نشر في لندن

الفزعه انا في لندن

elsherog

18-07-2022 - 11:39 am

اخواني المشرفين ولاهانو الباقين .........
طبعا ماقصرتو معي في معلوماتكم عن لندن وانا احيكم الان من لندن ............واللي يبي شي مايرده الا لسانه
بس بغيت اسأل مجمع الوايت ليز وينه بالضبط؟
وغير كذا بعد مايسكر السوق الساعه 7 وين نروح نسهر بليز ابي اماكن السهر ؟
عاجل جدا جدا

التعليقات (9)

القطري

18-07-2022 - 02:06 pm

هلا وغلا الغالي
ههه
من أولها الغالي توهقت :8888:
شوف طال عمرك ..الوايت ليز عباره عن مجمع اتلاقيه في شارع queensway ..
وإذا بغيت السهره فعليك بشارع أدجول رود ..
بس ياليت أتقولنا كيف الجو عندك !!
وأحتمال أجيكم بس في تاريخ 11/5 لأنه فيه معرض في مدينة بيرمنغهام ويمكن أنجي ..
تنتظرنا لين أنجيك :8888:

القطري

18-07-2022 - 03:07 pm

تبي أحط لك مخطط من قوقل أيرث الغالي ولا مايحتاج ؟؟
على فكره ..تقدر اتروح له مشي من أدجول رود ..

elsherog

18-07-2022 - 04:08 pm

والله الجو برد موت
نمطر وبرد (ثلج) يعني شتاء يشق الوجه بس حلو
طيب شارع العرب بس قهاوي ومطاعم مافي غيره ............................
طيب بالنسبه للعوايل وين بيكون مكام سهر و الناس والهيصه

القطري

18-07-2022 - 05:09 pm

والله الغالي انا مالي في أماكن الهيصه ..
إذا حبينا انغير جو فليل أنا والأهل نطلع على ادجول رود وأنغير جو ..
أما طول الوقت انكون برا لين الساعه 10 تقريباً ..
ولندن أي اتسكر 10 بليل اعتقد ..

bindarwish73

18-07-2022 - 06:10 pm

مرحبا أخوي لاتنسى أتمر باكديلي فب الليل روعه

elsherog

18-07-2022 - 07:11 pm

ماتقصر يالغالي
والف تحية لكم من لندن

اليازي-UAE

18-07-2022 - 08:12 pm

تقدرون تروحون البكاديلي تتمشون في الليستر سكوير وتقعدون في اي كوفي هناك او في هاقن داز
سفره سعيده ان شاء الله

UAE GURL

18-07-2022 - 09:13 pm

احلى مكان بيكاديلي بالليل الناس كلهم هناك والمطاعم والكوفي شوب ^_^

مساهم توب

18-07-2022 - 10:14 pm

هلا فيك اخي :: لا تشيل هم انا بكرة في الصباح عندك ... ان شاء الله ... صباح الثلاثاء وصولى
وزي ما قلت لك لا تشيل هم لان اخوك راح يضع فيك ... تعرف اول مرة اجي لندن ... علشان كذا ابسوى زحمه ... والله انا خائف اسوى زي (( همام في امستردام ))

لندن المسافرون العرب

الفزعه انا في لندن