شاي الضحى
السلام عليكم يا اهل وزوار البوابه الكويتيه .....
اهدي هذا الموضوع للوالدة ..((ام محمد)) ....الله يطول بعمرها
في يوم شتووي عزمتنا الوالدة على ريوق ...وذلك احتجاجا منها على طلعاتنا وريوقنا بالمطاعم ....المهم عند اليوم الموعود تحول الريوق الى شاي الضحى وذلك بسبب دقة مواعيدنا وما يصير نبدي قبل الكل
المهم راح تشوفون ريوق الوالدة ....
نبدي بالصور
هذه لاني نسيت اصور الخبز
كيك جاهز...زبده ...قيمر...رهش ....خيار .....وطماط مقصص...زيتون ....
وهني بينت الشابورة والبقصم....والدرابيل ....ما قصرت الوالده حطت القديم والحديث
مجموعه ثانيه من نفس الاصناف......علشان مو كل شوي عطني ومد لي كل مجموعه عندها شغلها ...
الجنود هذيل على أهبة الأستعداد للحارين ...بيالات الحليب والابيض الحلو
ولزوم الدفى ..الوالدة ما قصرت مزهبة دوة الفحم والشاي والحليب المهيل اللي تعرفون ريحته بالبرد اشلون تصير....
نيي للاطباق العالميه ...الجباتي الهندي ....والفلافل المصري ..قصدي الطعميه
الاطباق الكويتيه ....النخي والباجلا .....والطماط المقصص للي ما يعرفونه وجب نعريفهم فيه
هني عاد كيكة ؟؟؟ اسفه اختي سوتها نسيت على شنو اعتقد على تمر وفيها جوز ....انا علي الاكل بعدين اسأل عن الطريقة ...اي صح اختي ما عطيتيني الطريقه ......زهبيها اليوم باخذها ....بس كانت عن جد لذيذه
صنفان من الفول واحد فول اخضر للفلافل ....والثاني اسمر للفول المدمس.....اطباق مصريه
الحمص ....طبق شامي .....
السمبوسك تساند بن ديرتها الجباتي الهندي .....ايا الهنديه
لحظة... في شي متسرب من مكان ثاني هالصورة اللي تحت
خلاص غارت وتفاهمت معاها يا يتكم بقصتها بعد رفع الصور
المهم الوالدة تحييكم وتقول لكم اي واحد يعجبه الريوق حياه البيت بيتكم ......العنوان بعد المداوله
ارجو ان التقرير ينال على اعجابكم ....وانتظروني في حل للصورة الدخيله اللي غلطانه بالعنوان
محبتكم توبليروون