السلام عليكم ورحمة الله وبركاته
كثير من الأعضاء يسألون
كم المسافة بين روما وفلورنس
أو
وش أحداثيات مدينة فيرونا
أو
وش أحداثيات المطعم الفلاني أو السوق الفلاني
هذي طريقة سهلة جدا
مفيدة جدا
ورائعة جدا
وهي عن طريق خرائط google
أولا ندخل على هالرابط
http://maps.google.com/maps?ct=reset
راح تطلع لنا هالصفحة
نكتب اسم الدولة أو المدينة أو المعلم الي نبغى خريطته في خانة البحث
وراح تطلع لنا خريطته
أذا بغينا نعرف المسافة بين مدينة ومدينة
نضغط على كلمة
Get Directions
الموجودة يسار فوق
ونكتب في الخانة الأولى أسم المدينة 1 والمدينة 2 مثل ماهو موضح بالصورة
ونضغط
Get Directions
وراح تطلع لك المسافة بالسيارة بالكيلو وكم المدة
وراح يطلع لك كذا طريق
أنت شف الي يريحك وأسلكه
ونلاحظ أن فيه صورة سيارة وقطار ورجال
السيارة توضح المسافة عن طريق السيارة
القطار يطلع لك خط سير القطارات(لم أفهم له حتى الان)
الرجال يوريك المسافة مشي(وراح أعلمكم كيف تستفيدون منها بعد شوي)
فيه خيار جدا حلو وهو خيار الصور
ويكون موجود يمين الشاشة
نضغط عليها لحد ما تطلع علامة صح
والنتيجة تكون كالاتي
صور لمعالم المنطقة
طريقة حلوة لو بغيت شي وما تعرف أسمه
تلقى صورته على طول
واذا ضغطت على صورة من الصورة راح يطلع لك معلومات عن المعلم
تقدر تحدد اسمه وتنسخه عشان تعرف الطريق منه الى أي شي ثاني
مثلا كنت عند البانثيون وبغيت أروح لنافورة تيريفي
وتضغط على صورة الرجال عشان يوريك المسافة بينها مشي
وراح تطلع لك بالخريط كذا
ولو بغيت تعرف أحداثيات مكان ماعليه صورة أو ماهو معلم
مكان فندقك مثلا أو أي شي
تروح للمكان بالماوس
ونضغط كلك يمين زي كذا
ونضغط على اخر خيار زي ما هو موضح بالصورة
وراح يطلع لنا سهم اخضر على المكان
نضغط على السهم
بيطلع لنا معلومات واحداثيات المكان بكل سهولة
طيب كثير يقولون عندنا جهاز نفقيشن(جهاز ملاحة) ولا نعرف ندخل الأحداثيات فيه وش الطريقة؟؟
أقولهم أتبعوا هالخطوات وراح تدعون لي
أشبك جهاز الملاحة بالكمبيوتر
وبعدها تروحون في الخريطة أي معلم أو مكان تبونه
وتضغطون على صورته زي ماعلمتكم قبل
وأنا اخترت نافورة تيريفي
راح يطلع لنا زي ما وريتكم قبل
نضغط على
More
وبعدين نضغط على
Send
راح يطلع لنا هالمربع
أختر نوع جهازك من القائمة وأضغط عليه وبعدين
Send
وراح يرسل الكمبيوتر لجهاز الملاحة الأحداثيات
أنت أحفظها بالمفضلة في جهاز الملاحة
وصلى الله وبارك
أتمنى يكون الموضوع مفيد وسهل
والي عنده سؤال انا جاهز
تحياتي لكم