في مواصفات الغرفة , يجي مكتوب تطل على البحر او على المدينة
اعطينا الرابط حق الغرفة اللي شفتها وانا اقرالك اياه

PowerG
الله يعطيك العافية
توي انتبه لها مشكور
الغرفة ألي كنت ابغاها طلعت غير مطله على البحر
فيه وحده أغلى منها بقليل
كاتبين مطلعة على البحر ( من زاوية )
أحد يعطينا رأيه في الفندق
لأني زي ماقلت لكم بأغير جو وأخاف اتكلف على الفاضي
وسؤال ثاني إذا ممكن
هل فيه شاليه أو فله بمسبح داخلي
بدون إزعاج وقلل وزحمة الشاليهات
وأهم حاجة تكون ساتر والواحد يأخذ راحته 100%

عليكم السلام ورحمة وبركاته ..
شوف يالطيب ..
جميع الغرف اللي مباشره على البحر هذي اجنحه ..
طبعا هالنظام بجميع الادوار ..
وفي غرف تاخذ اطلاله بسيطه على البحر تكون بالزوايا
وفي غرف ما تطل نهائيا
انا جربت الجناح بالروزوود
بصراحه قمة الفخامه
ولكن العيب الوحيد بالفندق مافي بلكونه
وباذن الله بحاول الصباح ادور على الميموري وحط لك الصور هنا لأني الان مستعجل جدا
.
واذا بتسأل عن فنادق ثانيه ..
ارشح لك فندق بارك حياه
كنت فيه قبل اربع ايام
تقريبا عندهم انواع للغرف
خلينا نتكلم عن المطله للبحر
U
تقريبا تصميم الادوار بهذا الشكل اللي فوق حرف اليو
اللي على راس الحرف من الجهتين هذي اجنجه
وبصراحه روعه
كان نفسي احجزها لكن كانت فل
وباقي الشكل كله مطل على البحر
يعني منها غرف تطل من الجنب
واللي بالعمق تطل مباشره
وبنزل لك صور لكن برضه بالصباح بحاول ان شاء الله
وانا افضل اللي بالجنب من جهة اليسار القريبه من الجناح لانها تطل على النافوره
اما العمق حلوه لكن مشكله لو طبيت بنخله طويله تغطيلك نص الاطلاله
طبعا الفندق ثلاث ادوار
بالنسبة للغرف المطله على البحر الدور الاول يوجد باب يطلعك على الحديقه
الدور الثاني والثالث اطلاله
لكن مشكلة الدور الاول تجيك حشرات اكثر
والنوع الثاني من الغرف تكون غير مطله على البحر
عندك فندق الهيلتون بصراحه الميزه الحلوه فيه بلكونه
ومن ناحيتي يعجبني هالفندق كثير
وكان لي تجارب عديده
قصر الشرق بس الان مدبلين الاسعار عشان الحج
بالنسبة للشاليهات بمسبح وخصوصية
عندك شاليهات النورس اللي بالبحر عند دوار النورس
جميله وهاديه ..
عندك شاليهات المرجان
جميله وراقيه
عندك شاليهات بيت البحر
عاديه جدا
عندك القمر مكارم
المسبح بحوش الفيلا لكن فيه خصوصيه
ان شاء الله تكون فهمت شي
لأني كتبت على بشكل سريع جدا ومستعجل
واذا في شي تبيني اوضحه
ابشر
الصباح نتكي سوا هنا

# أبو نورة #
الله يجزاك خير
ردك كافي ووافي
مشكور

اخيرا لقيتها
والله ذكريات جميله
واعذرني هذي الصور اللي لقيتها
والا اتذكر كنت مصور كل كبيره وصغيره
لكن مع كثر الميموريات ماادري وين راحوا








اللي ورى الباب الخشبي غرفة النوم
وغرفة النوم عالم آخر

وهذي صور البارك حياه
وفي عيب في التكييف
اذا فتحت الدريشه يفصل المكيف على طول

دورة المياه ما شاء الله كبيره بحجم غرفه
تقدر تخليها مكشوفه على الغرفه

وتقدر تقفلها

الاطلاله
ماعجبتني أبداً مع انه انا اللي اخترتها
منظهرها بالليل موحشه جدا
والسبب عدم اضاءة الحديقه حسب تعليمات ادارة الفندق
ولو اني اخذت اطلاله جانبية من جهة اليسار مقابل النافوره
كانت حتكون اخر حلاوه



لاحظ النافوره وين ..
ما تستمتع ابدا فيها الا اذا نزلت اللوبي ..
او تاخذ غرفه جانبيه مقابل للنافوره ..
او تاخذ سويت ..
ومنظر النافوره بالليل خورافي ..

صور للحديقه اللي تحت الغرفه

الله الله عليك يا بونوره كبير والله كبير
ايه القمال ده يا بونوره ايه ياراقل

أبو فيصل 2007
مَ تخلي يابيه
القمال قمالك ياباشا
انت استاد كبيرر ورئيس قسم ..
وبحب الناس الرايئهه

تسلم ابو نورة على الصور الحلوة الموضحة