لبنان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مـزون
25-06-2022 - 04:54 am
السلام عليكم جميعا...
الصراحه تعبت وانه افكر ولحد الحين ما استقريت على مكان للسكن
ناس قالولي سكني بالروشه وناس قالوا بالسوليدير وغيرهم نصحوني بعاليه وبحمدون او برمانه...
وانه ضعت ما أعرف اختار لا المنطقه ولا حتى الفندق
وشفت بموقع لحجوزات الفنادق فندق اسمه De ville بس ماعرف المنطقه اللي فيها الفندق فإذا احد عارف شي عنه يفيدني واكون مشكوره له..
وكل اللي ابيه منكم انكم ترشحون لي منطقه حلوه للسكن وكل شي قريب منها من مطاعم واسواق حلوه وتعطوني اسامي فنادق 4 نجوم فهالمنطقه...
يالله همتكم اخواني وخواتي..


التعليقات (9)
مـزون
مـزون
وينكم ياجماعة الخير يالله تراني انتظر ردودكم واقتراحاتكم...

المكوك
المكوك
السلام عليكم
اهلا أخوي ( مزون البحرين )
أنا عني شخصيا أنصحك تسكن ب جونية منطقة ( شارع الكسليك منطقة المعاملتين )ساحليه تجاريه بحرية سياحيه منطقة جداجدا روعه
أما بخصوص المناطق الجبليه أجر سياره مع سائق وروح إتمشه وإرجع أخر الليل
أما الفنادق منتشره بكثره بالمنطقتين والأماكن السياحيه والمطاعم .......إلخ
ملاحظة : ما أنصحك ما تسكن بيروت لأن ألحين صارت غاليه ومن بعد المشاكل الأخيره تحولت رغبة السواح إلى المناطق الجبليه و جونية

مـزون
مـزون
مشكور اخوي بس قريبتي سكنت فجونيه من سنتين وماعجتها
وانه وزوجي من النوع اللي نحب المنطقه فيها حياه لين اخر الليل..
نروح ونتدعس بالشوارع ونكتشف اماكن واشياء..
فحسيت بيروت احسن بس ماعرف اي منطقه...

المكوك
المكوك
مزون البحرين
بيروت الساعه 10 مساء شوارعها تصير فاضيه
إما إنكم تسكنون بحمدون الشارع الرئيسي زحمتوا لآخر الليل وماتخلص وكله خليجيين
أو جونيه شارع الكسليك وخاصية في عطلة نهاية الأسبوع

مـزون
مـزون
يعطيك العافيه اخوي مكوك مشكور على الاقتراح...
وان شالله نفكر فبحمدون

alsuroor
alsuroor
لاتسكنين في غير بيرو وت احسن لك
كم ميزانيتك للفندق وانا اساعدك

banderino
banderino
فندق الهوليداي ان بفردان وسط بيروت قريب من الروشة
فندق سكني عائلي ومراكز تجارية عالمية ومطاعم ومقاهي وكل شي قريب
اضافة انه منطقة امنة ويكفي انه وسط بيروت

مـزون
مـزون
مرحبا اخوي سرور..
ميزانيتي تقدر تقول 120 دولار بالليله او شوي اكثر مومشكله
قالولي عن الرويال بلازا فالروشه وعن لانكستر وانت شرايك؟؟؟

مـزون
مـزون
مرحبا اخوي بندرينو..
سمعت عنه بس قالو عن المنطقه انها ماركات وغاليه وايد..
ماعرف اذا صحيح وله لا؟
وعموما اذا مالقيت غيره عادي اقدر اسكن فيه وناخذ سياره ونطلع بره مافي مشكل


خصم يصل إلى 25%