يجد الكثير من المسافرين الى المملكة المتحده صعوبه في طريقة التنقل في قطاراتها
ومن الأسالة التي تثار في ذهن الكثيرين :
1- لم استخدم القطار في السابق
2- محطة القطار كبيره جدا
3- كيف اعرف قطاري
4- كيف اعرف اي بوابة ( بلات فورم )
5 - طريقة الحجز
6- كيف اعرف اني وصلت محطتي
7- ماذا يوجد من خدمات في القطار
و الكثير من الأساله
وسأحاول جاهدا في هذا التقرير وضع تقرير مصور
ادعو من الله ان يساعد الراغبين في استخدام وسيلة التنقل المريحه في بريطانيا
قطارات بريطانيا :
هناك عدت قطارات ومنها من يخدم الشمال ومنها الجنوب والشرق والغرب
وهناك اكثر من قطار يخدم نفس الجهه ..
ق ف /
بعض الأسالة :
كيف اعرف اي شركة راح اختار ؟
وكيف راح اعرف انها ارخص او لا ؟
وكيف اذا كان القطار في محطات تبديل ؟
وممكن استخدم شركتين مختلفين ؟
كيف ادفع لهم ؟ وكيف اخذ التذكره ؟
الأجابه ستكون في الفقره القادمه
طريقة الحجز :
هناك طريقتين للحجز
الانترنت , شباب التذاكر
الانترنت :
الدخول على موقع الدوله الرسمي
http://www.nationalrail.co.uk/
لاتحاول تدخل شركات وتعب نفسك
موقع الدوله الرسمي سيعطيك مباشره خط سيرك
وكم تبديل
وماهي الشركات
والوقت الي تبيه
والاسعار كامله
والوقت المتوقع للوصول ..... الخ
لاتدوخ او تدوخين نفسك وتشوفون غير هل الموقع
قف /
كنت اقدر اسوي شرح بطريقة الحجز لكن الطريقة قابله للتغير لسبب؟
الموقع في اي وقت يتغير
فالدوله والشركات المسؤوله عن ذلك في تحديث اغلب الاوقات
وقد جربت ذلك في عدة مواضيع لي الحجز عن طريق بوكنق وايزي جيت ... الخ
لك ن /
راح اوضحلك اهم النقاط في حال حجزت عن طريق الانترنت
في حال دخولك للموقع
اهتم لنقطه أساسيه
وهي عدد تبديل المحطات
لانه البعض ياخذ التذكره بدون الاهتمام
وهذا الامر طبيعي
مثلا
اذا رحت للبحيرات
لازم تبدل في محطه
لكن
اذا رحت الى مانشستر فالتبديل نادر
سبب اخر
البعض ياخذ من غير المحطة الاساسيه للتنقل
فياخذ مثلا من ماربل ارش الى البحيرات
بالحاله هذي راح تشوف ان عندك اكثر من تبديل
الا ...
اذا انت كنت تقصد هذا التبديل وماتبي تروح بتكسي وحاوب تستخدم اندرقراوند من ثم تاخذ القطار
ملاحظه: التذكره بعد حجزها من الانترنت
تحتاج ساعتين عمل , من ثم تستطيع استلامها
يعني مو تحجز في الحال وتروح المحطه , احجز بعد ساعتين روح استلمها من الجهاز
افضل طريقة للتأكد اذا من المحطة الاساسية ام لا
واذا في تغير ام لا وكم اقل تبديل اقدر اخذه
كتالي :
عند الدخول الى الموقع
تختار مكان الانطلاق
مثلا كما في الصوره

تجد اول شي مكتوب
لندن جميع المحطات London All Stations
كما هو الخط الاحمر في الصوره
سؤال :
طيب كيف اتأكد اذا فيه تبديل ام لا ؟؟؟؟
لاحظ الصوره

