هلا اختي / عذوب .......
كل عام وانتي بالف خير ان شاء الله............
والله بالنسبة للرحلات البحرية موجودة بكثرة في استراليا ، وهي زيارات للجزر المجاورة للمدن الاسترالية ، بس اي جزر شي خيال ............ عندك من بريزبين الى قولد كوست بالقطار او الباص وماتخذ من الوقت ساعة ، لاكن البحرية مو للقولد كوست لجزر كثيرة منها( تنقالوما )، وفية كمان وحدة ناسية اسمها ، وفية غيرها كثير والرحلات على طول ماتوقف ،لاكن ماادري هل فية من سيدني الى القولد كوست ، بس اللي اعرفة من بريزبين للقولد كوست ماياخذ وقت لانها جنبها مره ، انا زرتها من بريزبين لاكن سيدني مازرتها .........
اتمنى اكون قد قدمت لك اللي تتمني معرفتة ، واذا عندك اي استفسار انا باذن الله حاضرة

هلا اختي طيف الورود والله يجعل حياتك وايامك كلها فل وياسمين وكل انواع الورود الحلوه يارب......بالنسبه للرحله من الجولد كوست الى بريزبن هذى انا رحتها بالباص وما اخذت اكثر من الساعه بس للرحلات البحريه ما حددتيلى من وين نقدر ناخذها وانا اقصد ان الباخره اقدر استخدمها كوسيلة نقل بدل الطيران الداخلى فاهمه على يعنى انها تكون تنقلنا مثلا من سيدنى الى جولد كوست او المنطقه اللى حنا نبيها وياريت اذا حصلتى اى معلومه عن هالموضوع اتفيدينى فيها وجزاك الله الف خير

اها
والله مدري بس ان شاء الله راح اعرف لك ، وارد عليك باقرب فرصة ان شاء الله .............
بس اللي اعرفة انه فية سفر بالقطار بين كل دولة من دول استراليا والاخرى مثلا سيدني ميلبورن وسيدني بريزبين ووكهذا ، لاكن البحر مدري
الا على فكرة كيف العيد عنكم بالكويت ان شاء الله تمام؟
اسفة على التقصير

لا بالعكس مامن قصور بيض الله وجهك بس طيف ما تعرفين مدة السفر بالقطار من سيدنى الى جولد كوست كم تاخذ من الوقت وكم تكلف يعنى سعر التذاكر وبالنسبه للعيد الأضحى مثل كل سنه مافى جديد هو عيد اللحم بعد واشنسوى وبالنسبه لهلا فبراير مالى علاقه فيه نهائيا لان وين ماتروحين زحمه وانا ما احب الأماكن المزدحمه وسلامتك ياحلوه