المسافر shehab
11-12-2022 - 05:57 pm
مرحبا يا خبراء البحرين
زرت البحرين مؤخرا واستفدت من اقتراحاتكم ونصائحكم الله يعطيكم العافية وعندي تقرير بنزله قريب ان شاء الله عن الفندق اللي سكنته
واللي كان
منتجع نوفيتيل الدانه
((احس ان الكل يراقب ))) ويقول متى ان شاء الله تنزل التقرير وقع التعهد انك تنزله
طيب لحظة ياشباب خدمة بسيطة قبل الله يعطيكم العافية
انا باذن الله رايح الاسبوع القادم للبحرين رحلة خطافية حبيت اقلد فيها ارماني ولورد الخبر ولايهون البقية
يعني من الاخير شطف سريع
ناوي اروح من الصباح الاربعاء القادم الاسبوع القادم
ويكون الفطور والغداء هناك طبعا بصحبة انا قاهرتني هذه معصبة وام العيال عندي دايم مبتسمة
الحقيقة ودي تقترحون اماكن للفطور والغداء تكون مناسبة للعائلات ورايقة والاكل فيها ممتاز
اولا : الفطور
ودي شخص يقترح علي مكان للفطور يكون ممتاز وجلسته حلوة خصوصا لانه بيكون الصباح
انا بصراحة شفت المطعم فيراندا اللي في عذاري Veranda
بس المشكلة اخوكم مو عارف ايش اللي عندهم وايش اطباقهم اللي عرفته انه بوفيه اذا في احد جربهم يعطينا من الخبرة
وغيره ابي الموقع ولو في الاحداثيات اكون من الشاكرين
ثانيا : الغداء
بصراحة هنا محتار بين اكثر من مطعم ما ادري اختار هندي اوايراني واحيان اقول احسن شي البوفيه وماعرفت كيف الوضع نبي منك المشورة
ولكم منا جزيل الشكروالامتنان
والله يجزاكم كل خير
بالنسبة لطلباتك ياغالي .. الفطور أرشح لك الفرندا ، وهو نظام بوفيه مفتوح والمحل صاير مثل الحديقة المغلقة يستحق التجربة
موقعه / اول ماتدخل مع الجسر سيدا لا يمين ولا يسار لين تشوف ملاهي عذاري على يسارك بعدها خفف بيجيك كبري سترة
ارجع يوتيرن على نفس الطريق وخلك في الخدمة بتشوف المطعم قبل الملاهي .
بالنسبة للغداء / عندك خيارات كثيرة ياليت تحدد نوع الاكل ( شعبي - ايطالي - هندي - ايراني - تايلندي - عربي ) .
ولا تنسى التقرير عن منتجع نوفوتيل الدانة بنكون بانتظارك