moody2015
18-12-2022 - 11:28 am
السلام عليكم ورحمة الله وبركاته
اعزائي عشاق السفر اسعد الله صباحكم/مسائكم بكل خير
افكر بالسفر من وقت طويل وانا من الناس اللي يحب يسوي كل شي بنفسه بدون الاعتماد على المكاتب واستغلالهم لنا ولاكن بعض الاوقات تواجهني بعض المشاكل اللي ماعرف حلها فحبيت اتستفسر منكم
اولا الفيزا؟ بحكم اني ماقد سافرت ولا اعرف نظامها كيف
اللي فهمته اني لازم اروح السفاره واقدم طلب و الخ. طيب اللي بعيد عن السفارات وش يسوي؟؟؟ هنا المشكله
ولاكن شفت ان فيه بعض الدول ماتطلب فيزا للسعوديين عشان تروحلها زي كوريا الجنوبيه مثلا ! وش النظام يعني عادي اقطع تذاكر واسافر عادي بالجواز بس كني مسافر من جده للرياض؟؟؟
ثانيا حجورزات الطيران والفنادق
الطيران اعتقد مافيه اي مشكله بس الفندق وش نظامهم ؟ البوكينق قصدي ؟ قريت كثير مواضيع واحس بعد مافهمته زين
طبعا مابغى اسافر الا وكل شي جاهز ماحد يبغى يسافر نص الكره الارضيه وفي الاخير مايحصل فندق او زي كذا
اخر استفسار عندي ابغى بطاقة فيزا مسبقة الدفع عشان احجز فيها واستخدمها في السفر واحترت بين مداد من بنك البلاد وتسوق من الراجحي
طبعا مداد ميزتها انك تقدر ترجع الفلوس من الفيزا لحسابك اذا زاد شي بعكس تسوق. هل فيه فروقات ثانيه وهل كلهم امورهم ماشيه تمام في حجز الفنادق والا فيه مشاكل؟
ارجو افادتي ولكم جزيل الشكر
طريقة الحجز من booking تلقاها بالتفصيل في هالرابط
https://artravelers.com/p/re/230102
بطاقات الفيزا مسبقة الدفع ماجربتها قبل لكن من تجارب الناس ما حصلوا مشاكل إلا قليل .. اهم شي يكون فيها مبلغ كافي وتكون حروف منقوشة وليست مطبوعة خاصة إذا جيت تستأجر سيارة ..
بالنسبة لفيزا السفر إذا الدولة ما تحتاج فيزا عادي تحجز وتوكل على الله .. شوف قسم التأشيرات راح تلقى الدول اللي ما تحتاج لفيزا بالمواضيع المثبتة
متى ناوي تسافر ؟؟