بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



صهينو صهينو
سؤال بخصوص منطقة الفنطاس
16-12-2014 - 06:53 pm

مرحبا
سؤالي هو هل الطريق من الفنطاس الى السالميه سالك؟ يعني سريع بدون اشارات وازدحام لاني ناوي اسكن هناك اجازة عيد الاضحى المبارك.
وماهو الطريق الاقرب للفنطاس من الخفجي النويصيب او الرقعي السالمي
من الموبايل





المشاركات

توبليرون توبليرون
سؤال بخصوص منطقة الفنطاس


الطريق من الفنطاس للسالمية مو سريع
وفيه اشارات وفيه بتحصل زحمة وخاصه ايام العمل
واوقات الذروة
واذا بتسكن بالعيد اعتقد ماراح تكون زحمة لان اغلب الناس مسافره
وهو وقت اجازه
اما الطريق الاقرب للفنطاس هو طريق النويصيب
بخط الفحيحيل السريع
وتنور الكويت بزيارتكم


صهينو صهينو
سؤال بخصوص منطقة الفنطاس


مشكور اخوي ولكن هل يوجد طريق سريع يودي للكويت من الفنطاس ،لاني كنت العام الماضي جاي من الخفجي للكويت والطريق ماشالله سريع مافيه اشارات على مااعتقد
من الموبايل


صهينو صهينو
سؤال بخصوص منطقة الفنطاس


السلام عليكم ورحمة الله وبركاته /
ماهي افضل الاماكن التي تستحق الزيارة في عيد الاضحى المبارك؟ وهل في الكويت فعاليات واحتفالات خلال هذه الفتره ؟
من الموبايل


ام البنات العسل ام البنات العسل
سؤال بخصوص منطقة الفنطاس


السلام عليكم اخ صهينو

في اماكن كثيرة تستحق الزيارة منها المجمعات مثل الافنيو ,مجمع 360 , سوق شرق ,المارينا .... الخ

وعندك ابراج لكويت و سوق لمباركية و يوم البحار وحديقة الحيوان و منتزه الشعب ولكويت فيها الكثير من المطاعم العربية و العالمية

اما بخصوص الفعاليات اذا قرب العيد تصفح الجرايد الكويتة في النت وشوف الفعاليات و المسرحيات انا عن نفسي اشوف واول يوم اوصل لكويت اروح احجز المسرحية الاتعجبني و الاخوان بعد ما راح يقصرون معاك راح يذكرون لك اماكن اخرى



تحياتي ام البنات العسل


q8ya metnaqla q8ya metnaqla
سؤال بخصوص منطقة الفنطاس


اقرا موضوع الانشطه والفعاليات وبتحصل كل شي فيه ان شاءالله

اتحصله في بوابه الكويت العامه


صهينو صهينو
سؤال بخصوص منطقة الفنطاس


جزاكم الله خير جميعاً
من الموبايل


مزاجي_سياحه مزاجي_سياحه
سؤال بخصوص منطقة الفنطاس


مافي اشارات يا اخوي اطلاقا من الحدود الكويتيه للفنطاس ماعدا اشاره وحده تحت جسر الفنطاس نفسه

تدخل الكويت وتكمل في طريقك لين ما تشوف ع اليمين مكتوب طريق 245 اعتقد وهم يجيك طريق 240 ما عليك منهم بس لما تشوفهم انتبه بعدهم راح يجيك مكان نسميه شبكه الخطين
الطريق الرئيسي يصير طريقين رئيسيين
انت خذ الي ع اليمين لا تكمل سيده .. طريق الفحيحيل السريع


وبطريقك لا تلف ولا تغير اتجاهك
بتمر ع المناطق ع اليمين وع اليسار لين ما تجي الفنطاس على يمينك وتدخل لها من الجسر التابع لها
اسفل الجسر بعدين يمين


الطريق من الفنطاس ما يتعدى 15 دقيقه بالسياره ويمكن اقل ولكن بالزحمه ممكن يوصل لساعه الى ساعه ونص بالعيد ويمكن اكثر


نصيحتي لك علشان تقلل الزحمه اطلع من الفنطاس لخط الفحيحيل السريع وكمل سيده لين ما يجيك ع اليمين الدائري الخامس


ادخله ولف يمين باتجاه اللوحه مكتوب عليها السالميه وبس


اما اذا تبي تتمشى ع البحر وعادي عندك الزحمه ادخل جسر المسيله من تحته واخذ يمين وعيش الجو


بس لاحظ ان الكويت بالوضع الطبيعي الزحمه خانقه وبالعيد عادي جدا تقضي يومك كله وانت بالزحمه


اقسم بالله مرات اخذ لعيالي بطانيات واكل وماي بسبب الزحمه


عادي جدا ام العيال تطبخ ع الطبلون والعيال يذاكرون ع التنده واتعرف ع ربع جديدين واخطط مستقبلي بالزحمه


الكويت جميله جدا بس العيب بالزحمه ونصيحتي لك


اذا سكن لا تسكن بالمناطق الداخليه اولا اغلى وثانيا دائما زحمه


ابحث عن السكن في المناطق العاشره ارخص والزحمه طبيعيه


اخر نصيحه : قوقل ماب لا تستغني عنه لانك لو لفيت التفافه بزحمه العيد خطأ ثق بالله تتعب على ما تعدل مسارك


ملاحظات : الاقرب للفنطاس هي الخفجي طبعا
اهل المنطقه العاشره يتغدون بالخفجي لانها قريبه جدا
واهل الخفجي يحجزون طيران من مطار الكويت لانه قريب منهم


اي شي انا حاضر وانا اخوك لا تتردد بشي
تبي ادليك على ارخص الفنادق الاقتصاديه او تبي تستفسر عن شي تحت امرك



يمكنك فتح موضوع جديد للمناقشة او الاستفسار والمشاركة.

أبحث واحجز بأعلى خصم:
خصم يصل إلى 25%

Share

سؤال بخصوص منطقة الفنطاس