أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم,,
صباح الخير جميعاً,,
بصراحة أنا أول مرة بأسافر لبنان الاسبوع الجاي من 4-8 فبراير ولا أعرف فيها شي ياليت تفيدوني بجدول حلو خلال هذه الايام
وتقبلوا تحياتي
اليوم الاول زيارة مغارة جعيتا والتلفريك ومتحف المشاهير وبعدا جونيه والغدى بمطعم مانويلا او مخلوف وبعدين فيكن تروحوا على اسواق الزلقا والكسليك او زيارة الستي مول او ال ABC مول عشية بما انكم ببيروت فيكن تنزلوا على بيروت سوق بالسوليدير .
اليوم التاني : زيارة فاريا كنت بحطا بنفس يوم جعيتا بس برأيي فاريا بدا يوم كامل لحالا لأنو ما رح تقدروا تستمتعوا بالمناطق التانية لأنو رح تكونوا تعبانين لهيك بفضل يوم كامل لفاريا .
اليوم التالت زيارة الشوف قلعة موسى وبيت الدين وبعدين بتطلعوا على الباروك ومنها لو بتحبوا تمروا على بحمدون وعاليه رح يكون بس مرور الكرام لأنو بوقتا بيكون كل شي مسكر ببحمدون وعاليه فيكن تضيفوا من بعدا الغدى ببرمانا بمطعم منير او فخر الدين او برج الحمام
اليوم الرابع زيارة جبيل قلعة جبيل البحرية والسوق العتيق ولو بتحبوا فيكن تعملوا جولة بحرية بالقارب والغدى بيكون بمطعم لوكندا بجبيل ولو حابين تعملوا شوبينغ عندكم عدة اسواق ببيروت متل سوق فردان وسوق مارالياس وسوق فرن الشباك وسوق الحمرا وسوق برج حمود ...
اليوم الخامس زيارة صيدا القلعة البحريةوكمان تتمشوا على كورنيش صيدا وتقعدوا بشي كافيه او تتسوقوا من سوق صيدا وتتغدووا بمطعم الحان بصيدا وكمان فيكن تعملوا جولة بالقارب بالبحر
لو حابين تعدلوا بالبرنامج فيكن تعملوا يوم لزيارة الشمال بحيرة عين السمك بس هلأ برد كتير
بالنسبة للتسوق في كتير اسواق منها اسواق السوليدير كلها ماركات وعندكم سوق الزلقا والكسليك وسوق مارالياس حلو وفيه اشياء حلوة وما غالي كتير وكمان سوق فرن الشباك وعندكم سوق فردان وسوق الحمرا وفي سوق للأرمن رخيص اسمو سوق فرن الشباك وعندكم abc مول والبايروت مول والستي مول وفي سوق بربور وكمان فيكن تضيفوا السينما ببرنامجكن لليل كافيات في كتير كافيات متل البتي كافيه بالروشة وبالبلد والجراند كافيه ورتانا كافيه بالسوليدير وغيرن كتير ان شاء الله الاخوان ما رح يقصروا بالأسماء وتجاربن
ويسعدلي صباحك ..
خود عندك الرابطين ادناه:
https://artravelers.com/p/re/260683/ل خاص جدأ الى عبير لبنان https://artravelers.com/p/re/268699
مع تمنياتي لك برحلة ممتعة