omsham
07-09-2022 - 04:42 am
االسلام عليكم أعضاء وعضوات ومشرفين هل البوابة الرائعة
بمناسبة نزلتي على الشام يوم الجمعة يعني بعد بكرة
جبتلكم قاموس :icon_studلمعظم الكلمات الشامية
بتمنى يعجبكم .......... دعواتكم إلي بإجازة حلوة
اموس شامي - عربي
دَشْرو : يعني حل عنّو .. تركو
ماني غضران : يعني لست بقادر وهي( بالميداني)
يوه تشكلو آسي : يوه مفرده يأتي شرحها لاحقاَ
تشكلو آسي بعيد( الشر) تعبير يفيد شدة حب المتكلم للمتكلم عنه . .
الواه الواه : تعبير نسائي بحت يفيد التمسخر على شيء ما
معبّا ب بنطرون : يعني واحد أجدب وجاية يحكي
ولا : آداة تستخدم في النهر والشتم
وخنان : مسبة مانها ظريفة بس وضعت للضرورة اللغوية
دشّرني : أي حل عني . . . وحل عني يعني اتركني بحالي
طلاع من راسي : كمان يعني حل عنّي
سد بوزك : يعني سكوت
سد نيعك : شرحو
أيدي بزنّارك : تعبير يستخدم للتعبير عن الرجاء
دخيل الله : أيضاَ تعبير والمقصود به هو الاستغاثة بالله
شَعرو متل الشوشة : أي أن شعره منفوش ومنكوش
متل فرشاية المدفع : يعني شعراتو خشنين ومنكوشين
وضرّاب السخن : وهي مسبّة. . وتعني . . . . ما بعرف بالضبط شو .. بس
مسبّة
يوه الواه الواه : مفردة شهيرة جدأ عند النساء وتفيد الأوّية ( نوع من أنواع المسخره بين النساء
كوكِش : يعني يفتش
بحبِِش : أيضاً مفردة تعني البحث مع التمحيص
ينمحئ : ويعني ينضرب على قامتو . . يسطفل
يبعتلو حمّى : أي تصيبه حمى ونخلوص منّو
يبعتلو أتلو : يعني يموت
يروح دعس : كمان يعني يموت بس دعس
)دعس . فعس. معس(
متل مكّوك الحايك : يعني بحوص كتير
يفش نيعك : هي مسبّه
برِى عليك : يعني برافو أحسنت
شو مشان : يعني شو
تؤبرني : دليل محبّه
تشكل آسي : كمان محبّه
تؤبر عضامي : نفس المعنى بغير ريحه
تمشي على رمشي : شرحو
تطلع على أبري : كذلك
زواز : يعني زواج
سجره (بالسّين ): يعني شجره
أوضه : يعني غرفه
يتحورء : متل يبعتلو حمى
يتئوّص : بنفس المعنى
يتأمّع : كمان هيك شي
عود يئعد رزّك : يعني خيلتنا حاجة تحوص
والمعنى الأدق: يقعد رزك يعني تموت والناس ياكلو رز. . لأنو من
المعروف
عندما يموت حدى بتصير عزيمة وبيطعمو الناس أوزي على روح الميت والأوزي
أكلة معروفة بالشام
وين غاطط : وين مو مبين
مافي أرنة: يعني لا يوجد مكان
مطرح مالو آعد : يعني بالمكان يلي يجلس فيه
والسبع تنعام : يعني إلنا الشرف
وأش كان : وتعني .. وأذا كان .. طز
ششمه : يعني تواليت
خالص : يعني منتهي أمرو ... حرام عيشتو
حمل ضرب طْرِيئو : يعني يحمل حالو وراح
الداكونه : الغرفه يلي تحت الدرج
نمليّه : مكان بالمطبخ بيحطو فيه اغراض
صحن مئوبع : يعني صحن منتلي لآخرو
حيط بياخذو وحيط بيجيو : تقال للي بيسكر من كتر الترنّح
مابيعرف الخمسة من الطمسه : عن الرجل اللي ماعندو ثقافة
سرّي مرّي : عاللي بيخفق برات البيت
شندي بندي : للي بيحكي بلا طعمه شروي غروي
فايت بالحيط – طاقق الفيوز : للدلالة على انو ماعم يلاقي كلمة مناسبة
مجنّط : مفلس ولا قرش
كِحته : إيدو ماسكه . بخيل
شاطط ماطط : يعني مدلع زيادة
نعيان : يعني قلبو بارد
نايط = نعيان = بارد
شاضومه : بنت مجلوئة . . يعني كيف بدي إلكن . . . قليلة أدب ومصبْينه
شحّاطة : مايلبسه المرء في قدمه عندما يكون في المنزل
صرمايه : يعني حذاء
ديوانيّه : يعني صوفايه
صوفايه : يعني كنبايه
طائيّه : القبّعه التي توضع على الرأس
تعسيله : نومة بعض الظهر
تغدّى وتمدّى : يعني قيلوله بعد الغداء
مسرسبة : يعني بتحب النظافة كتير
مسمّاويه : يعني حقودة وأويّه
كركمّه : يعني ختياره مصوفنه
أسسييع أوعى الزيت : بمعنى أفسح طريق
زكرت : يعني أبضاي
أغّيى : هي للأبضايات وبس
خروء : يعني ضعيف كتير ما بيلئى كف
تاكلو الدوده العميا : يعني الواحد يموت وياكله الدود بعيد الشر
يبعتلو أتلو شو سمج : كمان يعني يموت وسمج يعني غليظ .