ستجد كما هو محدد بالاحمر
رقم صفر
وهذا يعني لايوجد تبديل
اما علامة السهم الزرقاء والدائره الزرقاء
فهذا تبديل
استلام التذكره :
مجرد ان تحجز التذكره في الانترنت
راح يوصلك رقم في الايميل
وهو رقم الحجز
ماعليك سوى
ان تأخذ بطاقة البنك
وتضعها في مكينه حمراء موجود في المحطه
فيطلب منك رقم الحجز تضعه
ويعطيك اختيار وحيد وهو طباعه التذكره !
اضغط نعم
تطلعلك التذكره فقط
ونكون انتهينا
اما اذا ماعرفت الجهاز
أسال اي شخص من العاملين راح يدليك
شباك التذاكر :
وهذا الامر لايحتاج ابدا الى شرح
فقط انه سيوجه لك اسأله
ذهاب , ام ذهاب وعوده !
واذا كنت حاب الفيرست كلاس
ايضا لاتنسى بتبليغه هذه المعلومه
وهنا شباك التذاكر بجانب محطة سميث

يوجد في المحطه :
مطاعم عالمية
وكافيهات عالمية
ومكاتب
ومحلات ملابس
وحلويات
صيدلية
بنوك
وايضا اماكن لايداع الشنط بمبلغ معين
او مخزن دراجات هوائيه
ملاحظه: بعض الحمامات يجب عليك ادخال 30 بنس لاستخدامها
وتوفر المحطه الكبيره عدة خدمات
وهنا صورة توضيحيه عن مساحة المحطه

كيف اعرف اي بوابة ام رصيف ام بلات فورم ؟
ماذا لو لم اعرف كيف اتأكد ؟
في البداية الاسماء التي ذكرت
بوابه , رصيف , بلات فورم
جميعها اسماء واحده
لكن نحن الاشخاص نطلق عليها عدة اسماء
لكن في انجلترا
اسمها بلات فورم
في البدايه
المحطات الصغيره اما ذهاب ام عوده
سكت قطار واحد للذهاب
وسكه للعوده فقط
يعني بمجرد سؤالك لاي شخص تستطيع التأكد
لك ن
هناك محطات كبيره كيف اتأكد ؟
الاجابه في الصور التالية :
من خلال هذه الشاشه ستعرف رقم الرصيف/البلات فورم /البوابه

شاشات عديدة كيف اعرف اي بوابة ؟
كيف ادور على بوابتني بهل الشاشات ؟
الجواب :
في بداية كل شاشه
الوقت الذي اخترته في رحلتك
مثلا :
اخترت الساعه 6:25 دقيقه
ابداء من اول الشاشه
والبداية عندهم من اليسار
شوف الوقت
ستجد اول شاشه تعطيك في بدايتها
5:44
عدة رحلات تحتها
انتقل الى الشاشه التي بعدها
وهكذا
لمن توصل
6:25
راح تجد بجمبها مكتوب
Platform --
اذا وجدت هل الخطين يعني البوابه لم
تحدد خلك مراقب الشاشه او تعالها قبل رحلتك بوقت كافي تأكد
اما اذا وجدت مثلا
Platform ورقم
معناتها بوابتك تحددت
يعني مثلا :
رحلتي في سفرتي بعد التأكد كانت البلات فورم بوابة 8
هذي هي البوابه

لاحظ كيف رقم البوابه واضح ؟
ماعليك سوى ادخال التذكره في البوابه وراح تخرج لك التذكره مره اخرى
وسلامتك
ملاحظه مهمه جدا جدا جدا :
لاترمي التذكره ابدا حتى لو كنت داخل القطار
لانه يوجد شخص راح يجيك عليك في القطار
ويطلب التذكره
اذا لم تكن موجوده ممكن يغرمونك مبلغ كبير جدا جدا
وممكن عليه ايضا مسألة قانونيه
او يدفعونك تذكره جديده , هذا اذا كان الموظف احس انك صادق وحب يتساهل معاك
خلها معاك الى ان تنزل من القطار
وهذا هو الشخص

وايضا :
راح تكون معاك اكثر من تذكره
لاترميها خلهم كلهم واذا نزلت وخرجت من المحطة ارمها
دخول البوابه:
توكل على الله اتجه الى قطارك
ماذا لو شفت على يميني وعلى يساري اكثر من قطار ؟
ماذا اذا كنت شاك انه مو قطاري ؟
مثال كهذه الصوره

