السلام عليكم ورحمه الله
اول شيء ببدأ فيه هالتقرير الشكر ثم الشكر ثم الشكر لهالمنتدى الاكثر من الرائع
ماراح اقول تسهلت سفرتنا بسببه بعد الله
لاا.. كذا تقليل ب حقه , ف لولا الله ثم هالمنتدى ما كان سافرت من الاساس
لان كل شيء كنت مستصعبته ومع القراءه يوم بعد يوم كل شيء سهل بعيني
كله الفضل لكم بعد الله .. استغنيت عن اي منتدى ثاني ولا فادني احد كثر اعضاءه
ف شكرا لا توفيكم حقكم . واخص بالشكر لاخوي فيصل اللي كان صبور علي وعلى غيري
ثاني شيء التقارير ما افهم فيها ولا حولها وهذا ثاني تقرير اكتبه
- الاول كان بالثانوي بدرس للتعبير*
ف بحاول اسرد تفاصيل التفاصيل واعذروني ان وجد خطأ ولا لخبطه ..
راح ابدأ مع الاشياء اللي سويناها من اول ما حجزنا لين رجعتنا ع حسب التسلسل الزمني لها :
بدايةة السفره جت كذا بدون اي نيه مسبقه لها , كنا اكيد نحلم ب اوروبا وب أجازه فيها
شفنا وقتها اسعار التذاكر وكذا من باب الفضول لا اكثر .. لقينا سعر اعجبنا وناسبنا اكيد
وسمينا بالله وحجزنا بدون تفكير خخ دفعنا طبعا وقتها وحاطين في بالنا ما نحجز شيء غير الطيران لين نطلع الفيزا
ونضمن خلاص اننا نروح .. هالكلام كله كان قبل تاريخ الرحله ب 8 شهور ولكم ان تتخيلوا وش ممكن يصير ب 8 شهور !!
تم التخطيط على 12 يوم , مع يوميّ الوصول والعوده
الميزانيه مبدائيا كانت 45 الف ريال سعودي مع التذاكر وكل ابو شيء
بس تقلصت تدريجيا مع الوقت ل 35 الف وشلنا من روسنا التسوق والهدايا المكلفه ض1
الطيران :نتكلم هنا عن الطيران بشكل مفصل
تم الحجز على الخطوط السعوديه .. من شفنا السعر ما فكرنا نقارن حتى ب طيران ثاني
الرياض - باريس ,, فرانكفورت - الرياض
من 16 - 27 مارس 2014 .
شخصين : SAR 4,374
طبعا الرحله كانت مباشره .
لقينا من الدمام *بما اننا من الشرقيه* بس توقف بالرياض ولا جده
ف اخترنا الطريق السهل بنظرنا وهي بدون ترانزيت وحجزنا من الرياض .
الحجز تم قبل الرحله ب 8 شهور تقريبا بدون استرداد المبلغ
ووكلنا امرنا لربنا وتهورنا
وكان الرحله ميسره الحمدلله بس زحمه الطائره وفلل الفل ونظامها بدرجه الضيافه
3 - 3 - 3
بس كانت هههدوء بما ان الرحله كانت 1 الا خمس دقايق الليل
من اقلعنا بساعه الكل ناام
وما اتوقع كان فيه غيري ض1
واعطونا وجبتين اول وحده باول ساعه
والثانيه باخر ساعه
وكانت الرحله بوقتها الحمدلله وهبطنا ونزلنا بالمطار ولا صار تعقيد عشان الحجاب وكذا
رحنا استلمنا الشنط وما يمدي نمشي خطوتين الا لقينا السواق اللي حاجزينه ينتظرنا ب لوحه فيها الاسم
اخذ عنا الشنط ووصلنا لمواقف خاصه *ما انكر انني بالبدايه خفت لان ما كان فيه غير سيارته هناك*
بس تعامل راقي منه وكان سايق فرنسي
واعطانا انطباع جميل جدا عن باريس
والجو وقتها كان برااد وجمميل جدا جدا جدا
هالموضوع هو اللي فادني بالتاكسي
وفيه شرح كامل : https://artravelers.com/p/re/893252 اختيار الدول :كنا حاطين في بالنا اذا رحنا لاوروبا ما نكتفي بدوله .. 3 ولا 4 دول
على حسب المده , مثل اغلب الناس الطبيعين ض1
ف تم الاختيار على باريس لاني من عشاقها وفرانكفورت لان ل زوجي زملاء هناك ويبي يزورهم .
