- شرايكم بكلامي .. "أنفع دكتور ..صح؟؟"
بسم الله الرحمن الرحيم
السلام عليكم ورحمة الله وبركاته...
تحية طيبة وبعد ...!
بعد هذا الإنقطاع الطويل ... وبحكم التكنلوجيا الحديثة ... من برامج التواصل الإجتماعي ...من تويتر وإنستجرام .. خف الدخول والمشاركة في المنتديات والمواقع في الشبكة العنكبوتية ...
شرايكم بكلامي .. "أنفع دكتور ..صح؟؟"
المهم ... اليوم المدام "أم عبدالرحمن" الصبح قالت لي ... شرايك نطلّع اليهال نونسهم ... طبعاً هذه بداية المصيدة .. والمقصد طبعاً إنتوا عارفينه ... وهو إنها ودها تتغدا بمطعم ... طبعاً الرجل مخلوق ضعيف أمام المرأة ... ... وعلى طول وافقت علشان اليهال طبعاً ،، الله يخليهم لنا "ويخليلكم عيالكم"
المهم ... بعد صلاة الظهر مباشرة كان موعدنا ... وكانت الوجهة اللي إختارتها -أم عبدالرحمن- إلى مطعم
مطعم برج الحمام - اللبناني -
وكان نعم الإختيار يا "أم عبدالرحمن"
طبعاً بحكم الإنقطاع الطويل ... اللي كلمتكم عنه .. نتج إني نسيت كامرتي .. فكان التصوير عن طريق الآيفون5 والتصوير يكون بعد ما نبدأ بالصحن وأحياناً قبل لا يخلّص الصحن ..
نكمل
قرّبنا شوي
من داخل المطعم
أيضاً من داخل المطعم
كذلك من داخل المطعم
عند المصعد
البداية - بسم الله -
شوربة دجاج بالكريمة .. لي ولأبو فهد ... طبعاً شاركونا الكل فيها
ليش ما طلبتوا
تبولة
فتوش
أما أدري شسمها .. بس أظن سلطة برج الحمام
لذيذه
متبل
حمص باللحمة والصنوبر
فتة باذنجان .. كانت بعيدة عنّي
كبة باللبن
صحن مشاوي مشكل .. احمدوا ربكم لحقتوا على شي
الشبس صورته قبل لا يقضون عليه ...
الطاولة بعد المعركة ...
والحمد لله كانت تجربة ناجحة ... وكان الغدا علشان اليهال طبعاً
والمطعم بالتقييم السريع
النظافة 10/10
الجلسة 10/9
من الكبينة منظر البحر حلو .. بس تحتك تشوف كيربي وحديد ..
الأكل 10/10
السعر 10/5
غالي طلعة فاتورتنا 32 د.ك
والسلام عليكم ورحمة الله وبركاته
ونشوفكم على خير
صبر شوي ...
في كم صورة نسيت أحطها لكم
إطلالة من الكبينة
اللي حاسبنا .. الله يعطيه العافية
الحبّات الثلاث يسلمون عليكم
أبو عبدالله - أبو ناصر - أبو فهد
والسلام عليكم ورحمة الله وبركاته
