بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



q8ya metnaqla q8ya metnaqla
Breakfast Club
17-12-2014 - 03:45 pm

مسائكم وصباحكم خير

شلونكم وشخباركم .. ان شاء الله بخير وصحه وعاافيه

ها اليوم وين الريوق ؟ ادري مو حزه ريووق وانا اكتب الحين

بس شرايكم نروح برج كيبكو

خلاص نتوكل على الله ونروح

في منطقه شرق بجانب برج الشهيد اللي في شارع خالد بن الوليد
اوقات المطعم من 7 ص الى 5 مساء

اسم المطعم BREAKFAST CLUB
اصله : كويتي
تقيمج : 10/10
من كثر ما احبه اخاف تشكون انه مطعمي بس ياريت مطعم الشيف الكويتي زياد العبيد واهو اللي يتواجد في المطعم وعلى طول نحصله اهناك وللامانه اكله فوق الممتاز
الاكل - المكان - السعر - الخدمة

حياااكم
المطعم من الداخل
بطاطه مع البيض والبيكن
ريوق هندي
ترا نسيت الاطباق بس احنا طلبنا ريوق هندي وامريكي وانجليزي
عاد اللي يطلع جدامكم حطوا له اي اسم
هذا الروزيتو القوي ينطلب وقت الريوق لاتخافون
هذا ماادري اي ريوق
والحين نيي للشي القوي واللي مايتقاوم وصج ما ابالغ لو اقول هذي الذ بانك كيك بالكندر جربتهااااااااا دمااااااااااااار بكل ماتحمله الكلمه من معنى شي يبجي ويعور القلب ترا كل وحده اطلبت لها بروحها ماتشاركنا فيها لان عادي يصير طق وهواش
ام حسين وامون ونمارق من الحين اقولكم لو رحنا وتريقنا فيه بليز لاتحرجوني ونقول نتشارك انا من الحين اقولكم في هذا الطبق بالذات لاللمشاركه

وبالاخير نسيت حسابنا وبالاحرى نسينا نصور الفاتوره والحمدلله على النعمه واللهم احفظها وادمها من الزوال وعلينا بالعافيه
اكاونتهم في الانستغرام
@breakfastclubkw
وعندهم الفرع الاول في الفنطاس ويفتح من 5 الفير الى 2:30 الظهر







المشاركات

ارمـــ ARMANI ـــاني ارمـــ ARMANI ـــاني
Breakfast Club


يعطيك العافيه مشرفتنا q8ya metnaqla

على هذي التقارير الجديدة واللذيذة

البانكيك يمييييييييييييييييييييييييييييييييي

وعافي عليكم وتعجبني مشاريع المطاعم الكويتيه





واصلي ابداعك

ويبيله زياره مستقبلاً


اخوك : ارمـــ ARMANI ـــاني


q8ya metnaqla q8ya metnaqla
Breakfast Club


الله يعافيك ارماني
اي والله الله يوفجهم ان شاءالله
ان شاءالله تزورنا عن جريب واتجربهم
والبان كيك قووووووي


Usas Usas
Breakfast Club


بالعافية عليكم الاكل , مطعم جديد عرفتينه عليه

تسلم الايدي ,,,


هاوية الاسفار هاوية الاسفار
Breakfast Club


تسلمين على الموضوع الذوق
و بالعافيه عليكم


توبليرون توبليرون
Breakfast Club


بالعافيه يا ابراري
شكل البانكيك خطييييير
عليكم بالعافيه
انزين الريوق اللي فيه فاصوليا حمراء امريكي ميه بالميه
وف والهندي اللي فيه باكوره انتي قايله عنه صح
وان شاءالله نروح اللي في الفنطاس
بناتي وايد راحو بس انا تعرفيني الصبح نووووم هههههه
بس بروح معاكم ان شاءالله
يعطييج العافيه على التقرير الرائع
وعلى الوعد


النمسا النمسا
Breakfast Club


بالعافية يا مشرفتنا

وأشكرك على التوصية السابقة عليه ,,, وخصوصا حلى الكندر اللذيذ



q8ya metnaqla q8ya metnaqla
Breakfast Club


الله يعافيكم بوعبدالله وهاويه من ذوقكم
الله يعافيج ام حسين لازم تقعدين حتى لو ماتروحين ريوق روحي حزة الغدا
والله البان كيك خطييييير :)
اهلا احمد الله يعافيك وانتوا عليكم بالعافيه


ابوحمد. ابوحمد.
Breakfast Club


بالعافيه مشرفتنا

سوأل هالمطعم بس يقدم ريوق؟


الايماان الايماان
Breakfast Club


أبراااااااار رحتي من ورانا
من كثر ماقلتيلي عن هالمطعم شوقيني اني اروح له معاكم طبعا هههههه
شكل البان كيك خوووووورافي
أأيد كل وحده تطلب لها بان كيك
والله يعيننا عل التخمة
مو مشكلة نشرب شاي اخضر وراه



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25% خصم يصل إلى 25%

Share

Breakfast Club