ف احترنا وش نحشر بينهم .. وتُرك لي حرية الاختيار
بحثت دورت دخت صدعت وانا ما رسيت على شيء
كنت ادخل على قسم قسم بالمنتدى واشوف الاراء والبعد واشوف الطيران اذا فيه رحلات والقطارات من باريس
فكرت ب سويسرا بس مارس ثلوج وماراح نشوف الطبيعه اللي يتغنون فيها
والنمسا نفسها .. ايطاليا نوعا ما مُمله , روما = تاريخيه , ميلان = تسوق , فينسيا = رومنسيه
يعني مافيها الطبيعه اللي احبها ولا صخب المدن و فيسينا احبهاا جدا بس حسيت لها جوها الخاص .
- اذكر يوم رحنا نطلع الفيزا جنبي واحد يقول لزوجته شوفي هذي فينسيا اللي بنروح لها , حسيته يقهرني *
المهم مع البحث المستمر والمشاوره مع القائد ثبتنا على بلجيكا - بروكسل .
وجينا الحين لتوزيع المده .. كانت معنا 12 يوم *مع يوم الوصول والعوده*
وجب علينا نوزع المده من بدري عشان نشوف اي سفاره نطلع منها الفيزا
و توزعت الايام ك التالي :4 ايام = باريس , 3 ايام = بروكسل , 4 ايام = فراكفورت .
الفيزا :طلعناها من السفاره الفرنسيه قبل السفره بشهرين ونص وكتبت فيها موضوع وكيف طلعناها وكذا بس بغير هالمعرف
الموضوع :.
التنقل بين الدول :جينا للحيره الثانيه , قطار ولا طيران ؟
ومع الفرفره بالمواضيع شفنا المتعه بالقطار طبعا ولانها تجربه ما بنشوفها الا هناك
ف رسينا على قطار من باريس الى بروكسل , من بروكسل ل فرانكفورت مع توقف ف كولون الالمانيه .
تم الحجز عن طريق الموقع اونلاين : http://www.raileurope-gcc.com/
قريت انه يطلع لي كود وعادي لو اقصها التذاكر هناك ومدري ايش
بس طلع لي ان الكود ما يطلع الا بعد الحجز والدفع وقالوا انهم بيرسلون التذاكر وفيها الاكواد
وفعلا ارسلوها اسبوع يمكن او اثنين وهي عندنا .
السعر كان لشخصين درجه اولى : 2377
- باريس - بروكسيل , بروكسيل - فرانكفورت (بينهم محطه توقف لساعه الاربع في كولون)*
وبما اننا باقي ما رجعنا وقررت انزل التقرير هالوقت عشان الاجازه
ماجربت الا الرحله من باريس ل بروكسل
مره ماحسينا فيها والكراسي مريحه وجابوا لنا فطور والواي فاي مجاني
وتعاملهم كان راقي ومحترم
واعطانا من كل الانواع الموجوده بالعربه اللي يمشي فيها بالرغم اننا قلنا له ما نبي غير بلاك كوفي
قال مو مشكله ان اكلتوها اكلتوها
- فيه صور كثير كثير بس الدنيا تلخبطت عندي ولازم اصغرهاا وارجع انقلها من الايفون للاب
صغرت كثير بس مدري وين طارت علي ما لقيت الا هالصورتين
بس بكره ان شاء الله ننزل الصور واليوم بكتب حق اول ليلتين *
..
.
الفندق :
نجي لاصعب نقطه كانت بالنسبه لي ..
كنا ندور ع فندق قريب من الشانز وسعر حلو
لقينا كثير بس مستوى ماش ..حجزنا قريب من ايفل واقرب محطه مترو تبعد 50 متر
اسمه Alizé Grenelle Tour Eiffel
السعر : SAR 2,977
رابطه في Booking :
https://www.booking.com/hotel/fr/alize-grenelle-tour-eiffel.ar.html?aid=1300939
حجزنا والدفع لاحقا وماكان فيه فطور .
اللي حصل انهم سحبوا من الفيزا قيمه اليوم الاول بعد الحجز بيوم
وماكان مذكور هالشيء ,, اتصلناع بوكنج نسال : وش السالفه ؟
وبوكنج ما قصروا دقوا عالفندق وقالوا اذا انلغى الحجز ترجع لهم فلوسهم
وقلنا يلاا مو مشكله ,, وقبل السفره ب 10 ايام تقريبا ارسلوا رساله ايميل لتحديث بيانات الفيزا !!
