سلام عليكم ورحمة الله وبركاته
المدينة بدون مقدمات جميلة من ناحية الجو بارد ومزاجي وسكانها مايحتاج مرا طيبين ومحترمين
طبعا الرحلة كانت عن طريق باصات ركبنا من مدينة انجيليس سيتي محطة اسمها مابلاكات
الشخص الواحد مايقارب 200 ريال سعودي
طول الطريق ماراح تطفش من الخضار والمزارع والجبال روعة
نبدأ مع الصور
صورة الباص اللي سافرنا فيه وقفنا بريك لدخول الحمام ونشتري كوفي
وهاذي صور متفرقة من جبال واشجار مدينة باقيو الخضراء
بعد كذا حسينا بالجوع ورحنا على اشهر مطعم عندهم طبعا
المطعم شعبي ومشهور وكنت مصر اني اروح ازوره والناس طبعا متفاجأه انه كيف دخلنا هنا ههه
اسيبكم مع الصور
صور متفرقة من المدينة بسبب عملية تهضيم الاكل
بعد كذا قررنا نروح منتزه اسمه Mines View Park
تقدر تشوف مدينة باقيو كلها من فوق وتاخذ احلى صور كمان
الان مع حديقة باقيو العامه وموقعها وسط المدينة
الحديقه حلوة ورايقه وجووها مرا لطيف
ماكنت متوقع انه في الحي الصيني في مدينة باقيو
لكن اتضح انه الصينين مكوشين على كل دولة في العالم ماشاءالله تحصلهم في كل مكان
وهاذي بعض الصور للحي الصيني
وبعد كذا اتجهنا الى الفندق او الشقة وريحنا وزبطنا الشنط
وقررنا السفر الى انجيليس سيتي ومن هناك على مانيلا
سامحونا ع التقصير
اخوكم محمد بن حريز
ملاحظة واجهت نفس المشكلة في الصور ممنوع احط اكثر من 60 صورة
وانا حبيت اوريكم كل معالم باقيو غيرها من المدن في المواضيع القادمه