بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



نجديـــه نجديـــه
لا تبخل برايك ومشورتك.
18-03-2012 - 08:21 am

مرحبا

كيف الحال؟ انشاء الله طيبين****************> راعيت طويله بتسولف:106:

ببدأ القصه من البدايه والله يعينكم تسمعونها********اربطوا الاحزمه

كان في مخططنا لهذي السنه نروح الصين><:baaa2:

وكنت أسوي بحث في النت عن أغنية محمد عبده :m9:

عشقتك قبل ماشوفك وشفتك صرت كلي حلم

فجأءه طلع لي تقرير الأخ مايسترو

وقلب كل مخططاتنا وصرت أبي لندن وباريس:50055:

والحين لنا شهر وحنا نسوي الترتيبات

وطبعا لازم أقول لكم وش سوينا وش باقي

أولا: الرحله عباره عن 12 يوم .لندن سته ايام, باريس سته ايام.

ثانيا: تم الحجز على فندق الهلتون بادنقتون في باريس بسعر 1160 ريال

وتم الحجز على فندق الكونكورد لافيت في باريس بسعر 1060 ريال

نسيت أقول لكم السفر بيكون في 21 جولاي

ثالثا:بالنسبه لتذاكر الطيران مالقينا حجز :110: في المكاتب السياحيه قلنا نجرب

في الخطوط السعوديه, قالوا الرحله عند العوده مافيها امكانيه :112: بس بيحجزون

لنا على الخطوط الفرنسيه لانهم شارين نص المقاعد,

قلنا احجزوا أهم شي نرجع الرياض<<<<< اكيد بنكون اشتقنا لجو الرياض الرائع:36_3_1::36_3_1:

سعر التذكره 3400 ريال

رابعا: الفيزا<<<<<<هنا المشكله

كل موضوع اشوفه القى شروط زياده,,,,,,,,,,,,,,,:36_1_5:

أنا بقول اللي اعرفه والباقي عليكم

1ـ التذاكر
2ـ حجز الفندق
3ـ كشف حساب لمدة سته شهور
4 ـ تعريف بالراتب من جهه العمل باللغه الانجليزيه>>> مدري موجه لمين؟
5 ـ صور على خلفيه بيضاء
6 ـ وشي جديد اللي هو التأمين<<< مدري وش سالفته ولا من وين :36_1_48:

والاهم نطلع فيزا لبريطانيا وتكفي لانا بنروح لباريس على القطار أو لازم

نطلع الشنقن<<< انشاء الله كاتبتها صح

الأسئله:
********متاثره بالاختبارات

س1 ـ وش رايكم بالفنادق؟

س2 ـ كيف بيكون الجو في نهاية جولاي؟

س3 ـ شروط الفيزا ؟

س4 ـ من وين أحصل الخرائط اللي توضح الاماكن السياحيه؟

س5 ـ كيف بتكون طريقة المواصلات من الفنادق >>اقصد فندقي اللي في باريس وفي لندن

صارت لي<<<<؟

س6 ـ اذا نسيت شي ذكروني فيه؟

والف الف شكر لهذا المنتدى الاكثر من رائع

والله اني استفدت منه كثير وكأني سافرت لاماكن كثيره.

لاخلا ولا عدم وربي يخليكم,:rose13:

الحين بابدا تشرط:101: اذا تبون تقرير اذا رجت جاوبوا الاسئله ولا تحرمونا من ارائكم

ولا بكيفكم ترى أضيع هناك :016: وتضيع التقارير معي

دمــــــــــــــتم بكل الـــــــــود ,,,,,,,,,,












المشاركات

pariss_sky pariss_sky
لا تبخل برايك ومشورتك.


التأمين من التعاونيه للتامين .. ونصيحه ودي اوراقك لاي مكتب سياحي الصرح ويخلص امورك

بس تحضرين لهم تعريف بالانغليزي ووصور وكشف حساب .. ويلزمك فيزتين وحده لبريطانيا وحده الشنغن

واطلبي منهم شنغن ايطاليا لانها اسهل سفاره لان فرنسا معقده جدا والشنغن تدخلك كل اوربا ماعدا بريطانيا

طريقه المواصلات استخدمي مترو الانفاق ... نهايه جولاي براد شوي وامطار ومرات يصير حار ..


