فرنسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
لبتونه
10-02-2022 - 08:02 pm
السلام عليكم
اخواني واخواتي اتمني تساعدوني ان شاءالله بصيف على شهر 7 تكون بنهايته او بدايه 8 اذا الله راد بنروح لندن وفرنسا لمدة 10ايام مع انه توا ناس وباقي وقت لكن ابغي ابتدي واخطط لبرنامج مااتحسف عليه وخصوصا اني بسافر اوروبا لاول مرة
ورحلتي راح تكون عائليه
انا وزوجي واطفالي الله يحفضهم 2 بنتي سنه ونص وبنتي ثانيه توها صغيرة بالشهور ماتعدت سنه
ورحله للاستجمام والراحه وتغيير وكسر الروتين وطبعا نحب نتمشي ونستكشف
وطبعا رحله راح تكون 7ايام لندن و3ايام فرنسا
وطبعا بين لندن وفرنسا بالقطار او اسافر بطيارة اشرايكم؟
وابغي فنادق نظيفه وراقيه وغرفه تكون ديلوكس العاديه
ومطاعم تكون لبنانيه للسلطات ومشاوي يعني حلال
وطبعا بنسافر عن طريق الاتحاد للطيران او الاماراتيه وراح تكون بزنس درجه رجال الاعمال
وحابه اسئلكم عن الجو بهالفترة برد او حر عشان الاطفال؟
وتذاكر مع فنادق ابغي الاسعار بتفصيل؟
ونقدر نحجز قبل بفترة مثلا نحجز من شهر 3 عشان ماتزيد الاسعار وتصير ضوو علينا
فاتمني تعطوني برنامج راائع مع الاسعار وكل حاجه الجو ومطاعم
وادري انكم كرماء وراح تساعدوني
لاني عملت بحث وتشتت افكاري ناس تمدح هالمكان وناس تقول لا مكان فلاني وكل واحد يمدح فندق وسعر مختلف
فحابه اللي سافر لندن اكثر من مرة او مقيم بفرنسا يساعدوني
وطبعا لاتنسون بفرنسا ديزني لاند


التعليقات (9)
الانوار
الانوار
الانوار
السلام عليكم ان السيد زدام محمد طالب متخرج من الجامعة الجزاءرية بشهادة الاعلام الالي للتسيير
اود ان ادرس في الجامعة الفرنسية ارجو منكم ان تدلوني على كيفية الالتحاق بالجامعة
في الاخير تقبلوا مني فاءق التقدير والاحترام
وشكرا

mzoon
mzoon
قليل 3 ايام على باريس
لو افترضنا يوم لديزني
و يومين الباص السياحي تلفون الاماكن السياحيه كلها ( التذكره مدتها يومين)
و يوم تروحون لقصر فرساي بالنهار و بالليل الشانز
و يوم شوبينغ
يعني كذا 5 ايام
من لندن الى باريس قطار اريح لكم ساعتين و نص و انتم في وسط باريس
موفقين ان شاءالله

حدّي مصــر
حدّي مصــر
زي ماتفضلت اختي مزون باريس اقل شيء يبي لها اربع ليالي عشان تحسون انكم رحتو باريس هذا لو كانت زيارتكم لها اول مره
يبي لكم تروحون برج ايفل
ويبي لكم تاخذون لفة با المركب في نهر السين
ويبي لكم تروحون يورو ديزني
ويبي لكم تروحون قصر فرساي
ويبي لكم تشوفون اللوفر
اقل شيء اربع الى خمس ليالي على اقل تقدير هذا اول حاجه
السكن في باريس لازم يكون في الشانز عشان تحسون بمعنى باريس وانصح با الماريوت اذا كانت ميزانيتكم مبحبحه ( حدود 4000 ريال لليله) واذا كانت الميزانية اقل فيه كاليفورنيا وفيه الورويك وفيه باورز وفيه فرانكلين روزفيلت (حدود 1500 ريال لليله)
المطاعم اللبنانية فيه العجمي وفيه الديوان وفيه نوره وفيه بيتزا بينو بوسط الشانز بجنب هاجنز دانز لازم تجربونه
قررو على المده وبعدين يتظبط البرنامج
با التوفيق

لبتونه
لبتونه
خلاص بنقعد من 5الى6 ايام
لكن ممكن تكون اسعار فنادق اقل بحدود الف ريال او 800ريال اذا امكن

حدّي مصــر
حدّي مصــر
لبتونه
شوفي ولله الحمد ان باريس موسمها الرئيسي هو السياحة الشتوية عشان كذا با الصيف تصير عروض على الفنادق وخاصتا من مكاتب السياحية...محدثك حصل فندق شاتو فرونتناك بسعر 800 ريال لليله (عرض ثلاث ليالي وتحصل على ليله مجانا)
اقترح الفنادق التاليه وان اشاء الله تحصلينها با الحدود التاليه
1)باورز من 1000 الى 1400 ريال لليله
2) فرانكلين روزيفيلت من 900 الى 1300 ريال لليله
با التوفيق

paramedic.gr
paramedic.gr
السلام عليكم
أأيد كلام الاخوان بصراحة باريس يبيلها اقل شي 5 ايام وبالنسبة لبريطانيا بصراحة ما افضلها اذا كنتي لاول مرة في اوروبا اعتقد ان المانيا اول سويسرا افضل بعدة نواحي منها الطبيعة الراحة الاستجمام والتعامل اللطيف واما سويسرا ما عليها كلام وهي الوجه المفضلة لي دايما
بالنسبة لباريس فندك الوارويك على الشانز ممتاز او نوفيتيل ايضا جيد جدا وحاولي يكون مكان السكن قريب من الشانز
لاتفوتي عدة اشياء في باريس هي : الشانز ... برج ايفل ... متحف اللوفر ... ديذني لاند
تحياتي

لبتونه
لبتونه
هلا اخواني مشكورين على معلوماتكم القيمه
وخلاص سوينا الجدول وهو كتالي 7ايام لندن و4ايام فرنسا و3ايام ديزني لاند
وطبعا سفر راح يكون ان شاءالله اذا الله اراد بشهر 7 بنحجز من تاريخ 21-7
والله يسهل علينا الامور
بس موعارفه ليش الكل يقولي انه بذات فرنسا ولنذن فنادقهم بصيف تكون غاليه كثير وخصوصا سنه اللي فاتت رحت ماليزيا ولما سئلت مكتب سياحه قالي انصحك ماتروحي اوروبا هسنه لانه صايره ضو بفنادقها

فراشة سويسرا
فراشة سويسرا
الغاليه انا انصحج في فرنسا 4 ايام وسويسرا 5 ايام لان بصراحه سويسرا الطبيعه فيها روعه لكن لندن كلها عرب واحسها مب حلوه للتفسح يعني سويسرا احلى.. هاي وجهة نظري
بس اذا عندج يهال انصحج بالنمسا لان فيها فعاليات وايد لليهال ...

akg
akg
لا تنسي فرساي أهم شي جميلة جدا وبالنسبة للمطاعم في مطعم عند فندق جورج الخامس أظن انه الديوان
وفي أكثر من مطعم لو دورتي هنا بتلاقي الاعضاء كاتبينهم
ادعيلي ألحقك هناك


خصم يصل إلى 25%