مرحبا اخي الكريم
مشكلة المجلس الاعلى للتعليم ان مختار اقوى الجامعات الامريكية .. انت لو تنظر لعدد الجامعات الامريكية المعترف بها , تجدها قليلة مقارنةً بعدد الجامعات الكلي ( المعترف به اقل من 180 جامعة )
ومع ذلك طلبك إن شاء الله مجاب في القبول خصوصا انك حاصل على اللغة واعتقد معدل 6 ونص بالايلس لن يكون صعب عليك ..
انا من رأيي بما انك س تدرس البكالوريوس وهذه الدرجة قبولها سهل .. ان تقوم بإختيار التخصص المراد دراستة .. يعني شوف اهتمامك اكثر له للدراسات المالية او للعلاقات الدولية ؟
الدراسات المالية مبنية على الارقام والحسابات والخطط وما له دخل بأمور الحسابات بشكل عام
اما العلاقات الدولية فهذه تعتمد على التاريخ والجغرافيا والاحداث السياسية ( ممتعة بشكل ماتتصورة بالنسبة لي )
بعد ماتقرر إن شاء الله اخذ فكرة عن الولايات اللي تحس انها تستهويك بمعنى هل تحب المدن العصرية والصخب مثل نيويورك وشيكاغو ولايهمك البرد القارص ؟
او تحب المدن الساحلية وجوها الاستوائي مثل ميامي
او المدن ذات الطابع الاوروبي مثل سان فرانسسكو
او المدن السياحية الذي لايخلوا وقت الا ورأيت السياح من ارجاء العالم مثل لوس انجلوس
بعدها عطني خبر وسوف افيدك
وترا لايردك الا السانك .. يا ابن بلدي العزيز قطر
على فكرة انا عشت فترة للدراسة في امريكا وعندي خلفية اسميها متواضعه بوضع الجامعات ف اسال ولا تخجل وستجدني ان شاء الله معك
تقبل تحيات اخوك

مرحبا اخوي وللامانه فقدت الامل ان احد يرد
مع اني ماقصر بلبوابة السياحيه بس اخذلوني اهل امريكا
وعلى العموم مشكور على ردك الجميل
ولا تشكيلي وابكيلك والله عارفين ان في جامعات وايد وان اللستات الي يحطونها مب دقيقه والمفروظ يراعون الله فيها
انا صارلي كم يوم اسال بنسبة لتخصص استقريت على علاقات دولية
لان انا ماحب الحساب وعوار الراس وكنت شاطر بلجغرافية بلمدرسة والتاريخ
وبنسبة للولايات مثل ماقلت لك انا ممكن اتاقلم مع اي مكان اهم شي اتكون حلوة وسهله لان الدراسه صارت مثل الهم على القلب وصرت ابي اخلص والسلام لهشي ماهمتني المنطقه
انا واحد مدحلي جامعة فرجينيا VCU وهذا موققعهم http://www.VCU.edu
فمادري انت اشرايك فيها وهي نفس الجامعه الي لها فرع بدوحه ويقولي اقدر اخذ صيفيات فيها
بنسبه لي ابي منطقه مثل ماقلت حلوة واتكون مناسبة من ناحية الجو لاني ماحب البرد وايد واتكون ونيسه واسعارها حلوة
انا ادري طلباتي وايد ويمكن ماحصل بس ان شاءالله ومثل ماقلت لك اهم شي اتكون سهله وابي اسالك بلعاده كم يطلبون بتوفل سوان الي اون لاين او الي بلورق
وشاكر لك ردك
وهاي العشم باهل ديرتي

مرحبا اخي الكريم مره ثانيه
شوف بالنسبة للدراسة عموما مافي شي سهل وانا اخوك وكل جامعة تطلب جهد من الطالب هذي قاعدة لازم تكون مؤمن فيها
معيار السهولة وان جامعات سهله وتمشي وخلاص هذا غير موجود بالجامعات اللي معترف فيها المجلس الاعلى للتعليم مثل ماقلتلك .. كلها جامعات لها وزنها .. ولكن انت ماعليك مشكلة النظام الامريكي في الدراسة سهل وراح يعجبك
تخصص العلاقات الدولية تشتهر فيها الجامعات اللي موجودة في واشنطن دي سي العاصمة الاتحادية مثل جامعة جورج تاون وجامعة فيرجينيا كلومنوولث بس هذولا ياخي الكريم صعبه عليك لان ترتيبها العالمي عالي غير كذا الولاية باردة في الشتاء ..
انت يبييلك الولايات الجنوبية الشرقية او الغربية مثل فلوريدا او كاليفورنيا
فلوريدا جوها معتدل في الشتاء ورطب في الصيف
كاليفورنيا جوها معتدل طول ايام السنة وهي احلى ولاية امريكية وممتعة بشكل ماتتصور .. ممكن اشوفلك جامعة معترف بها في مدينة صغيرة تكون قريبة من المدن السياحية في ولاية كاليفورنيا بس عيب هالولاية انها من اغلى الولايات بس ان شاء الله ماراح تواجة مشكلة خصوصا اذا سكنت في المدن الصغيرة او في ضواحي المدن الكبيرة
انتظرني لين ماجيبلك اسامي الجامعات بهذا التخصص

يعطيك العافيه اخوي وانا بنتظار الجامعات الي اتقول عنها
واهم شي المدينة يكون فيها نظام مواصلات باصات واندرقراوند
وانا ان شاءالله رسيت على تخصص علاقات دولية
وانا فاهمك ان مافي شي سهل بمعنى سهل بس اكيد في تفاوت بلمستويات وعلى حسب التخصصات
يعني ابي اعرف شنو هم الجامعات الي فيها تخصص علاقات دولية وماتكون صعبه مثل الجامعات القوية واتكون ظمن اللسته
وشاكر لك تعاونك
وانا اسف احس روحي ثقلت عليك
تحياتي

حلو ومدلع
يسعد لي مساءك اخوي .. لك وحشه .. وايميلك شكله اما تغير او انسرق .. المهم شلونك ان شاء الله بخير ..
دراسه القانون في بريطانيا احسن واقوي وسمعتها ممتازه لكن لازم لغتك تكون قويه لانه في حفظ كثير
امريكا ... كل مارحت للجامعات الي تحت كاليفورنيا وهالامكان الاخ قبلي ماقصر مع الشكر له ...
لكن حتي في امريكا تقدر تدرس في جامعه مستواها عالي ولكن تاخذ بعض الكورسات في جامعات اسهل
فيرجينا كئيبه لو رحت هناك بتزهق ومطار واشنطن الي قريب منهم يجيب المرض بس يمكن مع القطريين زينين الله اعلم
مانصحك تختار تخصص دقيق عشان ماتحصر نفسك ..
معقوله نظام البعثات صعب عندكم ..