فندق كنكورد بعيد شووي ... شوفي كلاريج بليمان او رويال او شاتو ايبريند او روسشتير نفس مستواهم


بعدين اسافر بعدين اسافر
لا تبخل برايك ومشورتك.


اهلييين ومرااحب نجديه ...

ماشااء الله اوول مشااركه و 400 سؤؤال بعد ربط الاحزمه .. اجل لو مافيه ربط احززمه كم بيكون سؤال

بس يالله وش علييه بنجااوب .. دامها اول مشاركه بس لاتعودينها خخخ امززح اختي ...


راح ناخذ اسألتك سؤال سؤال .. ونجااوب ...

اول شين ... بالله فييه احد يفكر بالصين ويتررك بااريس ... ياللعجب !!!!


بس احسن مااسوويتي انك غيررتي المخطط الى باريس ولندن ...

ثاني شين. معقول اكثر من 22 الف خطوط ولا لقيتي حجز .شووفي الطيران المصري ..لاني حاجز فيه خخخ

القطريه .. الاماراتيه ...طيران الخليج .. البريطانيه .. الفرنسيه ..طيران الاتحاد كثييييير وان شاء الله تحصلين

العاام قبل رحلتي بشهر وانا اعدل بالرحله وحصلت حجز ...

ثالث شين ... بالنسبه لندن يمدحون الثستيل ماربل ارتش و الكمبرلاند ..

رابع شين .. كنكورد لافييت بعيييد كثيير على الشاانزليزيه ..


سابع شين .. الفيزا .. رووحي لاقررب مكتب سفرياات وهم بيظبطون الامور .. وبدوون دووخه

وهم بيظبطوون الحجوزات ... واني ماعليك الاتجيبي .. كشف حساب . صور . تعريف .. وفلوس وبس


ثامن شين ... الجو راح يكون حار بارد صيفا ممطر شتاءا خخخ.. يعني تقدرين تقوولين بررد شووي مع مطر


ومراات بيصير حاار بس مو داايم ... الجو تقدرين تقوولين معتدل بس خووذي ملابس احتيااط ..


الاماكن السياحيه بيوزعوون خريطه كبيره ومرسووم عليها بعض الاماكن بس مو دايم يحطوونها ...

بس معرووفه ... برج ايفل والسين واللوفر والاوبرا وساحه كنكورد و الشانزليزيه ... وديزني لاند

والتسووق في (( مجمع اللادفانس .. مجمع الكنكورد لافييت .. مجمع غاليري لافييت ))

وقصر فرسااي ... بس يفضل تحددين مووقع (( الفندق )) عشاان اقوولك كيف تطلعين بالمتروو ...

يعني اول شي حددي الفندق وبعدها نقدر نفيدك اكثررر بكيفيه الوصوول ...


س5 ـ كيف بتكون طريقة المواصلات من الفنادق >>اقصد فندقي اللي في باريس وفي لندن

صارت لي<<<<؟


اجل مشتريتها من متى ... وعسى بس الشوراع مو لكم بععد ... والله انتي اهوون من العضووه

ميمووو .. حطت شارع الشانزليزيه لها ... خخخخ


واسالي اخت قد مااتبين .. لايردك غير كيبوردك ... وحنا حااضررين لاي سؤال ...


albadr_200 albadr_200
لا تبخل برايك ومشورتك.


الاخوان ما قصروا معاك بس انا عندي نقطتين :

1 :
الفيزا الافضل من

السفاره الايطاليه ( ميزتهم يعطونك مده اطول 6 شهور و اكثر ).
السفاره اليونانية ( اجراءتهم اسهل بس انتبهي لايكون السكن حجز وهمي ) , يعني يكون الحجز موجود
الى ان تطلع لك الفيزا بالسلامة.

2 :

الكونكورد بعيد و مو رخيص , يعني ممكن بنفس السعر تحصلين فنادق افضل مستوى و موقع .

الموقع هذا ممكن يفيدك :

Paris Hotels - Venere.com - Paris Hotel Deals


نجديـــه نجديـــه
لا تبخل برايك ومشورتك.


pariss sky

شكرا أخوي

ماقصرت على المعلومات

بالنسبه لفندق الكنكورد ماسك معي

عاجبني شكل البرج

دمــــت بـــــــــود,,,






نجديـــه نجديـــه
لا تبخل برايك ومشورتك.


