1-1-1429
12-12-2022 - 06:01 pm
السلام عليكم ورحمة الله وبركاته
اليوم صادفت شخصين في أماكن مختلفة ، اللهجة ايطالية في سيارة ويبيعون جاكيتات رجالي ماتسوى 10 باوند
الاول قابلته قريب من المكتب الصحي السعودي أول ماشافني عرف إني عربي وأول سؤال كمدخل قال هل انت إيطالي ثم كلمة مني وكلمة منه طلع بعدها بضاعته وكان يخاف جدا ان يراه البوليس او كامرات الشارع وهو يعرض بضاعته ، اخذ يعرض بضاعته وانها فخمة جدا ومقاومه للحريق وجلد طبيعي وأني لو ما اني خسرت في القمار البارح مابعتها بهالسعر وانها غالية جدا في المحلات وتباع ب 1000 باوند ، اخذت الجاكيت وتفحصته لقيته من نوع ابوباوند لو تشد خيوطه تقطع قلت له اذا مارحت راح اتصل على الشرطة ، عقبها ماتشوف الا غباره .
الثاني وبعد تقريبا بساعتين لقيته قريب من بايسوتر وكانت المدام معي اول ماشافني قالي وين اقدر اروح للمطار وصفت له اول الطريق بعدين قالي كم مقاسك ههه ، قلت للمدام هذا خوي الي قلت عنه ، وأول ماسمعني أقول بوليس ويتلحوس في سيارته ماعرف يسوق سيارته .
أحذركم يا أخوان وانتبهوا الله يستر عليكم ، والمجرمين ينشن على الخليجي بالذات .
وهالعينات انتشرت قبل سنوات في الرياض .
أخوكم أبو أنس
تحياتي