السلام عليكم ورحمة الله وبركاته
اسعد الله اوقاتكم بكل خير
احب اقدم لكم تقريرنا عن رحلتنا انا والشباب الى جزيرة بالما دي مايوركا الاسبانية
بمجرد ان نسمع كلمة جزيرة
يتبادر الى ذهننا
؟؟؟؟
ايش يتبادر الى ذهنكم
ايش يتبادر ؟؟؟ حلوة يتبادر صح...
يتبادر الى ذهننا انه صغيرة والتنقل بالاقدام
ولكن مايوركا غير
مايوركا كبيرة جدا
بدون مبالغة نقدر نقول مثل
مدينة الرياض ولكن مترامية الاطراف
يعني متفرقة
السيارة ضرورية للتنقل ...
تقريري بالقسيط الممل لذلك نرجو فك احزمة الامان حتى تاخذوا راحتكم
ولكن لأجل سلامتكم اربطوها ولا اقل لكم بلا سلامتكم بلا هم
فكوها
يوم الثلاثاء 24 6
كنا مروحين انا والشباب من معهد اللغة الالمانية
ونفكر ايش بنعمل باجازة نهاية المستوى باللغة الالمانية
مدة الاجازة 5 ايام من الخميس الى الاثنين
قلنا نبي نروح لمكتب سفر نشوف ايش فيه عروض
طلعنا عالمطار ونشوف الاسعار والله الاسعار ماهي هينة
لأننا متأخرين جدا ونبي نسافر بكرة
قلنا لهم ايش فيه عندكم لايطاليا واسبانيا
ورونا العروض الي عندهم
وبعدها رحنا احنا لثلاثة على جنب وجلسنا
ندرس العروض ونتفاوض او بالاحرى نتهاوش
اخر شي قررنا نرجع للمكتب ونشوف العروض مرة ثانية وهناك (يحلها الله)
قررنا نروح لاسبانيا
قلنا بنروح لمقا
ماعجبتنا الفنادق الي بملقا
نجمتين واسعار غاليه نسبيا
قالوا فيه مايوركا حلوه وفنادق ممتازة
قلت للموظفة توكلي على الله احجزي لنا على مايوركا
قال واحد من الشباب وينها مايوركا قلت له جنب ملقا مسوي فاهم
وتورينا موقعها عالخريطة
طلعت جزيرة لحالها ههه
قلنا خلاص احجزوا لنا عليها
وحجزنا فندق بعد
خط سير الرحلة
بريمن هامبورج ذهاب وعوده بالقطر السريع ice
هامبورج - مايوركا -هامبورج
على متن طيران tui
يوم الاربعاء انهينا دوامنا
وكان الوعد الساعة 8 في البان هوف حتى نروح عند احد اصدقائنا الالمان
نتابع مباراة تركيا والمانيا
جينا عنده ولون لنا وجيهنا بالعلم الالماني
مع نص الشوط الثاني رحنا للبان هوف
الي هو محطة القطارات الرئيسية
وطلعنا الساعه 11.47 يوم 25 6
وصلنا بعد قرابة ال45 دقيقة الى هامبورج
الساعه الحين 12.30 ليلا والباص الي يروح للمطار الساعه
وحدة وخمس دقايق
استنينا نص ساعه وخشني البرد في النص ساعه هاذي لأني كنت لابس خفيف:112:
جاء الباص و25 دقيقة الى المطار
ووصلنا المطار لقينا صالة المغادرون مغلقة:112:
ماتفتح الا 3 ونص وحركة الملاحة متوقفة
كانت التذاكر مع واحد من الشباب
قلنا له طلعها خلينا نشوف
على اساس ان رحلتنا الساعه 6
نطالع الا الحجز الساعه 11و55 دقيقة ظهرا:112:
الموظفة قالت لنا رحلتكم الساعه 6 وتلحقون النهار من اوله
بس ما فيه احد مننا ناظر الورقة
الله يستر من اولها الطلعه كذا
استنينا لين ما فتح المطار
رحنا لهم قالولنا وش بنسوي لكم يعني
انتظروا للساعه 12 الظهر واطلعوا على رحلتكم المحددة
كانت حركة الملاحة نشيطة جدا جدا بمطار هامبورج
الساعه 6 الصباح كان فيه 3 رحلات لمايوركا
وكانت الشاشة الي تعرض الرحلات فيها 7 رحلات الى بالما
هذي بس الي من الساعه 6 للساعه 10الصباح
الالمان يعشقو مايوركا وعشان كذا يسمونها الولاية ال17 الالمانية
واحنا كنا رايحين نتعلم الماني هناك
كنا مرهقين جدا بمطار هامبورج
لنا 24 ساعه ما نمنا
وكل واحد يستلم له 4 كراسي وينام:thumbdown
نمنا من الساعه 5 الى 10بس والله يا هي نومة حلوة
صحينا وقصينا البوردنق
كان موجود مكاتب لاغلبية الخطوط الايرانية والاماراتية بس السعودية ماهي موجودة
لحظة لحظة
طالعوا فوق
ايه ارف المؤشر ايش تنتظر
تعال وين رحت
صدقت نفسك بترفع مؤشر الاسهم
مؤشر الفارة
ايه رفعته
تمام
ناظر فوق
انقر على الكيبورد العربي
انا من اليوم كاتب لك التقرير عن طريقه
وكتفي ورقبتي تكسرت
تصبحون على خير والى اللقاء في الحلقة القادمة