[QUOTE=بعدين اسافر;2014795]اهلييين ومرااحب نجديه ...

ماشااء الله اوول مشااركه و 400 سؤؤال بعد ربط الاحزمه


لا ترى مستحيه لانها أول مشاركه ولا بتكون الاسئله اكثر:109:


راح ناخذ اسألتك سؤال سؤال .. ونجااوب ...


هذا من طيب والله:24:


اول شين ...


وأنا أقول وش سر أعجابي بمواضيعك؟؟؟ الحين عرفت السر


ثاني شين. معقول اكثر من 22 الف خطوط ولا لقيتي حجز .شووفي الطيران المصري .


يعني الطيران الفرنسي مو تمام :110:



ثالث شين ... بالنسبه لندن يمدحون الثستيل ماربل ارتش و الكمبرلاند ..


اللي عجبني بفندق لندن أنه مقابل محطه المترو:suprise: خايفه أضيع


سابع شين .. الفيزا .. رووحي لاقررب مكتب سفرياات وهم بيظبطون الامور .. وبدوون دووخه

وهم بيظبطوون الحجوزات ... واني ماعليك الاتجيبي .. كشف حساب . صور . تعريف .. وفلوس وبس

والتأمين هم بيطلعونه بعد؟

ثامن شين ... الجو راح يكون حار بارد صيفا ممطر شتاءا خخخ.. يعني تقدرين تقوولين بررد شووي مع مطر


ومراات بيصير حاار بس مو داايم ... الجو تقدرين تقوولين معتدل بس خووذي ملابس احتيااط ..


:36_11_6::36_11_6::36_11_6: ذكرتني بأبله نوال مدرسة الجغرافيا

مشكلتي أني ما أبي أخذ ملابس ثقيله تسوي زحمه بالشنط

الاماكن السياحيه بيوزعوون خريطه كبيره ومرسووم عليها بعض الاماكن بس مو دايم يحطوونها ...

بس معرووفه ... برج ايفل والسين واللوفر والاوبرا وساحه كنكورد و الشانزليزيه ... وديزني لاند

والتسووق في (( مجمع اللادفانس .. مجمع الكنكورد لافييت .. مجمع غاليري لافييت ))


طيب هنا ما أقدر أحصل خرايط؟؟؟

يعني كل شي جابوه. ليه مايجبون خرايط بيعونها

علشان اذا رحت أكون عارفه كل شارع******** ايه ماعليه


اجل مشتريتها من متى ... وعسى بس الشوراع مو لكم بععد ... والله انتي اهوون من العضووه

ميمووو .. حطت شارع الشانزليزيه لها ... خخخخ


علشان ما أكون كذابه لسا ماوقعنا العقود:106:

واسالي اخت قد مااتبين .. لايردك غير كيبوردك ... وحنا حااضررين لاي سؤال ...

الله يعينك على الاسئله:114:

[/QUOTE]




دمــــــــــت بـــــود,,,,,





بعدين اسافر بعدين اسافر
لا تبخل برايك ومشورتك.




وذا الحين اكثر من 500 لون مااخترتي الا ذا اللوون .. هالمرره بعديها .. بس لاتعودينها ..

يعني الطيران الفرنسي مو تمام ؟؟؟

لا مو تمااام .. ساافرت العاام وانا على اعصابي لين وصلت .. وقلت مارااح اعيدها ابدن االبته




اللي عجبني بفندق لندن أنه مقابل محطه المترو خايفه أضيع

اسكني باي مكان في الهايد بارك .. وخوذي كرت الفندق ... الشغله سهله مب صعبه ...



والتأمين هم بيطلعونه بعد؟

ايه بيظبطوونه لك .. العام طلعتها من اليونانيه وهم خلصو كل شين ... واخذو لي تامين شهر

وطلعت فيزا ينانيه مدتها شهر فقط لاغير ...




