اختي بخصوص استفسارج عن الاسواق لا اعلم هل انتي تقصدين الماركات او الملابس الي مو ماركات فالماركات تحلصينهم مثل ما تفضلتي بالسيف وبالستي سنتر والعالي ومجمع البحرين والدانة والمارينا مول الي فيه الغالي والرخيص والماركات والملابس العادية لكن إذا تبغين مجمع كله ماركات فهو المودا مول كله ماركات عالمية شهيرة وغالية جدا وهو يقع في برج البحرين التجاري أبو مراوح الواقع على شارع الملك فيصل بالقرب من الشيراتون وبالنسبة للاسواق الشعبية مثل سوق المنامة والمحرق يفضل تروحينهم في الفترة الصباحية والجمعة اعتقد يفتحون قبل الصلاة و عصرا يفتحون وهذي الاسواق رخيصة وفيها اشياء حلوة وحتى العطورات تحصلين محلات رخيصة وتبيع عطورات اصلية واذا تبغين بضاعة ارقى شوي تقدرين تروحين شارع البكوارة في الرفاع وشارع جدعلي بمدينة عيسى وبخصوص الذهب ما اعرف كم وصل سعره الحين بالسوق بس اذا تبين الارخص لا تروحين تشترين من المجمعات روحي سوق الذهب بالمنامة وهو موجود بنفس شارع باب البحرين لكن لا تشترين من مدينة الذهب لانه مجمع والمحلات هناك تبالغ بالاسعار فعليج بالمحلات الخارجية واذا بغيتي محلات التلفونات فعليج بمجمع التأمينات التجاري وهذا المجمع موجود بشارع المعارض و اي استفسار انا حاضر

الذهب تحصلينه بسوق الذهب في سوق المنامة وهو مختلف عن مجمع مدينة الذهب والذي يقع في سوق المنامة أيضا.. الكل يتلخبط بين الاثنين حتى البحرينيين نفسهم

أبوالحسن2
أظنها الأن بالبحرين .... بينكم ... ولا تلحق تقرأ مشاركتك...