الخبر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
rashed2002
28-05-2022 - 02:14 am
اول شي شخباركم شمسوين طيبين انشالله , بغيت اسألكم ما عليكم امر عن اسعار الخيام في السعودية , نبي نشتري خيمة من الخبر او الدمام و نييبها البحرين بس نبي نعرف الخيمة يعني الشتوية كم سعرها ؟ سواء ام عمود او ام عمودين ؟! ووين افضل الاماكن لشراء الخيام من الخبر او الدمام ؟ و هل اذا اخذنا اكثر من خيمة يراعونه بالسعر ؟ و هل كل ما اقترب الموسم تزيد اسعارهم ؟!
و قواكم الله و مشكورين .


التعليقات (6)
FAHAD_2005
FAHAD_2005
هلا اخوي راشد
افضل الخيام هي خيام من نوع الصباحية وهذي موجوده فى الكويت فقط
وبالنسبة لنا فى السعودية عندنا مصنع القاضي ويعتبر من اجود انواع االخيام خيام القاضي الموجودة
ومن بعده تاتي الخيام الباكستانية وهي متوفرة فى كثير من محلات الخيام فى منطقه الخبر ( شارع مكة) ومنطقة الدمام
بالنسبة لاسعارها تختلف على حسب الحجم
مصنع القاضي يقع فى مدينة الدمام على ما اعتقد
وبالنسبة للخيام الباكستانية هي متوسطة الجودة يعني مو مره لكنها تفي بالغرض
اتمنى اني افدتك اخوي راشد

rashed2002
rashed2002
تسلم اخوي فارس يعطيك العافية و اذا فيه معلومات اكثر بعد عن سعر الخيمة ام عمودين و شالفرق بين خيام القاضي و الخيام الباكستانية .

FAHAD_2005
FAHAD_2005
اهلا اخوي راشد
خيام القاضي تفرق بان نوعية القماش المستخدم من الداخل للخيمة ممتازة وكذالك نوعية الحجاب (الرواق) للخيمة والرأس يكون من طربال نوعيتة ممتازة يعني ممكن تعيش معاك لمدة سنوات.
اما بالنسبة للخيام الباكستانية فهي نوعين النوع الاول خيام باكستانية من طبقة واحدة وهي رخصيه مرة والنوع الثاني خيام باكستانية من طبقتين من ناحية الطربال المتسخدم للخيمة وهي افضل من الطبقة الاولى والمستخدم الشائع بين الناس.
لكن بالنسبة للافضل واللى بيكون لمدة استخدامة سنوات مع المحافظه فهو خيام القاضي
بالنسبة للاسعار تختلف بحسب المساحات مثلا لقاضي تقريبا 5*6 اتوقع انها من 2500 الى 2800 عمودين
بينما الخيام الباكستانية بنفس المقاس يمكن تحصلها بحدود 1600 او اقل
لكن على العموم بالنسبة للاسعار انا مو متاكد بالظبط لكنها تقريبية

نجم
نجم
حياك الله اخوي راشد
في الحقيقه ماعندي فكره عن اسعار الخيام
لكن هذا الرابط ممكن يفيدكhttp://www.gnas.8m.com/
او هذا
http://www.an.com.sa/alkadi3/Arabic/index.html

rashed2002
rashed2002
يعطيكم الف العافية اخواني فارس و نجم و تسلمون على المعلومات .

rashed2002
rashed2002
بس بغيت خيام ارخص اشوي انا يمكن اخذ اكثر من خيمة , هل يراعوني بالسعر ؟
و مثلا ابي اعرف سعر خيمة جيدة للشتاء و لو كانت عمود واحد . يعني هل توجد خيام بسعر 50 دينار مثلا او اقل اشوي و لو كانت عمود واحد بس تكون مناسبة للشتاء ؟!


خصم يصل إلى 25%