م مادري ايش تبي فيها بالضبط؟
في وسط البلد في ساحتين مشهورة...الكابيتول وساحة ويلسون
ويسلون فيها اوتيلات حلوة مثل هوليدي ان...فيها قهاوي ومحلات راقية...صالات سينما حلوة
الكابيتول نفس الشي فيها اوتيل كراون بلازا...م فيها قهاوي حلوة كثيرة....
في مدينة الفضاء ممكن تزوره اذا تحب الاشياء هذي...
م نهر القارون......كاتدرائيات ..
متاحف...اوغستان...م مكتب السياحة عند ساحة الكابيتول يدلونك على الاماكن اللي تحب..
المطاعم عندهم مكدونالدز :d
هذا رد سريع ..واذا في شي معين تحب تعرفه...قول واحنا نساعدك ان شالله..

شاكرلك جدا أخوي حكاية
بس كنت أبعرف هل هي مدينة سياحية ... بمعنى أصح وشي من مدينة لاني بحضر فيا مؤتمر وأول مرة أروح فرنسا بالاصل أسألتي هي
هل أسكن فيها ولا أسكن بمدينة ثانية مثلا مرسيليا وأتردد عليها؟!
اذابغيت اسكن فيها وشهي المواصلات اللي راح أقدر أستخدمها؟
بالنسبة لفرنسا عموما
هل تكفي اللغة الانجليزية للتعامل بال(فنادق-المطارات-مطاعم-أسواق-....
هل أفضل أخطط رحلتي والا أروح هناك ومن هناك أسوي حجوزات الفنادق
ومرة ثانية شاكرلك ;)

من ناحية السياحة كل مدينة في فرنسا تعتبر سياحية :rolleyes: ..لأنهم يستغلون كل شي ويسخرونه للجذب السياحي...ورغم إنها سياحية إلا أنها بدون شك ماترقى لمستوى السياحة في المدن الفرنسية الثانية ،،
لأنها مدينة دراسية ومدينة عمل أكثر من كونها سياحية....يعني فيها مصانع إيرباص وجامعات ...الطلاب فيها كثيير من كل العالم وطلاب من السعودية مبتعثين هناك كثيرين!
المدينة كبيرة من أكبر المدن الفرنسية...في الصيف يمكن الجو فيها مايكون حلو مرة....لكن هي على كل حال قريبة من جبال البرينيه أو البرانس إذا يعني حبيت تغير جو،،،فيها متاحف م ومحلات ملابس وجلديات حلوة يعني كل الماركات الكبيرة موجودة
بالنسبة للحجوزات اأشوف أنا إن لأفضل تحجز من الآن احتياط يمكن تكون فول!..خاصة لو إن فيها مؤتمرات هالفترة..يمكن تكون مليانه..من جد مليانة الأوتيلات في فرنسا باريس خصوصا مرة مليانة لأنها فترة مؤتمرات وسياحة وعمل.....أفضل ترتب رحلتك وكل شي قبل ماتسافر..لأن الحين موسم في فرنسا!والأسعار طبعا مرتفعه...
المواصلات ..ممكن تستأجر سيارة...ممكن تستخدم مترو...أو تاكسي..التكاسي لها مواقف معينة مثلا في ساحة ويسلون..وفي ساحة الكابيتول..ولهم رقم تلفون تتصل عليهم تطلبهم يجونك في الوقف المحدد في المكان اللي تبيه،، أو الباص.....
من ناحية اللغة...م ان شالله تكفي الانجليزية..الشباب هناك أكثرهم يعرفو انجليزي...والبائعين والريسبشن والمطاعم أغلبهم انجليزي على قدهم ..لكن يمشي الحال...
أتمنى يكون ردي مفيد...وإذا ذكرت شي ثاني ممكن أقولك..
ورحلة موفقة

الاخ ابو بطوطة 00
نعم تلوز فى الجنوب الفرنسى الرائع ، اخبرنى عنها من الاصدقاء من زارها بانها ساحرة بطبيعتها الخلابة ومتاحفها التاريخية ، وبصراحة الا راحها مدحها وعلى فكرة فيها مصانع الطائرات الايرباص 000
تحياتى

والله ماقصرت أخوي حكاية معلومات مفيدة وجميلة

الاخ أبو بطوطة معلومة مهمة بس عسى فيه أمكانية لزيارة المصنع

اسف بن بطوطة غلطت بالاسم

ماشاء الله عليكم .. جد وحفيد ..

خلال زيارتي لمدينة تولوز فهي مدينة تميل إلى الهدوء وهي مدينة جميلة وأفضل مافيها هي ساحة كابيتول وساحة ويلسون بالإضافة إلى طريقين رابطة مابين الساحتين فيها المحال التجارية والمطاعم والمقاهي