الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
المرام
15-08-2022 - 12:26 am
  1. راح أقولكم عن ايجابيات و سلبيات المطعم ...

  2. الايجابيات :


المطعم الايطالي التسيمو بشعار : أدفع الكثير و كل القليل + سوق السمك + سوق الوطية
السلام عليكم و رحمة الله و بركاته
شلونكم
سمعت شكثر بالمنتديات دعايات عن مطعم التسيمو ... و قلت لازم أجربه
اليوم العصر كان عندنا شغل بمكان قريب منه ... و قال لي زوجي وين ودج تتغدين أختاري مطعم
قلت برج النصار قريب؟ قال : اي
قلت : فيه مطعم الكل يسوي له دعايه ... مطعم التسيمو في برج النصار قريب من الشيراتون .. و رحنا له

راح أقولكم عن ايجابيات و سلبيات المطعم ...

الايجابيات :

  • مكان المطعم حلو ... راح تشوفونه بالصور
  • الخدمه و الجرسونات جيدين .. يمكن لانه ما فيه أحد بالمطعم الا احنا و الطاوله اللي جنبنا
  • الربيان بالبقسماط عجب زوجي
  • و ديكوراتهم حلوه ... لكن نفس الديكور يتكرر لكل الاطباق

السلبيات :
  • السعر مبالغ فيه :112:

أول مره اشوف اطباق بالكويت توصل ل 7 دنانير !!!!!!! ليش :112:
  • الاكل قليل بدرجه مو طبيعيه

أول مره أدخل مطعم و أطلع منه جوعانه
تخيلوا : الريش ب 6 دنانير الا ربع .. طلعت بس 3 قطع ريش :112: و حجمها صغير حيل
و الربيان بالبقسماط 4 قطع ...
  • سلطة الخثاق ... مو حلوه .. الله يديم النعمه

لكن الربيان كان حلو .. و الريش كانت زينه ********> بالطعم مو بالسعر ولا الكميه
عرفت من الجرسون انهم فتحوا من بعد رمضان اللي طاف
الصور ...
بالطريق:
المثنى :

بالاول سفطنا ب مسافط سوق الوطية .... السوق اول مره أشوفه ... كله هنود ..

و احنا رايحين ل برج النصار .. مرينا من جنب المرديان :

برج النصار :

المطعم في الدور 32

بالاول قعدنا بمكان يطل على بيوت و بعدين غيرنا رحنا ل البحر ..

المنيو :
و لاحظوا الاسعار

و انا اصور لقيت الحمامه ..

شوفوا برج التحرير على اليمين :

المقبلات :

سلطة الخثاق :

الربيان بالبقسماط :

الريش :

الحساب :
8دينار الا 100 فلس
لاحظوا .. دينار و 700 فلس للخدمه

لما دفعنا جابوا لنا هذا الشي ...

طبعا تنحنا انا و زوجي ... الهندي حط لنا فنجان صب فيه ماي و قال حطوه بالماي ...
انا تفلسفت و قلت .. اي .. عرفت هذا شنو .. هذا فوار
اخر شي طلع .... شوفوا الصور ... كلنكس لمسح الايد

و رحنا سوق السمك : أعوض زوجي المسكين ... الصراحه لا انا ولا هو شبعنا
شرينا ربيان و زبيدي و خثاق ... و سمكه نسيت اسمها

و طلعنا ...

و بس


التعليقات (9)
ترافلز مان
ترافلز مان
يعطيج العافيه المرام
دائما المطاعم هذه بس علشان القعدة الحلوه مو علشان الاكل لو طالبين كيك وقهوه احسن
بس بصراحه الصور روعه
على العموم عليكم بالعافيه

Noura86
Noura86
شكلج اول واخر مرة تطبين هالمطعم :tongue::tongue:
عادي انا في واايد مطاعم يمدحونها لي الناس واتشجع واروح لها بس انصدم انها موذاك الزود
واحط عليها اكس x
والله عاد كنت مخططة على هالمطعم
بس ماشجعتيني
شكلي بهون عنه
المهم عليكم بالعافية
وبانتظار تقرير جديد منج
مميز كالعادة :wink::wink:

soud321
soud321
يعطيج العافيه على التقرير ولو اني اخالف الراي
انا امس كنت فيه بليل ونفس طاولتكم
بس كان وايد زحمه والجو بليل رومانسي وايد وانا طلبت كوكتيل ربيان و ريزوتو سي فود و لازانيه وعصير اناناس وشوربه كريمه بالفطر
تخيلي شكثر الاكل الي طلبته بس 21 دينار
لا انا ماشوف انه غالي بالعكس السعر وايد زين
و المكان وايد روعه

كويتية وافتخر
كويتية وافتخر
هلا اختى المرام عليج بالف عافية،،، والله الكل يمدح القعدة الاكل في هذا المطعم بس الاغلبية يقولج صح نطلع موشبعانين وايد لأن الاطباق فرنسية والاطباق الفرنسية قليلة بعكس الامريكي والايطالي وبس عليج بالف عافية ان شالله

المرام
المرام
ترافلز مان
هلا يا قلبي
نورتي التقرير
الله يعافيج
حبيبتي كويتيه .. الاطباق مو فرنسيه ...
الاطباق ايطاليه
و حتى لو فرنسيه ... احنا تعشينا من لونوتر .. و شوفي تقريري عنه ... طلعنا شبعانين و باقي بالصحون اكل
ما خلصنا الصحون كلها
مشكوره على مرورج

alrashedq8
alrashedq8
والله المطعم من زمان ودي اروحله
اول مافتح مافي احد ما مدحه لي والحين اللي مدحوه يذمونه
بس مابي اروح لاني مابي اطلع من المطعم يوعان
مشكورة اختي ويعطيج العافية

Hambka Q8
Hambka Q8
شكله لذيذ
تعبانين على ديكوريشن الطبق لول..
انا اشوف اسعاره عاديه مثل باجي المطاعم ;)
مشكوره المرام
و عليكم بالعافيه ;)

المرام
المرام
alrashedq8
هلا بالغاليه
اي ... بس شاطرين بالشكل
انا شفت مطاعم كثيره ... بس نفس اسعاره ... ما شفت
و الكل يقوله مو بس انا
و لو كان يستاهل ... كان عادي ... لكنه ما يستاهل
مشكوره على المرور الحلو

soud321
soud321
انا اشوف بالعكس الي طلبته وايد والاكل يشبع و الاسعار متقاربه و بالنسبه حقي زينه اشوف
و بخصوص الصور اسف ما صورت بس انشالله المرة الجايه


خصم يصل إلى 25%