بالنسبة للاضراب تم السيطرة عليه وانحل باذن الله تعالى والحركة طبيعية بالنسبة للجمارك.

شكرا على ردك ..
معقوله مافي احد يعرف طريق الخفجي ؟؟؟!!

اذا تقصد موفنبيك البدع اللي ع البحر
خلي الفندق يسارك واطلع سيدا
الى ان يجيك طريق الفحيحيل السريع
تدخل معه با اتجاه الفحيحيل
وامشي على طول لا يمين ولا يسار
وراح تحصل نفسك بمنفذ النويصيب الكويتي
تخلص اجراءاتك وتطلع لمنفذ الخفجي السعودي
بعد منفذ الخفجي
تقريبا بنصف كيلو راح تجيك لوحه الدمام يمين
تأخذ المنعطف ومنه لا يمين ولا يسار (لا تنسى تفلل بترول )
راح تمر في هالطريق السريع على الجبيل وبعدها الدمام
وبعدها راح تجيك لوحه (الخبر - الظهران ) تاخذ الكوبري مع هاللوحه
وبيجيك كوبري ثاني يدلك على الخبر
تأخذ الكوبري ايضا وبتكون الخبر امامك بالضبط
(واللوحات الارشاديه موجوده بكثره )
وبالنسبه للوقت اربع ساعات تقريبا الى اربع ساعات ونصف
حسب سرعتك
(ساعه بالكويت من الفندق للمنفذ وباقي الوقت من المنفذ الى الخبر )
درب السلامه