السلام عليكم ورحمة الله وبركاته
هلا فيكم جميعاً فرداً فرداً
قبل لا ابد موضوعي احب اشكر هالمنتدى وبمن فيه من اعضاء وعضوات ..
واقولهم جزاكم الله خير ع هالتغطيات الي فعلاً تفيد الشخص وتطلعه من حيرته ..
كثير استفدت من هالمنتدى .. عسى الله لايحرمكم الاجر ..
اكيد بتقولون هذي تتميلح وين سكنت يعني ..
بس حبيت احمسكم شوي واخليكم تدرعمون اذ انتوا فيكم شفاحه ههه
رحلتنا اليوم بتكون الى بيت الله الحرام بمكة المكرمة ..
الرحله كانت عبارة عن 3 ايام .. طارت مثل البرق .. تمنينا نقعد زود لكن الالتزامات والدوامات وماتسوي
لذلك بنحطها بالحسبان المره الجايه بإذن الله تعالى ...
الرحله كانت في نهاية شهر يناير 2011
بنفس الفترة الي جاء جدة السيل .. الله يحفظ اهلها ويحميهم ..
رحلتنا كلفتنا 780 للشخص الواحد ع درجة الضيافه ..
وصلنا جده و طلعنا من المطار ع مكة مباشرة بتاكسي من المطار بقيمة 150 ريال ..
وصلنا مكة وهذا حنا نبي نروح للوبي عن طريق موقف السيارات بالقبو ..
اكيد عرفتوا وين ؟
ابراج الهيلتون
دخلنا اللوبي الرئيسي للابراج للشيك إن
بعد ماخلصنا .. جاء العامل واخذ الاغراض عشان نطلع لغرفتنا ..
وهذا حنا ننتظر المصعد في اللوبي الخاص بالبرج الي راح نسكن فيه
لكن تفاجأنا ان سالفتها سالفه ..
نوصل للدور عن طريق المصعد ومن بعد المصعد نرقى درج صغير ..
لان شكله كل " دور عندهم يتكون من دورين "
وهالشي متعب صراحه اذا كان احد الاشخاص يعاني من مشكله صحيه او كبير بالسن
فرجعنا وطلبنا تغير الغرفه حالاً وغيروها لنا خلال خمس دقايق ..
مدخل الغرفه ..
الغرفه
جانب اخر من الغرفه
طاولة الطعام
جلسة التلفزيون
جلسة البلكون
البالكون بالنهار
الحمام ..
- ويوجد حمام اخر صغير (كرسي ومغسلة ) لكن للاسف نسيت اصورة
كما يوجد كاونتر يتكون من ( مغسلة + غاز كهربائي يتكون من عينين للاشياء البسيطه +
ثلاجة + سخان للماء وملحقاته من سكر وقهوة ونحوة+ ماء ومكسرات وحلويات ومشروبات )
.:. الغرفة تتكون من :(( سريرين كوين سايز + حمامين +جلسة للتلفزيون + طاولة طعام + جلسة اخرى للبالكون
كاونتر لتجهيز الاكل البسيط ))
،
الابراج من الخارج من عند باب الملك فهد رحمة الله
الابراج ويظهر بالصورة الساعة العملاقه
- ابراج الهيلتون كلفتنا ليلتين ب 1250 ريال
ياجمال الكعبة وانت تقترب منها ..
واخيراً دخلنا للصحن ..!!
الكعبة من الدور الثاني
خلصت رحلتنا وحجزنا تاكسي ب 150..ريال
واذا بتاخذون سيارة من الهيلتون تكلف اذا منيب واهمه 200 او 250 ريال للمطار
لكن المشكله وش هي ؟ ان الطريق بين مكه وجدة مقفل بسبب الامطار والسيول !
ف رحنا ع طريق المدينه .. والشايب راعي التاكسي مسرع حده ..
لدرجة اني طرت من الكرسي ورجعت لان طب بمطب
ووصلنا المطار الحمدلله بالسلامه ..
وطبعاً مثل ماهو معروف : ماء زمزم ماعليه شحن .. يعني اخذوا كثر ماتبون ..
الجو : جداً معتدل في عز برد شهر يناير !
واقرب للحر بعد ..الا اللهم هواء يطيرك وانت تمشي
كنا نلبس صيفي ونشغل التكيف بعد
ورجعنا بالسلامه لديارنا سالمين غانمين ..
لكن بصراحه !! المطبات الهوائية كانت جداً فضيعه حسيت الطيارة بتطيح من كثر ما تصقعت فيها
حتى مطبات اوروبا ماصارت بحجم هالاهتزاز ..
عشت لحظات رعب لاتنسى انا خلقة فيني فوبيا من الاماكن المرتفعة !!
نصيحة للبنات العزيزات ..
اذا بغيتوا تروحون تنزلون الحرم والاسواق الي حوله اخذوا لكم شناط صغيرة تكفي جوال+ كم ريال للحاجه وكتيب الاذكار
والبسوها تحت العبايه عشان ترتاحون وتريحون من في نفسه شر ..
اتمنى اني وفقت في مصافحتي الاولى معكم ..
ويعجبكم عربون الصداقه بيني وبينكم ..
شاكره لكم هالدقائق الي قضيتوها وانتوا تقرون سطوري
اي استفسار نحن بالخدمه ..
في امان الله .
ثانيا / اسلوبك جدا جميل ، وبصراحة لفت نظري عنوان الموضوع
:
وشكرا لك على التقرير الجميل والسرد الرائع للتقرير
:
تحياتي لك