Mezajee_KSA
07-12-2022 - 01:56 am
السلام عليكم ورحمة الله ..
تم افتتاح فندق جديد في لندن جنوب هايد بارك بالقرب من مستشفى بوبا ,, والقريب من محطة مترو Earl's Court ..
الفندق صراحه مرتب ونظيف وموقعه حلو ,, تحته سوبرماركت فيه مقاهي ومكتب سياحي وصيدليهبالاضافه ان الفندق ملاصق لمستشفى بوبا (يسار فندق ميركيور) ..
انصحكم فيه وهذا مجموعة صور له .. ولو حابين تحجزون منه فيه رابط لموقعه او بوكنق او هوتيلز
http://www.hotelxenia.co.uk/
حاولوا تشوفون احجام الغرف قبل الحجز لان البعض ممكن يشوفهم صغيرات ..
وهنا صور وتقييمات لبعض الزوار ..
http://www.tripadvisor.com/Hotel_Review-g186338-d4181186-Reviews-Hotel_Xenia-London_England.html
ان شاء الله الأخوان المسافرين يستفيدون من هالموضوع
لكن عندي ملاحظة بسيطة واسمح لي فيها
الفندق بعيد نوعا ما عن وسط مدينة لندن وعن أهم المعالم اللي يحتاجها المسافر العربي ، وتخبر المسافرين يتمنون القرب من الهايد بارك والأكسفورد ستريت
وموقع الفندق يصير على نفس شارع الهارودز ويبعد حوالي نص ساعه مشي عن الهاروزد ، واذا أحد حب ياخذ تكسي للأكسفورد راح يكلفه كثير
ولكن للي يحبون يبعدون شوي عن صخب لندن ، ترى المنطقة هادية وحلوة
هذي ملاحظتي واسمح لي