ذكرتني بأبله نوال مدرسة الجغرافيا ؟؟؟

افا يااذا العلم . يارب ماحد يقراها خخخخ انا ابله نووال اقل شي قوولي ابله سعااد عشان هي قريبه

من اسمي واقوول غلطت البنت وزادت الالف سهوا ... ههههه



مشكلتي أني ما أبي أخذ ملابس ثقيله تسوي زحمه بالشنط ؟؟؟

وانا مثلك ماعمرري اخذت ملاابس ثقيله بس والله يجي ايااام بررد ... شووي يعني اقل شي

شي لو جاكيت او حتى فرووه تنفع لا من جد خووذي شي ثقيل بس لاتكثرين ...




طيب هنا ما أقدر أحصل خرايط؟؟؟

لا ماضن الا فيه في مكتبه جرير خريطه فرنسا طولها مترين وعرضها مترين .. وبكل مكان مديها

(( افرشيها ونااضرري الموواقع )) شدعووه خراايط ...

بس فيه في محطه المترو بيعطونك خريطه (( بس مو دايم )) بس انتي اطلبيها .. الخريطه بيكون فيها

المواقع السياحيه مصوره والمحطه اللي بتووصل لها .. هاذي بتلقينها في باريس ...




الله يعينك على الاسئله ؟؟؟؟



خوووذي راااحتك .. وحنا جااهزززين .. يطووولي بعمرررررررررك ...


الهلالي الهلالي
لا تبخل برايك ومشورتك.


وانا أقول وش هالزحمة على السفارة الايطالية :114:


paris forever paris forever
لا تبخل برايك ومشورتك.


هلا وغلا نجديه :)

ماشاءالله الأعضاء ماقصرو بالاجابات ناقصهم تحطين لهم علامات :109:<< ادري يامصلي :(

المهم بقولك عن الخطوط الفرنسيه انا جربتها كثيرالدرجه الأولى والأفق مافي أحلى منها ماودك توصلين:D والدرجه السياحيه تعتبر عاااديه بس موب سيئه :108:يعني دامك لقيتوا فيها حجز عودة خلاص توكلو

وبعدين أكثر الخطوط الحين يقولون لك العوده مو مأكد ومو شرط الكلام هذا صحيح بس لأنهم عارفين ان الضغط بيكون في العودة

وفي شئ ثاني بقوله عن الفنادق


ثانيا: تم الحجز على فندق الهلتون بادنقتون في باريس بسعر 1160 ريال

وتم الحجز على فندق الكونكورد لافيت في باريس بسعر 1060 ريال
انتي قصدك بالفندق الأول في لندن مو باريس صح غريبه وين ابله نوال قصدي ابله سعاد عنك ماعلقت عليك ولا هو ماتفوته هالأشياء :D

بالنسبه لفندق الكونكورد هو يعتبر بعيد شوي عن الشانز انا قد سكنته واكثر الأيام كنا نمشي منه للشانز بس بصراحه ماكنت احس بالتعب الى اذا كنت لابسه كعب :110: اهون واخذ تاكسي فاذا كنتوا كثيرين ومعاكم اطفال مايصلح تمشون من الفندق للشانز يعني يبيلكم مترو فعلشان كذا شوفوا لكم فندق اقرب للشانز
وعندك فندق فرانكلين تقريبا بحدود السعر اللي حصلتوه

والفيزا الشنقن هي اللي بدخلك باريس وكل دول اوربا ماعدا لندن لأن لندن يبيلها فيزا لوحدها علشان كذا عطوها مكتب سياحي يخلصها لكم وانتم مرتاحين بس أهم شئ تكون فيزا الشنقن من السفاره الايطاليه او اليونانيه اسهل وأقل تعقيد

برايفت اخوي الهلالي
سوينا لكم زحمه في السفاره الايطاليه بس الشكوى لله اهون من الفرنسيه مدري وش يحسون فيه وهم معقدين الأمور :105:


بعدين اسافر بعدين اسافر
لا تبخل برايك ومشورتك.


المشاركة الأصلية كتبت بواسطة نجديـــه


ثانيا: تم الحجز على فندق الهلتون بادنقتون في باريس بسعر 1160 ريال

خخخخ هذي مانتبهت لها ياابااريس .. والا مااتفووت ...

اجل من رائي تحجزي في كنكورد لافييت في لندن خخخخخ ...

ترريثوو اذا جيتو تكتبوون اسمااااااااء الفنااادق ....



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

لا تبخل برايك ومشورتك.