الجواب
عند دخول اي بوابه في موظف
طلعله التذكره وراح يدليك القطار
القطار عدت كباين
البدايه فيرست كلاس :
ستجد مكتوب في القزاز الخارجي للقطار First class
من خدماتها توفير كيبل كهرباء لشاحن الاب توب

ويبدأ رجل البوفيه عند هل الدرجه

ماذا تقصد ان يبدأ منها رجل البوفيه ؟
المقصود اذا ماجبت اكل
وتبي اكل او شي تشربه من قهوه او عصير
ممكن ماتحصل طلبك بالتحديد
خاصه الساندويش
لانه الى قبلك سبقوك واخذوها
فالاولويه للدرجه الاولى
والكبيه محدوده
وهذا ماراح يشكل عائق تقدر تجيب معاك ما تريد

• خدمة البوفية تختلف حسب القطارات

قطار Virgin عندهم walk-in shop عبارة
عن محل سناك صغير موجود في احدى العربات.
شكل الدرجه الاولى ثلاث كراسي في الصف الواحد
اثنين على اليمين
وواحد على اليسار للمسافر المنفرد
وايضا توجد طاوله لاربع اشخاص
وكل كرسي مثل الطائره يحتوي على لمبه للقراءه
وتقدر تحرك الكرسي للنوم

بعض القطارات كما اخبروني
توفر وايرليس
وافضل من القطار هذا الي استخدمته
الكبائن بعد البدايه
الدرجه السياحيه العاديه :
بوجهة نظري لاتختلف عن الاولى
سوى بشي بسيط
لكن لايوجد كابل للشحن
ويكون القطار عن كرسين يمين وكرسين يسار

وهذا احد الكراسي ومساحته

أساله في الرحله :
هل يوجد حمامات ؟
نعم في كل كبينه
وتستطيع التنقل من كبينه الى اخرى
لكن تذكر لايوجد شفاط للوضوع
هل استطيع التحدث بصوت عالي ؟
او استخدم iPod او الهاتف ؟

بالنسبة لاستخدام الجوال او الاي بود اللي في الصورة ممنوع في منطقة Quiet Zone, وهذي عربة
مخصصة للناس اللى ماتحب الازعاج غالبا تكون في عربة H او A
حاول بقدر المستطاع ان لاتزعج الاخرين
تحدث مع صديق او العائله بصوت هادئ
استخدم الايبود بصوت لايزعج الاخرين
كيف اعرف اني وصلت ؟
لاحظ فوق عامل القطار لافته الكترونيه باللون الاخضر

هذه اللافته تبين لك المحطه الي انت فيها
لانه القطار سيقف اكثر من محطه
او تقدر تسمع الاعلان الي راح ينذاع بمكبر الصوت
يعني اما اللافته او مكبر الصوت
هل يوجد اماكن للشنط ؟
هذي اهم نقطه يجب الانتباه عليها
بعض الاخوان يحسب انه التنقل بالقطار مثل المطار
فياخذ شنط كثيره
ويوجد عامل يساعدك او ماشابه
لا , مافي احد يساعدك
انت الى راح تتنقل فيهم
وحط في بالك ماذا لو كان عندك تبديل في محطات ؟
والوقت قصير ؟
تقدر تاخذ ماتشاء
لكن انت الى راح تتبهذل

لاحظ فوق لوضع شنط صغيره
لكن انا عندي شنط كبيره ؟
في نهاية كل كبينه مساحة صغيره
كالصوره التاليه

واضح من الصوره خط جمب الشنطه
يعني لاتحط شنط تتجاوز هذا الخط
لانه هذا الخط هي المساحه الي يقدر ينتقل منها عامل البوفيه بين القطارات
يعني لاتكثر شنط
لانه ممكن المسافرين تكون معاهم شنط كثيره
وكما هو واضح المكان صغير
وايضا انت في قطار ويقف في عدة محطات
حط بالك على شنطك جيدا جيدا
لاتنغر ببريطانيا
فالسرقات امر بسيط عندهم
اكون هنا قد انتهيت من تقريري
واسال الله العظيم ان يكون مرجع متواضع للراغبين في التنقل
وان اصبت فهو من الله
وان اخطأت فهو مني ومن الشيطان
محبكم ابو سعد