاولى..
موقع الحجز..
ارعص هاهنا
7
7
7
http://www.langkawi-ferry.com/lfs/ebooking/booking1.asp
بعدين بتطلع لك الشاشه التاليه..
تعبون المعلومات المطلوبه.. للتاريخ.. والمسار

الشاشه التاليه..

اللي بعدو
(نتأكد من صحة المعلومات من مسار وتاريخ وتوقيت)

((وياليت هالشاشه السابقه هذي.. تسوون لها برنت سكرين او طباعه عموما والاحتفاظ بها مع فاوتشراتكم وبعدين باعلمكم ليش))
نجي هنا...

لاحظوا مولوده بعام كم..
يالله حسن الخاتمه بس..
كح كح كح
(ايقونة عجوز متوسده رادو بني على سجاده وتتسمع يوميات ام حديجان)
بس ولو..
يمديكم على العجوز اللي رقم جواله مميز
وشاشة الدفع...

بتجي بعدها شاشه انتقاليه ماتاخذ ولاثواني..(ماتسوون شي لمين تجي الشاشه التاليه)
الشاشه النهائيه..

وللتوضيح اكثر..
هذي هي الارقام الثلاثه الاخيره خلف البطاقه (security code)
بعد كذا بيتم الشراء ان شاء الله..
وبتلاقون في بريدكم ((ايصال شراء))
تنبيه هام... ودي اوضحه لكم..
الايصال اللي بينرسل لكم.. هو عباره عن ايصال شراء فقط..
من الموقع الوسيط اللي اتمم عملية البيع..
واخر مره سويت فيه حجز ماكان فيه اي بيانات للرحله او شي..
زي ماحنا متعودين بالتذاكر الالكترونيه عموما..
فطريقتهم المتبعه هي التالي...
انكم تطبعون الايصال هذا..(ايصال الشراء من الموقع الوسيط)
وتروحون قبل الرحله بساعه او اكثر..لمحطة الفيري..
تعطونهم ايصال الشراء.. ومن الرقم الموجود عليه بيطلعون تذاكركم ان شاء الله
وفي اول الموضوع يوم اقول لكم اطبعوا شاشه معينه للاحتفاظ كفاوتشر..
علشان تذكير لكم بموعد الرحله.. وتاريخها وتنحط مع باقي اوراق الرحله الخاصه فيكم..
ماراح يحتاجونه..
اتمنى ان موضوعي يفيد ان شاء الله..
وتمنياتي لكم برحله سعيده على الفيري
(ولاتنسون اكياسكم معكم.. وكل واحد منكم يخلي بالوا من لغاليغو)


التعليقات (9)
c a n d l e
c a n d l e
السلام عليكم
سبقك بها عكاشة
https://artravelers.com/p/re/198302
ومع ذلك ما نستغني عن موضوعك ..
نشكرك لمجهودك ..

ابو شاهين zeem
ابو شاهين zeem
الشكر موصول لكم على الجهد المبذول ..
تحياتي ,, ,

فوق مستواك
فوق مستواك
مشكورة اختي مسافرة مختبة على جهودك الرائعة
والله يجزاك خير
والشكر موصول للاستاذ عكاشة ابوعمر ههه
الله يوفقكم يارب

الناعبي
الناعبي
شكرا لك أختي الكريمة على هذا الموضوع الرائع والمتميز
وجزاك الله خير الجزاء
موضوع مفيد لزوار ماليزيا
أحيانا يضطر المسافر للحجز على الفيري وذلك لكثرة الغاء الحجوزات على الفاير فلاي
3 أشخاص أعرفهم قامت شركة الفاير فلاي بالغاء حجوزاتهم ولم يجدوا مفرا من استخدام الفيري

yusf20
yusf20
مرسي اختي
تفصيل ولا اروع

مسافره مختبه
مسافره مختبه
c a n d l e
وعليكم السلام عكاشه كيفك..
الله يعطيك العافيه على جهودك بالبوابه..
بس انا موضوعي يختلف عن حقك باني حاطه رقم جوالي وانت لا
(ايقونة ترقص حواجبه)

ماركوبولو
ماركوبولو
الله يعطيكِ العافية والله اني بحاجة ماسه الى مثل هذا الشرح الصوري الواضح والذي لايصعب فهمه
كعادتكِ دائما في شروحاتكِ فشكرا ياخالتي مسافره مختبه والشكر ايضا موصول لخالي كاندل,,,

مسافره مختبه
مسافره مختبه
ابو شاهين zeem
هلا بك ابو شاهين..
شرفني مرورك الموضوع

النهر الجاري
النهر الجاري
شكرا لكي اختي الفاضله ( مسافره مختبه ) على الجهود التي تقومين بها لخدمه المسافرين ... فنحن جميعا في حاجه لابداعاتك وخبراتك .. فلا تحرمينا منها ...
وطبعا الشكر موصول لمشرفنا الغالي الغني عن التعريف ..
وايضا لا انسى ان اشكر جميع الاخوه الاعضاء الذين يخصصون جزء من وقتهم لهذا المنتدى الغالي ..
اعجبتني هذه الكلمه :
قاتل الله الوسواس اينما كان
وتقبلوا مني فائق التحيه والاحترام ...
ابو نايف


خصم يصل إلى 25%