بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



elsherog elsherog
كيف استرد التاكس
19-07-2013 - 08:42 pm

مرحبااااااااااااااااااااااااا

ممكن اعرف ياخبراء لندن وش الطريقه اللي استرد فيها الضرائب اللي هي التاكس ؟؟؟؟؟؟؟؟؟؟

يعني لازم مبلغ معين من كل محل ؟ او لازم تتختم الفواتير من نفس المحل ؟ ولا من المطار ؟ لاني شريت وعندي الفواتير ومادري وش الطريق بلييييييييييييييييييييييييييييز ردو علي ان راجعه يوم الخميس ؟؟؟؟؟؟؟؟؟؟؟؟؟؟؟؟؟؟؟؟؟؟؟





المشاركات

اليازي-UAE اليازي-UAE
كيف استرد التاكس


تطلبين من المحل اللي اشتريت منه ورقة التاكس والمحلات لها حد ادنى للتاكس فري بس عادة تكون مبالغ بسيطه جدا اللي مايعطون عليها

وتجمعينهم عندك

وفي المطار فيه مكتب مخصص للتاكس بيخلصون لك كل الاوراق ان شاء الله

بالتوفيق وترجعون بالسلامه


elsherog elsherog
كيف استرد التاكس


تقريبا كم المبلغ اللي اطلب عليع التاكس ...........
وممكن اجمع فواتير يعني من نفس المحل كل مره اشتري منه حتى لو مبلغ بسيط اجمع فواتيره مره وحده خلال اسبوه مثلا واطلب التاكس ؟؟؟؟؟؟؟؟؟
وورقة التاكس واش اقولهم ؟؟؟؟؟؟؟؟؟؟؟؟


Abdullah_uk Abdullah_uk
كيف استرد التاكس


لازم تطلبين من المحل اللي تشترين خطاب التاكس فري وتعبين بعض البيانات الخاصه فيك وبيانات جوازك ويختمون لك الخطاب وبالمطار بعد ما تعدين التفتيش في بداية الصاله على اليسار في ترمنل 3 يوجد المكتب اللي يرجع لك الضرائب


اما الفواتير لوحدها ما يرجعون لك شي اطلبي خطاب التاكس فري ويكون معك الجواز او صورة منه كي تستفيدي من استرجاع الضريبه



اخوك
عبدالله


Round-trip Round-trip
كيف استرد التاكس


لازم يكون معاك اثبات مثلا الكردت كارداللي شريتو فيه البضائع او جواز حتى يعبون بياناتكم


القطري القطري
كيف استرد التاكس


وعليكم السلام ورحمة الله وبركاته

هلا وغلا أختي ..

هذي الخطوات بالتفصيل :

1- جمعي كل الفواتير ألي عندج ووديها مره وحده للمحل أفضل وأختميها من المحل ويفضل أيكون معاج الجواز لأن بعض المحلات يطلبونه عشان أيتأكدون من البيانات ..

2- الأغراض الي خذيتيها وعطوج عليها تاكس فري حاولي أتحطينها في شنطه بروحها لأن المطار احياناً اوغالباً يطلبون أيشوفونها ..

3- إذا وصلتوا المطار وقبل ماأتسوون حجوزات الطيران بتلاقون محل مكتوب عليها tax free روحوا عنده وأستردوا المبالغ الي لكم وطبعاً راح يطلبون أوراق التكسي فري وإذا أطلبوا أيشوفون الأغراض فأهنا أنتوا أتكونون مستعدين وأتروونهم الشطه الي فيها الأغراض ..

4- تاخذون الفلوس وتشترون فيها هدايا من داخل المطار <<< رقم 4 أختياري مش أجباري :109:

وفي العاده بضاعة المطار اتلاقونها أرخص لأنها ماعليها ضريبه :24:

والأخوان ماشاءالله ماقصروا جعلهم ذخر لنا ولا ننحرم منهم ان شاءالله :101:


lonley travller lonley travller
كيف استرد التاكس


أختي راجعي القسم الخاص بالضريبة المرتجعة في أي متجر تشترين منه "Tax Refund" وأخذي معك جواز السفر والموظف المختص بيعبي لك البيانات وبيطلب منك توقعين وراح يسألك عن يوم المغادرة، بشرط أن الخروج يكون على بلد خارج دول الأتحاد الأوروبي، بمعنى أنك تخلصين معاملات التاكس فري في آخر مطار بالأتحاد الأوروبي قبل العودة لبلدك...

الموظف راح يسألك تبغين فلوسك كاش أو على تحويل على بطاقة الأئتمان، أطلبيها كاش أفضل وأسرع، وراح يختم لك النموذج ويرفق معاه الفواتير...بعض المتاجر تشترط أنك تعملين نموذج التاكس فري في نفس اليوم، دائما أسألي بعد الشراء...

إذا وصلتي المطار (على حسب مبنى المغادرة) أطلبي من العامل اللي بيدفع لك الحقائب التوجه مباشرة لمكتب التاكس ريفند (توجهي للمطار قبل الأقلاع بثلاث ساعات) لأن مكتب أسترداد الضريبة عادة يكون زحمة، إذا وصلتي عند الموظف المختص بيطلب جواز السفر والتذكرة والنماذج اللي تم تعبئتها وختمها من قبل المتجر، وبيسألك وين البضاعة ، أشري على الشنط قولي له في الشنط (في العادة لايقومون بالتأكد من وجودها في الشنط لكن كوني مستعدة لأي أحتمال)...بيسألك الموظف بعد ذلك مرة أخرى إذا كنتي تبين الفلوس كاش أو على الكردت كارد، أطلبيها كاش وبيسألك بأي عملة (دولار، يورو، جنيه) طبعا أطلبي جنيه لأن السوق الحرة في مطار هيثرو روووعه:24::24:...

بعد ما تستلمين فليساتك توجهي لكاونتر المغادرة وأقطعي بطاقات الصعود للطائرة ودخلي الشنط، ومن هناك إلى بوابات المغادرة، والتزمي بحمل الوزن المسموح به من السوائل، وأنتعلي حذاء (وأنتو بكرامة) مريح سهل اللبس لأنهم بيطلبون منك خلع الحذاء و وضعه في جهاز المسح الضوئي، وبعد ذلك تجدين نفسك في السوق الحرة.......و رحلة سعيدة وأن شاء الله ما تواجهين صعوبة في إنهاء اجراءات أسترداد الضريبة...


myEuroHome myEuroHome
كيف استرد التاكس


إضافة متواضعة لتفصيل الأعضاء الرائع ، ليست كل المحال لديها فاوتشرات إستعادة الضريبة ، و تلك التي لديها تعلن عن ذلك بصورة واضحة (جذب للسياح)
ليست كل المشتريات تستعاد ضريبتها (خصوصاً البضائع و الخدمات التي تستهلكها في زيارتك مثل الأكل و الشرب و المواصلات) هناك أيضاً امور ليس عليها ضريبة أصلا مثل ملابس الأطفال
رحلة موفقة و تسوق ممتع



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

كيف استرد التاكس