ورجعنا لاخوينا ببوكنج عشان يتواصلوا مع الفندق ويسالون وقالوا لهم حدثوا البيانات وبيسحبون مره ثانيه قيمه او ليله
وبيرجعون اللي سحبوه اول !
طبعا كانت سالفه مدري وش تبي بالحياه بس يلا
وللحين ما ندري اذا رجعت الفلوس ولالا ههه
المهم كنظره عامه الفندق كان جيد مرتب نظيف المكان اللي هو فيه كان فيه حركه
وجنبنا معشوقي ستار بوكس وكمان ماك وكارفور و قريب جدا من المترو 50 متر تقريبا بس .
بس غرفه والفندق بكبره كان صغير بس توقعت هالشيء من اللي سمعته من الاعضاء عن صغر حجم الغرف
بعد ما حجزنا وبقى شهر على تاريخ السفر
طلع زوجي ماستر كارد زياده على بطاقة الفيزا احتياط
وقبل السفره باسبوع حولنا 5 الالف ريال ل اليورو
كانت معي نصها وهو النص الثاني ب المطار من باب الاحتياط ليس الا ..
ما كان فيه استئجار سياره ولاشيء .
..
الحين بنجي للزبده :
بدايه عانيت كثير وانا اقراء بمواضيع بعض الاعضاء
انه يذكر مثلا رحنا للمكان الفلاني ولا يذكر الطريقه للذهاب لهناك او الاسعار .
ولاني احب التفاصيل الممله واعتبرها اهم من المهم ف بيكون تقريري كله تفاصيل وصور
اول شيء سويته يوم ما بقى غير شهر على موعد الاقلاع
بحثت انا *بما ان تخطيط وتفاصيل الرحله علي *
عن الاماكن المهمه والحلوه واللي تثير اهتمامي واهتمام زوجي في باريس وماحولها
طلعت باشياء كثير طبعا بس استقريت على الاتي :
اول يومين : الباص السياحي الاصفر + جوله نهريه
اليوم الثالث : قصر فرساي + هضبه المونمارت
اليوم الرابع : خليته للشانز + وداعيه لبرج ايفل ووقت الغروب والحي الاتيني .
هذا كان الترتيب المبدئي وكل شيء كان متوقف على حاله الطقس , وتم الاختيار على الباص الاصفر
عشان يغطي كل الاماكن في باريس ( اكثر من 50 معلم )
ويفيدينا بما اننا ما راح نطول فيها ,
ساعدني بالاختيار هالموضوع لاخوي فهد :
https://artravelers.com/p/re/881116
خططنا يكون اول يوم للاستكشاف بدون النزول والصعود من الباص + الجوله النهريه .
وثاني يوم ننزل للاماكن اللي حبينا استكشافها ب اليوم الاول .
وثالث يوم كان مُخطط لقصر فرساي والهضبه ,
هنا عانيت كيف اروح وكيف اوصل وكيف وكيف وكيف
ف رحت للعم قوقل طلعت مكان القصر بالضبط
ورحت لقوقل ماب وحطيت اسم الحي اللي فيه فندقنا واسم المكان اللي فيه القصر
وطلع لي كل شيء بمحطات القطار والتوقف .
طبعا هذا كله وانا بالبيت قاعده وما بعد رحت ض1
وبعدها على نفس الطريقه من فرساي ل الهضبه .
https://artravelers.com/p/re/368892
وطبعا هالموضوع والبرنامج اللي فيه هو الراعي الرسمي لرحلة باريس بالكامل
وله الفضل بعد الله في فهمي للمترو :
https://artravelers.com/p/re/590306
دخلت على موقع الباص الاصفر وهومكون من 4 مسارات يتقابلون ب كذا محطه
شفت الاربع مسارات والاماكن اللي يوقف عندها وسجلتها عندي
وكل مكان وش قريب منه عشان اشوف اذا يهمني اني انزل ولا اكتفي بالعبور دون النزول .
طبعا هذا كله لاختصار الوقت ..
مثلا الاوبرا غارنييه كان جنبها الغاليري لافييت وصالات السينما واسواق وقربهم مصنع العطور ومتجر آبل
وهكذا ...
بس ما صار الوضع زي ماخططت
اليوم الاول راح كله مشي ولا اخذنا لا مترو ولا باص
وصلنا للفندق الساعه 7ونص وقالوا الغرفه غير متوفره
نزلوا اغراضكم وارجعوا 12 !!
