بسبب رحلة طارئة لاوروبا كلمت على السفارة الايطالية امس وقالوا اقرب موعد 9 اغسطس
قلت اجرب موقع السفارة الفرنسية بالنت
ودخلت على المواعيد وحجزت موعد على اليوم 11 ظهرا
المهم وصلت الساعة 10.50 (مسوي فيها اوروبي على الموعد)
واللي هاك السرى قدامي حوالي 20 شخص واولهم موعده الساعة تسع وللحين مادخلوه
استسلمت للقضاء والقدر وقلت الصبر طيب :112::112:
ومكان الانتظار عبارة عن هنقر حديد وبه مكيف صحراوي وبرادة ماء يعني يمشي الحال
وقفنا مع هالعالم سواليف الين دخلوني الساعه 1 بعد انتظار اكثر من ساعتين
نزلنا تحت في البدروم والا هالشباك اللي كنه حق بنك وبدا يطلب الاوراق
1 ) تعريف من العمل موضح به الوظيفة وتاريخ الالتحاق بالعمل والمسمى الوظيفي ومدة السفر
2 ) صورة من تذكرة السفر
3 ) حجز الفندق
4 ) تامين طبي
5 ) كشف حساب 6 شهور
6 ) صورة من الجواز والفيز السابقة
7 ) الطلب معبا وجاهز
8 ) صورتين شخصية
9 ) مبلغ353 ريال
عطيناهم كلش :x1::x1:
وقال اتفضل
دخلنا جو صالة انتظار داخليه لكن مكيفة وبها كراسي ودورة مياه
وبدو ينادون بالاسامي ونادوا اسمي
وجلست قدام بنت ودققت في جميع الاوراق وسالتها هل ممكن تعطوني فيزا لمدة سنتين قالت حسب رصيدك بالبنك سنعطيك اقل من سنة علما ان القنصل هو من يقرر
اعطتني وصل وقالت تعال استلم جوازك الأحد
وتاشيرتك بتكون جاهزه 10 اغسطس
الساعة الان 1.20
والسلام ختام