miss.vip.85
السلام عليكم يا اختي miss.vip
بعد ماتريحون بانكوك ليلة
اطلعي طيران داخلي الي شنغ ماي اقعدي فيها 4 ليالي
وبعدها الي جزيرة بوكت 5 ليالي وبعدها ارجعي الي بانكوك بتاريخ 9 او 10 / 5/2009 م
يعني جدولج كالتالي :-
4 ليالي شنغ ماي
5 ليالي جزيرة بوكت
5 ليالي بانكوك العاصمة
وانتهت المشكلة يا اختي واي شي نحن بالخدمة

bigbin609
تسلم يا خوي وعسااك على القوه
الحين المشكله الأولى إنحلت
بقه المشكله الثانيه
أبي أعرف إيش رايك في هالفنادق حق السكن
اول ليله في بانكوك
فندقAvanaأو
فندق Alexander
شانغ ماي
Empress
بوكيت
Club Andaman Beach
Raya Buri
بانكوك
Ambassador
Baioke Suite
واذ كانوا الفنادق مب اوكي شنو الفنادق الي تنصح فيهم؟
خصوصا في شانغ ماي يقولون وايد بعوض وحاله
ولين بحجز طيران داخلي؟ هل أحجز حق بانكوك شانغ ماي بوكيت يكون أرخص؟
وعلى أي طيران؟ وبخصوص السفر من بانكوك لشانغ ماي ،،الطيران بيكون في المطار الدولي او المطار الفرعي؟
تسلم وما تقصر

iهلا اختي
لاابدا مافيه مشكلة ولا شي ، انتي بس شوية تركيز معنا وكل شي بينتهي على ماتبين
شوفي الجدول حق اخوي عبدالله مناسب وخليكي عليه
اول ليله اذا كنتو توصولون في الصباح بدري فاممكن تروجون على طول لشنقماي
واذا ودكم تريجون ووصلتهم بدري فليه السكن عند المطار اسكنو داخل ترا المطار موبعيد مرة وعشان تستفيدون من هاليوم في بانكوك
فندق شنقماي ماعندي فكرة عنه
بوكيت كلوب اندمان افضل اكيد لانه منتجع كبير
بانكوك في الاخير امبساردارو و باي سكاي انسية
تروحي على طيران تاي من المطار الدولي ( موظف الحجز يعلمك المطار واضح ) شنقماي بوكيت بانكوك
ارخص طيران
ايراسيا وغيرها بس لازم تحجزي بدري من النت
وسوق الاحد يفتح السبت والاحد مو بس الاحد بس
بالنسبة للفنادق اللي انصح فيها حسب ميزانيتك اتوقع
امباساردارو بانكوك
جريس لاند بويكت او هوليد ان
شنقماي بلازا او امبريال بو ون
تحياتي
دولي

دولي 9
شكرا وما قصرت
بس عندي سؤال أخير
هل أقدر اني أججز تذكره طيران
من بانكوك لشانع ماي ومن شانغ ماي لبوكيت ومن بوكيت لبانكوك؟ مره وحده أو لازم أحجز كل مكان رحله بروحه؟

miss.vip.85
يا اختي لا تحجزين مره وحده كل التذاكر ، الواحد مو ضامن الظروف شنو يصير معاه بالمنطقة يمكن يطيح مريض او يصير فيه شي .
كل منطقه تروحين لها المكاتب السياحية شكثره هم يحجزون لج تذاكر طيران داخلي او انج اتحجزين عن طريق النت بكل منطقة تربالج تخطأين وتحجزين كل التذاكر مره وحده نصيحة اخويه هذي .

bigbin609
مشكور وعساك ع القوه
بس احس متلخبطه ،، يقولون كانشانابور حلوه وشانغ ماي بعد حلوه
في حالة قررنا إن إحنا نروح كانشانابور وما نروح شانغ ماي ، شلون بيكون البرنامج؟
هل إني احجز بروحي لكانشانابور ولا فيه مكاتب حق الحجز إهناك
وكم المسافه من بانكوك لها؟ واش قد تآخذ من الوقت؟
وشنو الأماكن الي تنصحوني أروحها
ادري فريت راسكم وياي بس إتحملوني شوي

miss.vip.85
السلام عليكم يا اختي العزيزة miss.vip
انا ما رحت هالمنطقة كانشانابور بس رحت شنغ ماي وقعدت فيها 3 ليالي حيل ممتازة وتصلح حق العوائل.
وخوش منطقة فيه رحلات ( ركوب الفيله - واعلي قمة في تايلند - حديقة الافاعي والقردة ) .
انا بالخدمة وبالشوفة واي شي تبينه معاج للنهاية لحد ماتسافرين وترجعين لنا بالسلامة .

miss.vip.85
انتي متلخبطة لانك ودك تروحي لكل منطقة على حساب الوقت والشي المهم انك تسمعين من اللي يقولون
عزيزتي كاشنبوري قرية وشنقماي مدينة كبيرة
دائما فيه شي مهم جدا وفيه اقل اهمية ،،، بما انها زيارتك الاولى خليك على شنقماي واقري عنها عشان تشوفي وش فيها بالضبط
كاشنبوري تبعد ساعتان ونصف بالسيارة تقريبا ،،، وتحجزي من هينا او مناك عادي
تحياتي
دولي

اهلين .... انا اخذت نصيحة واحد يوم رحت انا وزوجتي تايلاند ...
4 أيام في جزيرة بوكت ومنها طبعا كل يوم برحلة بحرية ..
و 6 أيام في بانكوك ومنها ما بقى سوق ما رحنا له وحديقة الحيوان حقهم لا تروحين لها لانها مقرفه الصراحه ومافيها شي ... فيه في بانكوك السوق المائي وفيها بعد حديقة الفيله في السوق المائي بس ما رحنا لها لانهم مشكله كان هدفنا السوق المائي لكن للأسف ما فهمونا صح وودونا سوق الحيووانات اللي ما عجبنا .
بالنسبة لبوكت سكنا في منتجع مدة اربع ايام ب 600 ريال سعودي فقط للأربع ايام وكان رايع شكله ... ومافي في بوكت غير مجمع واحد وصغير والباقي اسواق منتشره مثل سوق السويكت بالخبر عندنا ...
بالنسبة لبانكوك .. الأسواق كثيره ... ولا تنسين السوق الليلي مره حلو وفيه اشياء مقلده مثل الأصلي بدرجه عاليه وحلوه بس خلك شاطره كاسريهم يعني ساعه رولاكس تقليد اصلي عالي ... كان يبي يبيعها لي ب 6000 بات يعني تطلع 600 ريال سعودي وكاسرته لين شريته منه ب 100 ريال سعودي .وكمان الشنط حدث ولا حرج من التقليد واحانا تلاقين تقليد مو مرره اسأليهم عن التقليد بالدرجه العاليه يطلعونها من تحت الطاوله ..
الجزر الثانيه ما رحت لها الصراحه
وهذي بعض الصور

وشكرا