1. السلام عليكم


2. ============


3. التول


4. =========================

السلام عليكم

مثل ما انتم عارفين السيارات هناك نظام بريطاني القياده عكسنا بس فيه نقاط يجب اخذها بالاعتبار
و تجربة القياده في ماليزيا كانت من افضل و اروع تجاربي لانك ترتاح اولا من التكاسي ثانيا من حراره الشمس تروح اي مشوار ماتدري عن الحر ثالثا تحط اغاراضك بالسياره و يخف عليك حمل الاغراض خصوصا اذا معك اطفال وتستكشف اي مكان يخطر ببالك
اول تجربه للقياده لي كانت في حاره سكنيه مافيها احد بس كانت الرهبه مثل شعوري اول ماسقت بطريق الملك فهد (: ولاتنسا تسمي بالله و تتوكل علي الله
بس فيه قاعده قالها لي اخوي عايش في استراليا الي هي اول ماتسوق عكس دايمن فكر ان السياره الي مقابلتك بالسيد الثاني لازم تكون علي يدك اليمين لازم هذي القاعده اذا مشيت عليها خلاص بتسوق
مثلا انت وصلت نهايه شارع و هو سيدين رايح جاي و بتلف اول ماتوصل نهايه الشارع تذكر ان السياره الي مقابلتك لازم تكون علي يدك اليمين فيسهل عليك الموضوع جدا
====================
بس والله العظيم اني ما اخذتلي لفتين بالحاره الا اخذت علي السياره يوم بعدها اصبحت افضل من الماليزيين بس هناك بعض الملاحظات
الرخصه الدوليه من المكاتب الي جنب النقل الجماعي بالبطحا ارخص شي ب 100 سنه
سمعت عن اخوان استاجرو بالرخصه السعوديه عادي بس ماني اكيد
البانزين اغلا من عندنا مثلا الكورولا ممكن توصل فل ل 120 رنقت و يمشيك اسبوع الي 5 ايام اذا مشاويرك واجد
محطات البانزين نظامها غيرنا توقف السياره عند المضخه ثم تروح تدفع الفلوس وتبلغه رقم مضختك كم اول و بعدين تجي لنفس مضختك تلاقي اضيف اللترات لها ثم تعبي بنفسك الموضوع جدا سهل

============

اول شي استغربته هناك سواقين الدبابات احنا هنا بالسعوديه متعودين نتجاوز اي احد و مانشوف الا السيارات بس في ماليزيا المعادله كلها تختلف الدبابات مسويين ازمه يعني اخذ حذرك اذا حبيت تغير مسارك او تتجاوز احد لازم تنتبه لسواقين الدبابات الي جايين من ورا لانه ممكن يصدمك من ورا لانهم يمشون بسرعه هائله دايمن و بين السيارات
=================
مواقف السيارات انسا شي اسمه موقف مجاني خصوصا في كولالمبور و بالتحديد وسط البلد
المواقف كلها بفلوس تختلف من مكان لمكان بعض الاسواق الساعه ب 4 رنقت بعض الشوارع الموقف ياصل 10 رنقت
طبعا هناك عندهم مافيا هنود ماسكين المواقف حتا الشوارع تجي توقف بشارع مافيه احد يجيك الهندي يقولك ادفع او اطلع و اذا مادفعت يدمر عليك السياره يا يمخشها او يعمل فيها شي طبعا هذا نظامهم حتا مع الماليزيين فهم عباره عن مافيا للمواقف
المواقف اول ماتدخل موقف تاخذ كرت او قرش زي الهلل بلاستيك و بعد ماتخلص شغلك و بتطلع للسياره تلاقي مكينه زي الصرافه او موظفين تعطيهم الكرت و يقولك كم المبلغ او المكينه تدخل الكرت و وتكتبلك المبلغ و تسدد وهي ترجعلك الباقي انتبه يضيع الكرت او القرش حق المواقف لو يضيع حوسه مره و غرامه و تسجيل بيانات السياره ممكن غرامه تصل الي 50 رنقت
انتبه توقف بالمواقف الي ماهي للزوار لو توقف باي مواقف غير مواقف الزوار بتكلبش السياره و ماراح تفك الكلبش الا بغرامه 50 او 100 حسب المكان الي انت فيه
كل مواقف السيارات مراقبه بكمرات فانتبه تقول محد شايفني و توقف بمكان غير مخصص للزوار تاكل هوا
مواقف الفنادق مادري عنها وش نظامها اعذروني
===================

التول

الي هي رسوم الطرق هناك خل معك دايم قروش اذا اقبلت علي التول و اخذ المسار السيار اسهلك اليمين للي معهم بطاقات اشتراكات بس اخذ اليسار دايمن و ريح راسك لاتتعب نفسك بالتفكير من مجرد توصل الموظفه بتقولك هي شتبي ياتعطيك كرت و تمشي واذا وصلت التول الثاني تمد عليهم الكرت و تقولك كم الرسوم و تدفع هناك او تقولك هات رسوم طريق الي هي تختلف ممكن 1 رنقت و اذا برا كوالا ممكن تاصل الرسوم الي 25 رنقت والمطار كذلك اعتقد 20 رنقت اهم شي جهز نفسك دايمن بقروش قبل التول
الي حاب ياخذ بطاقه تتش اند قو touch and go
تلاقيها بعد التول تايمن مكتب مبيعات لهم ولاتنسا تاخذ معك الجواز
يمكن استخدامها بالمترو و الباصات و المواقف و بعض السوبرماركتات اعتقد تقدر تشتري فيها
و تشحنها بمحطات المترو الصراحه البطاقه فظيعه
=======================
النفيقيشن او برنامج ملاحه للجوال و بتجربتي انا اخذت سايجيك كان روعه صح يحوسك ببعض الشوارع والحارات الصغيره وبعض الكباري بس بشكل عام حلو
ولاتنسا تاخذ معك الحامل حل القزازه الي يثبتلك الجوال نفس القارمن

=========================

اذا ذكرت شي ثاني بكتبه هنا بهالموضوع اعذروني علي التقصير او الي عنده استفسار يسئلني بستثناء من وين استاجرت السياره (: صديق ماليزي خاص هو الي اجرها لي يعني بالعربي ما اخذها من مكاتب تاجير ولا ادري عن مكاتب التاجير اي شي
تحياتي