هلا ومرحبا بك طويل العمر في قطر
بخصوص الفنادق الي طرحتها
1- فندق الريتز كالرتون ( فندق جميل وصار فيه تجديد ، يبعد عن حمد الطبيه 20 دقيقه الى 25 دقيقه)
2- فندق شيراتون الدوحه (جميل ويعجبني طرزاه المعماري قريب من الستي سنتر وتقدر تتمشى على الكورنيش ويبعد حوالي 20 دقيقه عن حمد الطبيه )
3- شاليهات سيلين ( على البحر ولكن هذه خارج مدينة الدوحه تبعد حوالي الساعه والنصف)
4- الانتيركونتينتال (فندق جميل وكلاسيكي وعلى البحر)
5- فندق الفور سيزون( هالفندق بصراحه يعجبني مادري ليش بس اختيار حلو ايضا)
6- قراند حياة ( جراند حياه فندق بجنب الرتز كارلتون ونصيحتي لك تسكن هالفندق لانك ماراح تندم ابدا على هذا الاختيار)
واي خدمه حاضرين لك يالشيخ

كل هالفنادق جمب بعض وأفضلهم الريتز كارلتون بلا منازع

كلهم روعه ومن افخمهم
بس استبعد الانتركونتيننتال لانه معفن ومافيه تجديد
واستبعد شاليهات السيلين لانه وايد بعيد
الشيرتون استبعد لانه قديم شوي بس حلو
يبقى عندك الفور سيزون
وجراند حياة
والريدس
بس انا اضم صوتي لجراند حياة