بسم الله الرحمن الرحيم
السلام عليكم ورحمة الله وبركاته
حبيت اقدم لكم شي بسيط .. واتمنى انكم تستمتعون
2012/8/21 koh samui
بالبداية اقدم هذه الصورة

وبعدها أحلى تحية

ونقوم بالواجب ونضيفكم بأحلى عصير واحلى اناناس

اوبس خلصته عنكم ... معليش طولوا بالكم مع هالصور وتأملوا فيها ..

الطيران الدولي على طيران القطرية ( ترانزين بالدوحة ساعة وشوي )

طبعاً مشروبي المفضل

هذه هي طيارتنا من البحرين إلى الدوحة

وبالرحله مجرد عصير برتقال خفيف نظرياً لوقت الطيران وقصر المسافة

وهذه هي الدوحة

وهذا توقيت الطيران من الدوحة إلى بانكوك .. وسامحوني صورتها بالمقلوب
معليش قلبوا الشاشه او رأسكم لمدة كم ثانيه ههه

وطبعاً خلال الرحله الطويلة فتحت على قسم الأفلام وصار الاختيار على ممثلي المفضل عوكلوه ههه
خط
سير الرحلة

حان وقت العشاء مع الاجواء الخيالية

لكن نسيت اصور لكم الأكل من الجوع ههه
لكن صورت لكم الفطار لا تخافوون
جوفوا وتأملوا معاي هذه الصورة .. سبحان الله .. نص الطيارة كانوا عندهم الصبح .. والنص الاخر بالليل
ههه ... دعابه دعابه

وكانت الاجواء خارج الطيارة كالتالي ...

وهذا الفطور مع شاي الحليب يعدل المزاج

تخيل وانت تشرب الشاي تشوف هالمنظر

واخيراً وصلنا بالسلامة للاراضي التايلندية

بعد ماوصلت .. وختمت الجواز .. واخذت شنطتي توجهت لأخذ شريحة للهاتف وبعدها إلى الطابق الرابع
حيث قاعات الطيران الداخلي .. وخلصت البوردنغ بعد ماشريت بعض الاشياء من الصيدلية واهمها
الرش ضد قرصات الحشرات + لوشن ضد اشعة الشمس .. وهذه هي الطيارة ..
بانكوك اير

وهذه الصورة اول مانزلت من الطيارة في مطار كوه ساموي

شوفوا اجواء كوه ساموي

وهذا القطار السريع ههه .. يأخذك من الطائرة إلى مبنى الدخول .. شوفوا بساطة المطار كل شي بالهواء الطلق

وسكنت في فندق
Ark bar beach resot
موقعه ممتاز , يسارك البحر , ويمينك السوق ... وهوه على شواينغ بيتش أفضل شاطئ حيوي في الجزيرة
بس نصيحة لمن اراد السكن في هذا الفندق .. السكن في غرفة ديلوكس واعلى فقط .. لاتفكر بالسوبيور
ويمكن يعيبه شي واحد وهوه صوت الموسيقى الى الساعة 2 بعد منتصف الليل ..

طبعاً راح اخبركم عن الرحلات الي رحت لها والي قدرت اصورها .. والرحله الاولى كانت سفاري ..
كانت رحلة ممتعة يتخللها زيارة شاطئ لماي ورؤية شي انا ما صورته ههه
اسمه قراند فاذر & قراند ماذر
Grandfather & Grandmother Rocks
لكن اخذت صور للشاطئ

وبعدها رحنا لأماكن اثرية ومنحوتات غريبه وعجيبه وللأسف ما صورت لان كنت اشحن الكاميرا
وبعدها اخذونا للشلالات ودخلت الشلال والماي ثلج

وبعدها كانت في زيارة ركوب الخيل ومن ضمن الرحلة غداء بوفيه بس بما اني ما اكل الاكلات التايندية
ف كنت مجرد متابع ههه
هذا الشخص كل ما اصور شي .. يصور معاي ههه عاد هالمره قنصته من بعيد

وهذا السايق .. ماقصر دار فيني بالحديقة والمرتفعات ورحنا شرينا موز واطعمنا الفيل ..

واخر هذا الجزء اهديكم هذا المقاتل الشرس .. ههه