بسم الله الرحمن الرحيم
فندق رويال 4 نجوم ممتاز جداً مقارنة بسعره وموقعه
الفندق مكون من 5 طوابق
جميع الطاقم وادارته غير مسلمين ماعدا ثلاثة أشخاص سويت تحقيق
و لكن للامانه جميعهم يحترمون النزيل ويخدمونه في ثواني دون الاهتمام لديانته
في كل طابق مصلى صغير بسجاداته
اسعار الغرف تبدأ من 240 ريال الى 350 ريال
واسعار الاجنحة من 400 الى 600 ريال
اسعار المغسلة معقولة ومناسبة جدا , و كل يوم ارسل ملابس طول مدة اقامتي
ارسلها الصباح اجي المغرب احصلها قدامي
جميع الطاقم ودودين يستقبلونك ويودعونك بابتسامة
يتم تنظيف الغرف مرتين في اليوم , بعد العاشرة صباحا وبعد صلاة المغرب
الفندق آمن ونظيف والطاقم في خدمتك 24 ساعه
سلبيات الفندق من وجهة نظري
المطعم افطاره غير مناسب لنا اكلات مدري وش هي وياكثر الرز على هالصبح
مافيه غير البيض وتوقف على راسها وهي تزينه لك علشان ماتضيف عليه اشياء مدري وشهي
اخليها تسويه ساده مع كوب كوفي .. و هذا فطوري كل صباح
المسبح صغير وموقعه بجانب المطعم
الحشرات في اللوبي وفي الغرف اذا فتحت البلكونه
طبعا يزودونك كل يوم ببخاخ جديد بس اذا فتحت البلكونه لازم ترش من جديد واذا مقفل الغرفة ما تشوف ولا حشرة
النت ضعيف في الغرف , و في اللوبي صاروخ
اترككم مع الصور
الصور قليله لاني دايم اقول بصور اذا رجعت اجي ببطارية الجوال والكاميرا فاضية
فاخذت كم صورة في اوقات متفرقة

من اللوبي
يوجد كم جهاز كمبيوتر للنت او الطباعه ويوجد شاشة كبيرة تعرض فيها المباريات

المطعم ومن خلفه المسبح

غرفة في الدور الارضي بشرفة

دورة المياه أعزكم الله يوجد شطاف

سكنت لمدة 13 يوم ولو عدت الى بالي سأسكن فيه
بعض الااماكن القريبة من الفندق
سير على الأقدام
اذا خرجت من الفندق واتجهت لليمين مسافه قصيرة جداً
بعدها تقاطع صغير

• ان اتجهت لليمين ستجد بعض المحلات التجارية
• اذا اتجهت سيده 100 متر تجد شاطئ كوتا مباشرة
• اذا اتجهت لليسار مسافه كيلو تقريبا او اقل يكون مول ديسكفري على اليمين

اذا واصلت بعد المول بأقل من 100 متر ستجد على يمينك مطعم هندي على كيف كيفك
له عدت فروع في بالي وفي السعودية
الرياض - الخبر - جاكرتا - بالي
اكلهم حلال وعلى المنيو جميع اكلاتهم حلاال
اذا خرجت من الفندق واتجهت لليسار
بعد 100 متر او اقل تجد طريق لليسار تمشي معه 50 متر ياتيك تقاطع صغير

• ان اتجهت لليسار مدري وش فيه ما رحت
• ان اتجهت لليمين ثاني محل فيه مطعم هندي صغير فتحه وحده واكلاتهم حلوه

مقابل للمطعم محل للصرافه أأمن من المنتشرين في الشوارع الااذا صرفك بمبلغ بسيط فعادي من اي مكان

• ان اتجهت سيدا فانتبه لاتزيد الحلا لان هذا هو امتداد شارع لقيان

كل شي تتوقعه او ما تتوقعه ستجده في هذا الشارع
لذلك لا انصح المرور بهذا الشارع ليلاً خصوصاً العائلات
فاذا استمريت بالمشي حوالي الكيلو او كيلو ونص ستجد على يسارك مطعم شيشا كافيه العربي
بس ماراح تحس بالتعب او طول المشوار في هالشارع بالذات
السواق مروان مسلم وامين
وعدته ان اضع رقمه في المنتدى

وهذا كرته جوناوان
بس يقول اسمي مروان قلت اللي تبي
عموما سائق يعجبك وأمين
نسيت عنده الايفون ودقيت عليه بعد ما مشى بساعه قال انا في الطريق جاي حصلته في السيارة
وجابه لي
يتكلم انقلش مع شوية عربي
الرجل مجتهد ههه معه كتب صغيرة تعليم العربية
لكن انصح فيه وبقوة يوميته 350.000 روبية ويوديك محل ما تبي
بعض مشاويرنا تاخذ في الطريق من 2.30 الى 3.00 ساعات ماقد كشر والا سوى حركات بعض السواقين في التصريف انه مايعرف الطريق او يلمح لزيادة
سواق ومحترف في الاختصارات
بس اخر يوم اكلناه في مطعم هندي وكل ما خلص صحنه يدف له خويي هو يقول كلاس الحمد لله وخويي يقول له والله لتاكل
نمنا وكنا مواعدينه يجينا يودينا اليوم الثاني المطار دق علينا قال انا من البارح في المستشفى خ
طبعا طلع وقابلناه سلمنا عليه وحاسبناه على 3 ايام ماضية مع اكرامية حقت المطعم الهندي

اتمنى ان ينال على اعجابكم
Queen.s of India