يعتمد على ثقتك و علاقتك بهذا الشخص , و هل هو موثوق به . و لكن الاحتياط و اجب لا تعطي رقم بطاقتك الا للشخص الوثوق به جدا حدا

alderhim
جزاك الله خير عالرد
الفيزا فيها 16 رقم +3 ارقام الاخيره
هل يحتاج ال16 رقم فقط؟ ام كلهم ؟
وشلون يقدر يسحب اذا بالارقام فقط ؟( اذا ما عطيته الكرت ولا الرقم السرى) ؟
متردد لان اول مره اعمل هالحركه؟
وشكرا

kuwait2008
السلام عليكم
الرقم السري للبطاقة لا يستخدم للشراء عن طريق الانترنت وهو فقط للسحب من جهاز الصراف الالي اما الارقام المسجله على البطاقة وعلى الوجهين فهي التي يطلبها الموقع لاتمام عملية الشراء واحيانا يطلب الاسم مع الارقام
واهم الارقام هي الثلاثة ارقام التي يطلبها الموقع في المرحلة الثانيه لاتمام عملية الشراء
تحياتي

انتبه اخوي معلومات البطاقة كافيه للسحب منها حتى لو كنت بدولة والبطاقة بدولة ثانية
المعلومات لاتعطيها ابدا ابدا الا للاشخاص الثقات مثل ماقالوا لك الشباب
بالتوفيق ان شاء الله

والله صعبه لاتستأمن احد أنت تقدر تحجز من أي موقع
ترى الوضع سهل مايبيله
وإن بغيت مساعده ماراح أحد يقصر معاك
بس اهم شي تضمن حلالك
أو روح مكاتب سياحيه وشوف الطيران واسعارهم وعطهم الفلوس كاش وإرتاح

مرحبا اخوي
مثل ماقالو الاخوان ممكن يسحب عن طريق البيانات الي في الفيزة وبس
بس على فكرة الفيزة بلبداية اتسوي بلوك بس على المبلغ يعني ماينسحب ويوصلك مسج واذا شفت شي انسحب وانت ماتدري عنه ممكن تتصل عنه ويوقفون العملية وبهشي ما اتروح افلوسك
وثاني اذا الشخص ثقه ليش لا
وثالث شي وهو الاهم انا جايبلك رابط موقع ممتاز حط رحلتك والتاريخ ويعطيك كل الخطوط الي بلعالم الي متوفره ويعطيك احسن سعر
وانا حجزت عن طريقه وهو سهل وممتاز ومضمون وترا الحجز بلفيزة مثل شربت الماي
بس تدخل واتحط معلومات السفر الدولة والتاريخ ويشيك اذا في اماكن والسعر مناسب حط الي بعد
بعده يجيك الاسم وبعده الدفع يكون الرقم الي على البطاقة وبعده الرقم الي ورا البطاقة والاسم ومرات يقولون لك العنوان وصندوق البريد وخلاص
تاخذ رقم الحجز وانت متطمن وممكن بعد تتصل بشركة الطيران وتتاكد ان حجزك اوكي
وعلى فكره بعد ترا في شركات طيران يسون لك الحجز بتلفون يعني تعطيهم المعلومات والفيزة ويحجزون لك واكيد هذيلا مضمونين
واي استفسار احنا بلخدمة