أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ...ياأهل الخبره ناوين انروح اليابان في شهر 12 حبيت اعرف الفنادق اللي تكون في مركز المدينه طوكيو ويكون المطاعم الحلال والمحلات محطة الباص او القطار قريبه منها بس اريد الفندق مايكون اغلى من 500 درهم ويكون السكن نضيف ومرتب.شو رايكم في هذا الفندق Sunlite Hotel shinjuku؟ ..وعندي سؤال ثاني في بداية شهر 12 كم يكون درجات الحراره في طوكيو؟
بليز لاتبخلون عليه بردودكم لان مافي مجال اريد احجز
اهلا عزيزي ..
بالنسبة لمطاعم اليابان الحلال ... تفضل على هذا الموضوع https://artravelers.com/p/re/230397
بالنسبة للفنادق تقريبا الفنادق اللي منطقة ربونجي جنبها مطاعم حلال .. بس بصراحة مافيه منطقة متجمع فيها مطاعم حلال في طوكيو.
وتحصل على سكن اقل من 500 درهم بسهولة جرب اقرا المواضيع اللي عن الفنادق وشوف اذا عجبك فندق معين واحنا نساعدك.
اخي الكريم لو تعطي نفسك فقط نص ساعه لقراءه الموضوع التالي https://artravelers.com/p/re/221748
هناك فندق مجرب وهو ممتاز وانا شخصيا جربته تابع الموضوع
بالنسبه للجو الحين بارد الله يعينك علي شهر 12
مشكور يالاوربي ماقصرت استفدت كثير من الرابط اللي حطيته...بس عندي كم سؤال:
1.شو الاحسن احجز الرحلات من الحين يعني ماروم احجزها من اليابان ولا بتكون فل؟
2.بنسبه للحدايق مثل دزني لازم بعد احجزها من شركة السياحه ولا احسن انا لوحدي اروحلها عن طريق القطار؟
3.الرحله اللي فيها الينابيع الحاره هذي ألها رحله نروح ونرجع نفس اليوم لطوكيا؟وكيف الواحد بتسبح والجو بارد يعني عادي؟
4.سمعت ان بطاقات التيلفون مالتنا ماتشتغل هناك يعني شو الحل؟؟هم يبيعون بطاقات تابعه لهم في المحلات؟
5.في المطار ياخذون بصمة اليد او لا؟؟
وسامحنا طولنا عليك باللآسأله اردي راسك عورك
dotcom هلا والله يالغالي اعذرنا انا الحين مااشبك اله قليل لاني خارج الكويت 1.شو الاحسن احجز الرحلات من الحين يعني ماروم احجزها من اليابان ولا بتكون فل؟ بالنسبه للرحلات انت وراحتك انا رحت رحله وحده لمنطقه هاكوني وبنفس اليوم رديت ل طوكيو بالقطار ساعه وشوي وبالنسبه لطريقه الحجز انا حجزت من الانفو رميشن يعرفون انجليزي وعلي كيف كيفك انا انصحك انك ماتطول بطوكيو يعني حدها 4 ايام وروح شووفلك مناطق ثانيه مثلا اوساكا او غيرها 3.الرحله اللي فيها الينابيع الحاره هذي ألها رحله نروح ونرجع نفس اليوم لطوكيا؟وكيف الواحد بتسبح والجو بارد يعني عادي؟ هلرحله انا اخذتها من الانفورميشن بس مازرت اليانبيع الحاره اعتقد انه يوم او يومين كافيه لزياره جميع المزارات فيها بس اذا تفكر تروح بالشتاء مشكله لانه انا يوم زرتها قبل تقريبا اسبوع كانت بارده جدا جدا
رد مشرفنا عن منطقه هاكوني
1- هاكوني Hakone تستاهل العنوة إذا كنت من محبي الطبيعة والهدوء ، وهي تتميز بمياه الينابيع الحارة وهي ماتسمى / أونسن Onsen و يكفيها ليلة واحدة ، وإذا تبغي رأيي خذ الرحلة اللي على هذا الرابط ، وقم بزيارة جبل فوجي وهاكوني ، والرحلة لمدة يومين ، ولاتنسى تقرأ التعليمات Remarks في الأسفل ، علماً بأنها أقرب لطوكيو . 4.سمعت ان بطاقات التيلفون مالتنا ماتشتغل هناك يعني شو الحل؟؟هم يبيعون بطاقات تابعه لهم في المحلات؟ بالنسبه لتلفونات تقدر تتصل تلفون من الفندق بس مكلف جدا انا بطلت تلفوني الكويتي من شركهzain وكان يرسل رسايل ويستقبل ويستقبل مكالمات لكن مايتصل ماادري ليش !!! وتلفوناتهم اهم تختلف عنا والشريحه حسب ماسمعت ماتنباع للسائح !! 5.في المطار ياخذون بصمة اليد او لا؟؟ اي نعم ياخذون بصمه اليد ولكن الاجراءات سهله جدا ولم اشتكي منها نهائيا حتا لم يسئلوني سؤال واحد !
(Akihabara Electric Town (Denkigai