بهبهانيه
17-12-2022 - 02:49 pm
السلام عليكم
في البدايه احب اشكر كل واحد اضاف لي معلوم هاو جاوب على تساؤل او حتى حط موضوع او تقرير
لاني استفدت من كل كلمه مكتوبه في البوابه وسجلتها عندي
الرحله الى لندن كانت مفاجئه وغير مخطط لها من قبل شهور طويله
كان المفروض اني اسافر شهر 7 اللي طاف سويسرا مع اهلي لكن لظروف العمل
ماعطوني اجازه وضاع التخطيط لسويسرا
الحمدلله راحو سويسرا واستانسو ومانسوني بالهدايه والجوكلت السويسري
مثل ماقتلكم بدون تخطيط حجزنا لعطله العيد الفطر
من تاريخ 11-9 الي تاريخ 15-9
رحله قصيره لكنها ممتعه
رحلتي الى بريطانيا
من الكويت الى لندن على البريطانيه
موعد الطياره كانت الساعه 8 الصبح تقريبا ومده الرحله 5:50
من مطار الكويت ولحظه الدخول للطائره
داخل الطياره
وجبه الغدا
كانت لازانيا خضار والنوع الثاني اتوقع كانو يوزعون لحم
وجبه خفيفه قبل الوصول
الاراضي اللندنيه بدت تبين
بسبب زحمه الطيران ..... حتى بالجو اكو ازدحام ياناس
لف الطيار فينا 10 دقايق لحد ما قالوله البرج خلاص انزل .. الصوره مو واضحه بس شوفو الدائره الحمره هذي لفت الطيار
الرحله كانت خفيفه ماحسيت بالوقت داخل الطياره كنت متابعه فلم