المهم احنا وقتها متحمسين اصلا ويلا على برج ايفل اللي كان يبعد مسافه اقل من ربع ساعه
ومن الحماس دعسنا الشانزليه بس جيناه من المسله المصريه
وتمشينا بالشارع كامل ووقفنا نريح شوي ب ستار بوكس واخذنا كوبين لاتيه ب 9 يورو
ورجعنا للفندق خلاص منتهيه رجولنا من المشي
بس مستمتعين !
دخلنا للفندق غسلنا ريحنا ظهورنا شوي ورجعنا نكمل الجوله ههه
طلعنا على ماك اللي بالشانز *مشي كمان* تغديناا ب 11 يورو تقريبا
ودخلنا على السينما نشوف وش سالفتها وبنفس الوقت نبي نقعد شوي ههه
دخلنا لفيلم ب 7.50 يورو مع فشار ومويا ب 9.50 يورو
طفشنا لان الفيلم كان يتكلم عن الالمان ودخولهم الالمان ومشاكلهم مع فرنسا
مع ان الفيلم ابطاله امريكان عشان كذا تحمسنا شوي ندخله
المهم طلعنا ورجعنا ل كارفور واخذنا توست ونوتيلا ومويا ب 4.50
وخرابيط بطريقنا واحنا راجعين للفندق اخذناه من شباب يبيعون ميداليات وهالاشياء ب 15 يورو
رجعنا ونمنا ومن 7 الصبح صحينا ورحنا لبرج ايفل ووقفنا قدامه عند محطه توقف الباص السياحي *الاصفر*
واخذنا تذاكر ب 62 يورو لشخصين , كان الجو بارد شوي ف مرات نقعد تحت ومرات فوق
دار فينا المسار الاخضر كامل
نزلنا ب Notre- Dame ع اساس نبدل عشان نروح الحي الاتيني
ما درينا والا واحنا فيه من المشي ههه
ما كان بعيد اصلا وما عرفته الا من المطاعم العربيه وشوارعه اللي اشوفها بالصور
ومحطه القطار المشهور في اسمها
تمشينا فيهاا وشرينا معنا من محل عطورات اعجبتنا كثير مع خرابيط من عنده كمان ب 39 يورو
ورحنا شفنا لنا مطعم شاورما لذيذ ب13 يورو *2شاورما 1 كولا*
ورجعنا بعدها مع الباص السياحي المسار الاخضر لمنطقه الاوبرا
كثير اعجبتني والغاليري لافيت فخم عجيب
تمشينا فيه وكثير اشياء حلوه بس مسكت نفسي غصب عنها خ
طلعنا منه لمصنع العطور , مو كثير اعجبني صراحه
وطلعنا منه للباص الاخضر وكملنا معه الجوله كامله ونزلنا باول محطه له ننتظر الباص المسار الاصفر عشان هضبة المونمارت
جاء ووقف الباص عند المونمارت بس ما درينا من اي طريق نروح
قعدنا نسال ودلونا عليهاا
طلعنا من السلالم الشهيره
كان المكان جميل ما ينوصف من روعته
اجواء رايقه رومنسيه جذابه ساحره وكل اللي تبي
والجو وقتها اصلا كان نسمه هوااء بارده
لقينا رسامين وجلس واحد يرسم زوجي
وانا اتفرج
وجاء غيره وقال الا يرسمني وانا مابي ي رجال فكني من شرك
قال اوهه خجوله انا احب ارسم الخجولين وبدأ يرسم الاخ
وجلس يسولف الاخ ويتكلم عن نسبهم تقول بيتزوج عندنا
وان امه ايطاليه وهو برازيلي وان اشكالنا اسبان ههه
وجلس يمدح ب ماركه قوتشي وانه تعجبه عشانها ايطاليه
الزبده قال انه ياخذ ع الرسمه 40 يورو مع ان خويه الثاني قال بياخذ 20 يورو
المهم مع الحلفان اعطيناهم الاثنين 50 وتقاسموها ي الطيبين
يلا سلام
ومشينا عاد نكمل جولتنا واحنا خاقين على الرسامات
جاء وقتها واحنا خلاص مكسررين ورجعنا من المترو لاول مره وكان هذاك اليوم المترو مجانا
وقفنا عند محطه بير حكيم ومرينا صب واي
و تعشينا ب 13 يورو
وكملنا للفندق مشي عشان نرتاح ونستعد ليوم ثالث باريسي .