1. دى معروضات بتتباع جنب الحسين

السلام عليكم ورحمة الله وبركاته
جايبلكم النهاردة فسحتى فى خان الخليلى و الحسين وأظن دا عادى كتير مننا بيروح للأماكن دى لكن
ايه هو الوقت المناسب لزيارة الحسين ؟
أحسن وقت هو قبل الغروب بحوالى ساعه ومنصحش بالصلاة فى مسجد الحسين علشان فيه ضريح
اللى عاوز يصلى هيلاقى الأزهر جنب الحسين ودا هيبان من خلال التقرير
المشكله كمان فى اللى بيزور الحسين بتقتصر زيارته للحسين فقط والجلوس بالمطاعم اللى جنبه والاستمتاع
بالجو لكن ممكن نضرب 3 عصافير بحجر واحد نزور الحسين و الأزهر والقاهرة الاسلاميه من خلال
شارع المعز لدين الله الفاطمى اللى انا بعتقد انه مظلوم كتير وهتعرفوا من خلال التقرير ليه...؟
فى البدايه هعرض صور لخان الخليلى فيه محلات كتير وبعدين هندخل على الحسين والصور اللى
هتكون وقت الغروب وبعدين المفاجأة (على الاقل بالنسبه ليا ) شارع المعز لدين الله الفاطمى
بسم الله نبدأ
دا خان الخليلى
دى منطقه الحسين فيها جوانب كتير هعرض كل جنب بصورة
دى المطاعم اللى موجوده على شمال الحسين
المحل دا بقى موجود جنب الحسين عجبتنى المعروضات قوى وخصوصاً انها بتجسد الحياة الريفيه المصريه
عجبتنى جدا التحفه دى
واشتريت منه فنجانين ليا ولماما والجميل ان الفناجين مكتوب عليها الاسماء
جبت اسمى واسم ماما ملقتهوش فجبتلها واحد مكتوب عليه ماما ودى صوره
وطبعاً هو معالج حراريا و من ساعة ما جبته وانا بشرب فيه كل حاجه حتى العصير....!
ودا جامع ورا الحسين
ودى الحاجات اللى بتتباع جنب الحسين
ودى صور الحسين وقت الغروب وبجد الوقت ده هو أحسن وأفضل وقت فى الحسين
دى صور جامع الأزهر دخلت فى النص لأنى روحت صليت فيه المغرب
دا جامع السيدات
ودا الرجال
و دى صور لجامع الأزهر

دى معروضات بتتباع جنب الحسين

نيجى بقى لشارع المعز لدين الله الفاطمى واللى للأسف متعرفتش عليه إلا لما تهت أنا وصاحبتى ودخلنا فى شوارع جانبيه ومرة واحده لقينا الشارع ده أول ما عنينا جت على الشارع فضلت انا وصاحبتى باصين للشارع فترة من غير ما نتحرك ولا نتكلم مندهشين من المنظر البديع للشارع ولما فقنا من الصدمه الحلوة دى تجولنا فى الشارع اللى للأسف كان يعتبر فاضى إلا من مصريين وقليل من الأفواج السياحيه
الشارع ده وقت زيارته المثالى هو بالليل علشان الإضاءة
أسيبكم مع الصور طبعًا مش هقدر أشرح كل حاجه فيه لأنه مليان تفاصيل كتير جدا
وجمال الشارع ده فى الإضاءة
واعذرونى لو الصور مش واضحه قوى علشان الموبايل مفهوش فلاش
ودا شارع جانبى من المعز لدين الله الفاطمى
و دا ممر جميل الصورة متوصفش جماله
طبعا التقرير مش نموذجى لأنى مكنتش عامله حسابى على الشارع ده لو كنت اعرف كنت اخدت كاميرا الفيديو
أتمنى التقرير يعجبكم
والسلام عليكم ورحمة الله وبركاته