وينكم يا اهل قطر الطيبين
ارجو الرد

ياهلا فيك أخوي وبزيارتك
الرد ع الأسئلة :
1- عندك فندق الشيراتون + الفورسيزون كلهم قريبين من المطار
ويقعون بجانب بعض تقريباً على كورنيش الدوحة ..
2- الأسواق مفتوحة يوم الجمعة وتحديداً على الساعة 4 العصر .
3- العبايات المتميزة تلقاها في :

• محل الجوري _ محل بوكنان _ المتحجبة _ سيدتي الجميلة في مجمع السيتي سنتر
• وفي محلات راقية للعبايات بس ما تحضرني أسمائها في رويال بلازا + فيلاجيو

4- سوق فالح : سوق مكيف يقع في منطقة الأسواق على طريق المطار ومب بعيد وايد
اتنمى أن أكون قد أفدك

السلام عليكم ورحمة الله وبركاته
اختي صبحى 1
بالنسبة لاقرب فندق من المطار عندج الماريوت 5 دقايق بينه وبين المطار
وفي الشيراتون والفورسيزون 10 دقايق تقريبا
ويوم الجمعة تفتح المجمعات عندنا الساعة 2 الظهر تقريبا
وفيها محلات عبي وشيلات
وبالنسبة حق الاسواق تفتح الساعة 4 العصر
وروحي سوق العسيري اوتوقع بتعجبج الشيلات والعبي

1- شنو اقرب فندق 5 نجوم تنصحونى احجز فيه لمدة يوم ويكون قريب من المطار ؟
هناك عدة فنادق ( الماريوت - فريج شرق - فندق الواحه ) وكلها بقرب بعض .
2- يوم الجمعه راح تكون الاسواق مفتوحة والا مسكرة ؟ وهل تفتح بعد الظهر ( ابى الوقت بالضبط ؟؟ )
الاسواق التقليديه يوم الجمعه تفتح (بعضها ) الى حين صلاة الجمعه وتسكر ، وتعاود الافتتاح الساعه 4 عصرا .
اما بالنسبه للمولات فهي تفتح يوم الجمعه قبل الصلاه بالنسبه لمراكز التسوق ( كارفور+ المخازن الكبرى ) ولكن ليس المحلات وبعد الصلاه اغلب المحلات تفتح ( اي الساعه 3 العصر تجد كل المحلات فاتحه باذن الله ) .
3- ماهى اسماء الاسواق اللى الاقى فيها عبايات وشيلات المميزة والغريبة ؟
هناك سوق فالح فهو مخصص بالكامل او 90 % للعبايات والشيلات ، واسعاره ارخص الاسعار في قطر ، اما اذا اردت اماكن متفرقه فعندك المتحجبه وبعض المحلات في الست سنتر وما تفضل به الاخوان والاخوات .
ومحلات سوق فالح تفتح الساعه 4 العصر
4- هل سوق (( فالح )) سوق بعيد والا قريب ؟ وهل هو مجمع مكيف والا لا ؟
يقع السوق بمجمع الاسواق في وسط الدوحه فملاصق له سوق العسيري وسوق الديره والجبر ، وهي اسواق تقليديه في قطر ، وهو مكيف ولكن ليس التكيف اللي انت خابر مثل المولات . ولكن بشكل عادي .
تقليدي .
اما مسالة القرب فهو يقع بالقرب من الكورنيش واطول ماذنه في قطر ( مركز التعريف بالاسلام ) ويمكنك رؤية الماذنه وانت مار بشارع الكورنيش وتحديدا عندما تصل الى بنك قطر المركزي و بنك HSBS