بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook




زائر
السـباحــــة و السيـــاحة فـي وادي القحـــفي
20-12-2014 - 02:37 am

رحلة شبابية السـباحــــة و السيـــاحة فـي وادي القحـــفي

السلام عليكم ورحمـة الله وبركاتــه


****************

الله يسلمكم ،، في يوم السبت 02/06/2012 نشيت من الرقـــاد

من غبشـة ،، و قبل لا يطيــر الطيــر


لأن كانـت عنــــدي كمن شغلــة وكم مشـــوار

وعاد قعدت أفتـــر في دبي من مكان للثاني أخلص أشغالي

المهـــم... عقب ما خلصت

بصراحـة

أدور أقرب سريــر أبـــا أعــق عمــري عليــه

لكــــــــــــــــن

حسّيت بـ هـــزة في مخبـاي .... وأثاريه تلفـــوني

طلعتــــه و إلا أشوفـــه يقـــــول :


أوووووه ... الكمــالي

ربيعـنـــا في الدوام ،، والريّــال راعي رحلات

خل أشوف وش عنـــده الكمــالي :



وااااااااااو.. رحلــة ،،، وادي ،،، سباحــة ووناسة ويا الربع

نسيــــت التعـــب والسريــــر

*************

وعلى طول جهّزت عمري ،، وحطيت أغراض و ملابس السباحة

في الـ Hand Bag


وعلــى الموتــر بلحق عالشباب في الموعـــــــد

عنـــد نادي دبي في منطقة العويــر

**********************

وصلــت عالموعــــــد

وهاي سيارات الشباب اللي كانو واصلين قبـلي



و بدون تأخير لأن المسافة بعيدة

على طول طلعنــا عالــــدرب


************

صـــح نسيت أعرفكم عالشباب

وإلا أقول لكــم

خلهم بروحهم يعرفونكم على نفسهم




نحن الحين طالعين من العويــر وعلى درب حتـّــا



قربنــا من منطقــة البدايـــر وهي تابعة لإمارة الشارجة

وهي منطقــة مشهــورة بالسفـــاري


وهني وصلنــا لنقطة تفتيش

لأن بندخل في حــدود السلطنــة التابعة لولايــة محضـــة

طبعا لازم نكون شايلين إثبات شخصية

وإلا ما بيخلونا نعبر


الحمدلله عدينــا من كل نقاط التفتيش

لأن على فكرة .. فيه أكثــر من نقطــة تفتيش عالدرب

لأن المناطق الحدوديــة متداخلــــة

فـ بعــد ما ندخـــــل حدود السلطنــة

نرجع نطلع منها و ندخل مرة ثانية في حدود الإمارات

لما نوصل منطقة حتـّـا التابعة لدبي

وبعدها نرجع ندخل لحدود السلطنة مرة ثانيــة


وصلنــــا حتــّـــا


وهني في الطريق للحدود العمانيــة مــرة ثانية مثل ما قلت لكم


وأخيــــــــرا

ولايــة محضـــة ،، ترحب فينـــا وفيكم

(هاللافتـــة اللي تحت صورتها ونحن راجعين لأني ما لحقت اصورها ونحن داخلين)

علشان جذي ظلام و ليل



و هني عــاد بــدأ الطريق الوعـــر


منطقــة جبليــة صعبــة ،، ولازم السيارة دفع رباعي

الصالــون ممكن يدخـــل ،، لكن ما ننصــح


مثل ما تشوفون ،، الطريق وعــر وصعب


وأخيــرا ولله الحمــــد ... وصلنــــا

وقفنا السيارة بعيد

طبعـــا منطقة السباحة لازم ننزل لهــا مشي ،، السيارة ما توصــل


الكمـــالي مستانس ،،، الوصول لهالأماكن قمة متعتــه


وبوعلي بعـــد


طبعــا الماي ينزل من الجبل في غــدران وجداول


يالله ننزل وحياكم ويــانا

جولــة إستكشافية قصيرة في المكان قبل السباحة


طبعـــا المكان شديــد الوعــورة والإنحدار، والصخور ملساء و تزحلق

واللي يروح لازم يحط باله على نفســه
زين ما زين



تابع





المشاركات

زائر
السـباحــــة و السيـــاحة فـي وادي القحـــفي


وبعـــــد الجولـــــة الإستكشافيـــة في المكــــــان

جاء وقت السباحـــة

****************

وهــذا مكان السبـــاحة يبدأ ضحل

بس يزيد العمق للداخـل


المــاي من قريب ،، صافي و باااااااااااارد


غايتـــه السباحــة في الماي البارد

في الأجــواء الحــارّة


على طــول عالمـــاي



و وصلـو شباب غيرنـــا من أهــل حتــــا


وللي يحبــون المســاج أبو السمــج اللي ياكلون الرجــول

تـــراه متوفـــر في وادي القحفــي


وناســـة ،، ويساعــد على الإسترخـــــاءءءء


إستمتعنـــا بالسباحــة بصراحة في الـــوادي

و ترا تحلي السوالف في الماي

*************************

طلعنــا مع إقتراب الغروب ،، وقبل لا تظـلم الدنيــا

وهــذا منظــر علوي عـام للمكان اللي سبحنــا فيــه


خلاص ،،، رايحيـــن



*********************
وصلنـــا للنهايــــة

*********************


أتمنى إني أكون قدمت لكم اللي يلاقي إستحسانكم

وتقبلــو خالص وأجمل تحيـــاتي



يمكنك فتح موضوع جديد للمناقشة او الاستفسار والمشاركة.

أبحث واحجز بأعلى خصم:
خصم يصل إلى 25%

Share

السـباحــــة و السيـــاحة فـي وادي القحـــفي