أسعار السكن في فندق ميريديان الهدا..
هذا الي قدرت احصل عليه عند زيارتي للفندق وللأسف حتى التصوير منعوني منه ولما طلبت أشوف الغرف..
قالوا لي ممنوع..
طبعا الكلام هذا كله بعد ماطلبت الاذن منهم وبعد الاتصال بالمدير أعتقد هندي الجنسيه اسمه علي..
قال الصور موجوده في موقعنا على الانترنت..
قلتله حبيبي الصور الموجوده بالموقع قديمه من أيام الشيراتون..
طبعا بعدين دخلت موقعهم وللأسف لقيت مكتوب تحت الانشاء..
http://www.lemeridien-alhada.com/
الظاهر المدير نايم ومو داري عن شي..
قلت طيب أبي اسكن ومن حقي أشوف الغرفه الي تناسبني ولا بعد ممنوع؟؟
شفت غرفه وحده double bed كانت جديده ومرتبه..
طبعا عندهم خدمة الانترنت مجانيه بالغرف..
بعد ماشفت الغرفه قلتله اسف ماناسبني الفندق بس عشاني ضارب مشوار ومابي اطلع من الفندق بدون ماشوف الغرف ..
تمنيت فعلاً انه اصور الفندق لكن للاسف بائت كل محاولاتي بالفشل..
ولكن الحق يقال الفندق نظيف ومجدد اختلف عن أول كلياً..
بس مدري هل الفلل مجدده بعد ولا لا..
عدنان
وبصراحة هذا الفندق من أجمل فنادق الطائف
ومادري وين المستثمرين عن منطقة الطائف