موَسوس : مهووس بشغله
محبّك : يعني زكي كتير
ضراع : يعني ذراع
المحروسه : كلمه تسبق اسم أحد في حال السؤال عنه مثلا : (كيفا المحروسه بنتك (
وهي تذكر على النساء فقط
عئلو جوزتين بخرج : يعني عقله صغير
متل الأطرش بالزفّة : يعني مالو علاقة بالموضوع
حاجه تحوص وتلوص : يعني حاجة تفتل وتدور
شويّة لخار : بعد شوي .. وقت آخر
بنت عمّي : يعني مرتو وطبعاً بالعكس
ابن عمي :يعني جوزها
مع ملاحظة أن حرف القاف يقرء همزه وليس قاف
مثلاً : (ينمحق = بنمحئ(
وهذه كلمات متداولة فقط عند أهل الشام الأصليين
مع تحيات
أختكم أم شام
وأي سؤال أنا حاضرة لو قدرت أشرح أكتر من هيك
ولكني شخصياً أفضل استخدام اللغة العربية في المنتدى، فهي الجامع، في حين أن العامية هي المفرّق.
أجد صعوبة بالغة في قراءة مواضيع إحدى الأخوات في بوابة سوريا عندما تكتب بالعامية الشامية، أو بعض الأخوة عندما يكتبون كل بلهجة بلده، وبتُّ مؤخراً أتحاشى قراءة بعض مواضيعهم لعجزي عن فك رموز تلك اللهجة.
لا بأس من الحديث بها، لكن الكتابة بها خروج عن المألوف، فما أعرفه أن اللهجات تحكى ولا تكتب.
لا بأس بقليل (والقليل جداً) من العامية في طيات الموضوع للتطرق لفكرة معينة أو مثل شعبي، فلو كتب كل واحد بلهجته، فسوف نحتاج لمنتدى آخر لترجمة اللهجات العامية.
أما قولك: ضراع : يعني ذراع، فلستُ أجد في ذلك أي عامية، بل هو تشويه لوجه اللغة الجميل، وتحريف لها، باستبدال حرف الذال بالضاد.!
والأهم من ذلك أن العامية في كثير من الأحيان تضع مستخدمها في مواقف محرجة لا يحسد عليها، فبعض الكلمات والتعابير العامية في بلده، هي بمثابة شتائم وسُباب في لهجة بلد شخص آخر.
كذلك أرى أن استخدام العامية في الكتابة، فيه نوع من التهرب من قواعد اللغة العربية وجماليتها، وخلط للمفاهيم، وهو أسلوب يتبعه الكثير ممن لا يجيدون الكتابة باللغة العربية فنراهم يستخدمون العامية للتغطية على جهلهم باللغة العربية ! وإلا فما الفارق بين المثقف المتعلم والجاهل المتعالم!؟ أم أن كل من جلس على لوحة مفاتيحه وأشبعها طرقاً بأصابعه بات متعلماً؟
ولا يجب أن تكون الغلبة للعامية على حساب الفصحى فنكتب، بئدر، بأدر (أقدر)، والحئيئة (الحقيقة). أما المرأة، المراءة، المرئة، فلستُ أدري ما تعني، هل تعني (مرق الطعام) أم المرأة؟
شكراً لموضوعك
ودمتِ بخير