سيرة الحب
22-01-2022 - 07:53 am
السلام عليكم
مع كل التحذيرات ، خاطري أروح فرنسا لشهر العسل ، أحسها دوله رومانسيه ، وصج بيكون الجو برد ، بس في خاطري ، بس أبي أعرف شنو الأماكن الي ممكن نروحها في فرنسا ، وهل ديزني تكون مفتوحه ولا تسكر في شهر 11 و 12؟؟
وكم يوم أبقى في فرنسا ، وودي آخذ جوله في أوروبا يعني دولتين أو 3 على مده 4 أسابيع تقريباً ، وين تنصحوني؟؟
يا ريت تسوون لي جدول بكل دوله مع الأماكن السياحيه الي تستحق الزياره ، وأنا خاطري أروح النمسا وسويسرا بعد ، بس ما عندي خبره بأي دوله منهم.
يعطيكم العافيه.
وشهر عسل سعيدة ...وعلى البركة الزواج ان شاء الله
طبعا ديزني بتكون مفتوحة عادي
وباريس جدا رائعة وحلوة بس باريس لاتجلس فيها اكثر من اربع ايام
وكمل جولتك مر كان ونيس وطبعا لما توصل كان بتكون مونت كارلو قريبة مرة
يعني فرصة تشوفهم وخصوصا انهم اماكن تستحق الزيارة
وانصحك تطلع من الدوحة على ميلانو ومنها على روما وفينس (بلد العشاق)
وتطلع باليورو ستار لين سويسرا ومنها باريس او العكس
وممكن تروح زلامسي روعة الجو والتمشي والتلفريك خطير والثلج احلى
وطبعا هذا كلة ممكن تختار فنادق حلوة وحسب ميزانيتك وفي كل دولة تختارها
ممكن تشوف البوابة لها في المنتدى يكونوا الاخوان والاخوات ذاكرين اماكن دقيقة عن كل بلد
وانت تقدر تختار ....
وحجوزات اليورو ستار ترى متوفرة من قطر لدى سفريات قطر واسال عند سفريات الدرويش هم
يدلونك بالضبط عن سفريات قطر اللي عند محلات سناء وجبري
وراح تسهل عليك الامور هذي
وموفق ان شاء الله